今日約左呀毛班友打機...去左機鋪啦..見到呀差..R鏈..之後河馬...筷子..番薯..都黎左(我好小約一大班人去打機的= =")

我係度玩太鼓之達人...咩都玩下啦...玩到差唔多點幾啦...去左食野...點知原來呀毛唔黎(幹~!!不是吧!?!?)算啦..

之後呀差同番薯去搵呀毛去MK..所以走先..我同河馬佢地再去打多陣機..之後R鏈陪我去買GAME...買左成60雞唷(嗚...)

一陣再搵返河馬佢地...同R鏈買完GAME之後...點知R鏈叫我去九龍灣打鼓機..(聽說很平的唷)當然我都去左...

點知去到九龍灣..撞到小明小恩子同千野...小明又叫我星期一去打機(汗..又打!?)去到機鋪同R鏈玩到5點幾啦...

(一日內去左成4間機鋪囉= =汗...)坐返車去將軍澳...又去左河馬屋企打機...氣氛不錯唷~!!玩到7點幾返屋企...

聽日媽媽節唷~!!所以我請媽子出去食野...又冇左50雞唷..(今日洗左成二百蚊啦..嗚..)返返黎訓左一陣覺...

 訓醒左同猖狂落去明德OK飲野...毛毛打黎問我出唔出黎..不過我唔想出所以冇出到去呀..猖狂要返去睇電車男....

所以好快又返返屋企囉...之後打比紫君姐諗住吹下水...不過好快收左線...係屋企打左陣機之後又同鼻屎小火MSN....

小火SEND D歌比我呢...(感激!!)之後再晚小小訓囉~!!聽日未知有咩做呀~!!希望唔悶啦..

今日成11點幾先醒(可能柯華冇嘈醒我掛= =")之後係屋企一直係度打機...睇電視..睇電影......咁落去囉....

不過真係好悶呀~!!一係快d搵到工..一係讀返書呀~!!一直係咁到5點幾啦...小火約我出去陪佢買衫褲(唔洗呆係屋企啦!!)

不過等到7點幾先出去...我同小火去左mk(第一次同佢出街)去睇左一陣衫褲...之後我地兩個都未食野...

係味千個邊叫左兩個麵食...不過小火比錢= =(汗..一定還既..)再同佢係mk行多一陣...差唔好10點幾啦...

坐mtr返去囉...同佢傾左好多野既呢~(唉...又係男人情個d啦= =")仲有好多好多!!...遲d一定要再約我出去...

不過下次要有女呀~!!哈哈~!!之後我到tko站搵毛毛...點知...柯華呢!?古敏呢!?呀yan鼻屎個d呢!?

唔係話出黎既咩!?!?...DOWN曬= ="....得返毛毛..呀差..魔姑..同魔姑d fd..(不過唔識既..)比較冷清...

之後過到差唔多到一點啦...返返屋企囉...聽日約左毛毛個d十點鍾打機....希望玩得開心啦~!!哈哈...

今日十點幾鍾比柯華既信息嘈醒左...不過都知道左學校發生咩事...不過我都係八下嗜~hahaha~十一點到啦...

猖狂上左黎我屋企...陪我係屋企呆左一陣就落左去陪佢食野囉...之後打比公公..叫佢去家姐個邊幫佢整塊面...

當然我都有整啦...之後同家姐傾左一陣計...到4點到啦...我約左千野係tko中心等去令我本地理書...

之後紫君...鼻屎..蕃薯,,柯華..肥蘇同apple都黎左....大家係廣埸傾計..又影相..我不想影的(我既頭呀!!)

不過都好開心(好有學校既感覺呀..嗚)都傾左好耐呀...到6點到啦...返返去搭地鐵...我同鼻屎送千野返屋企..

之後鼻屎都同我傾左好耐計呀...都知道左好多野...(唔唔= =)到7點到啦返返屋企...鼻屎叫我快d打日記...

(幹~!!不是吧??吹人打日記?haha~)之後問始悶了...無聊了...打比柯華..點知冇人聽...原來去左睇電視= ="

之後都傾左好耐呀...大家都知道左大家既心事...哈哈...到本來想訓既時候..同古敏MSN左一陣...嗚嗚...

希望以後仲可以傾得咁開心呀~!!唔好因為我唔係學校友情變淡左呀~!!感情唷..令我諗起...

返學真的好開心....

今日冇較鬧鍾....一直訓覺訓到10點幾...唔知點講好...係12點到終於返左學校辦理退學手續...其實只不過叫家長簽過名..

就得左啦...之後出去同媽子食左個M記...跟住我就返返去令返D野(其實只不過想返返去班房嗜= =哈哈)見到午膳時間..

一班人又圍係一齊傾計...的確很開心唷...只不過班友未知我退左學...其實真係唔敢講出黎...好怕自己又有D傷心場面..

但係第一次覺得個午膳好短...打左鍾...我就好快咁令自己D野走囉...返返屋企都係呆左一陣...之後走去訓覺...(哈哈==")

醒返鼻屎打過黎...問我做咩退左學..原來呀SIR已經講左(總好過自己講既)除左鼻屎...原來古敏..呀milk..柯華....

都打過黎(好感動呀><!!)搞到我真係唔敢打返去..遲d我一定打返黎再你地講既...仲有鼻屎仲同我講....

原來好多人都唔捨得我走嫁..(嗚嗚..)都係你班友...搞到我好唔想退學..(哈哈)不過其實家陣既我又真係讀唔到書...

如果為左同你地玩先留係學校...點都覺得唔得既...所以希望我呢個選擇係冇錯啦..聽完鼻屎電話...

又諗返之前去學校旅行..午膳個陣..去長洲..bbq..唱k..返大陸之後乜乜個d啦..搞到我有小小想...當然都忍住..

之後紫君姐又打黎...我都聽左..傾左一陣計(都好耐冇傾計囉)傾得都好開心呀..哈哈...夜晚就去左搵毛毛...公公食宵夜..

同毛毛傾左好多計...又同公公傾左d學校既野...2點到返返黎啦...聽日我就要去見工啦....唔會呆係屋企囉...

家陣我仲係感覺到我仲係一個學生哥...好快就要望記呢個身份啦...不過4d班班朋友遲d一定要再叫我出去睇戲...

一齊玩..去宿營呀...希望之後一直都係好朋友...友情不會這樣完結...燃燒起我們的友情吧!!(笑)

可不要忘記我啊~!! 

今日好似11點幾先起身..因為今日要返工..所以都冇乜諗住出去玩..咪諗住呆係屋企到5點鍾返工囉..10點幾fish打過黎..

不過我唔記得應返佢= ="....咁咪係屋企一直打機...上網...睇電視..呆到3點幾鍾到啦...好悶呀..!!咪搵左公公...

點知原來佢都冇野做...不過5點幾就要返工啦...所以都係係屋企呆過去...= ="shit...

返左工啦(外賣仔)...點知個陣鼻屎打過黎...問我去唔去睇戲...最後我都係冇去...(返工喎大佬!!點去呀~!!)

不過放左工都去同左公公搵佢地...柯華..鼻屎..田雞..古敏..呀yan...不過一見到柯華佢就要返屋企啦...

之後咪同佢地去左公園吹水囉...都傾得ok呀...傾到好似一點定兩點...就走囉...鼻屎同呀yan就返左屋企啦...

得返我..古敏..田雞都公公...精彩部分開始上演= ="(shit)咁咪行返去囉...點知一直同古敏點都唔斷氣咁勁串嘴= ="

去到明德都係咁...唔係串我塊面..就串我衫褲公公都係係度睇戲...田雞一係唔講野...一講d野就真係串到..(fxxk!!)

之後古敏仲要3點幾打比人(煩到人啦...唉)不過呆到5點到啦..我又煩返呀yan..點知好似訓到成隻豬咁好快收左線....

期間佢班友仲要我夜嘛嘛係個商場度跳舞...= =傻的..之後係OK飲左鮮奶....點知好想訓...不過仲係同緊古敏串嘴....

呀~!!真係唔知點解可以由2點幾到5點都係咁...一直係咁講黎講去講黎講去(大家都傻的)最後到左5點幾啦...走囉....

可以訓覺囉...訓個下...我仲要見到個太陽開始出黎...SHIT~!!