今日又要返學呀~不過星期日都訓得ok~所以.......都係上堂訓覺...(其實我訓幾多個鍾上堂都係訓嫁啦!!)

上英文堂個陣同君姐一齊坐~我同佢係度睇返佢之前既貼紙相....嘩!!睇都睇到o左...以前既佢真係好靚女嫁!!真係頂佢唔順...

真係快d叫佢遲靚女返~識返個靚仔啦(咁起碼都可以話過我同過靚女出過街呀嘛)之後小息個d時間又同人地玩下~

不過上堂就好悶下囉= ="放學同左公公一齊放~公公上左去我屋企....不過估唔到媽子原來係屋企....氣氛當然唔好啦

(我呀媽唔鍾意有人黎自己屋企)咁公公坐到6點鍾就比我拉走左啦~係屋企玩一陣電腦...君姐打黎搵我~問我出唔出街~我又悶悶

地....緊係話出啦....不過估唔到係去影貼紙相呀!!(我既第一次影)開頭又想著衫著得型型地.....= =點知著得麻麻地啦....

出黎個陣君姐呀妹又出左黎....睇落佢呀妹真係好好笑...家姐又話佢低低b...我又話佢傻傻地....哈哈.....去左影相囉.....

真係咩準備都冇...就咁呆下呆咁影左幾張....都唔型既!!!!(下次要影靚d呀!!)影完相又去左食糖水....我地又係度玩....

好好笑......食完糖水都好夜啦.....咪坐地鐵返屋企囉......不過係地鐵..我先知原來我講唔到緊急個急字...d音好怪雞...

咪比君姐同佢呀妹係咁笑囉.....what the fxxk!!!到差唔多十一點幾就訓囉......家陣覺得張貼紙相影得唔錯呀~!!

早上6:00幾...我仲同緊毛毛班人係出面吹水....吹多一陣.....我地去左新味道食早餐....個陣已經好眼訓啦...(成日冇訓過呀!!)

我食完野就係度訓左一陣(訓得好唔舒服= =")...之後公公要9:00返工...不過佢話有d唔舒服....我就頂左公公...

不過我都唔知我頂唔頂到...(好眼訓)係新味道傾到8:00幾就走囉....全部人都走囉....之後毛毛..公公同猩猩等到我9:00鍾送我去返

工.....點知返工個下d差佬走黎同我傾計...(真係差佬呀!!仲要睇身份證....神早流流比人查身份證...無奈...

仲要搞到我返工遲到...唉....返左一陣緊工啦....我開始眼訓啦....真係走左去公園訓左一陣覺...

點知我一起身...嘩!!成身麻痺到我呀!!超痛!!不過我都好努力咁頂到2:00pm放工.....

本來好想馬上返屋企訓覺嫁...點知公公又話我夜晚冇人返...要搵人頂我...個陣真係好無奈....我又唔想搵人頂(要比小小$$人地嫁)

我就諗住返屋企訓一陣再出黎返工....本來好想快d訓嫁....點知我唔見左條key...我打比呀媽...呀媽又鬧我成晚冇返!!

係咪唔想要個屋企....個下真係好唔開心....成晚冇訓...仲要返工返早上同夜晚...仲諗住可以返屋企....點知又返唔到屋企..(冇令key)

又比呀媽鬧衰仔(其實有一陣小小無助既感覺...)咁夜晚都係返左工....不過返返下工個陣...家姐打黎...話我做咩咁夜都唔返屋企..

係咪同呀媽作對...家陣係邊度....我就話我返緊工...家姐要我遲d再打比佢....我個陣真係好怕怕...所以冇打到比家姐...

之後再返返下工....呀媽又好似咸咁打黎問我係邊....我講完話我返工之後我就同呀達哥講我想早走先...睇下屋企咩事....

點知返到屋企呀媽又好火咁鬧我....個時我真係...好無奈..仲諗住呀媽咩事....我先跑返屋企...點知原來跑返去比佢鬧..

我去沖涼...傾多陣電話就訓囉......我仲未打比家姐呀.......唔知點算呀..........

今日好遲先醒呀~!!好似成1點幾鍾先醒呀~不過之前9點個陣媽子叫過我起身去飲茶嫁~我眼訓冇理到訓左呀....之後君姐又叫我

出去踏單車...我又係眼訓...冇理到..(鬼叫我前晚玩到鬼咁夜咩!!)...訓醒左我就係部電腦度睇電影~方世玉!!之後又睇洪熙官~

李連杰做嫁~真係睇返幾次都係咁好睇嫁~!!睇睇下亞yan又問我今晚出唔出黎~我又走左去約人~根住差唔多5:30pm啦~我就

走左去返工囉~返工個陣又吹下水~玩下囉~放左工我又搵呀君姐搵傾計...君姐又請左我飲野~我又令左佢既髮泥走~再傾左一陣就

搵呀公公出黎~毛毛~差佬~魔姑~田雞要遲小小先黎~之後佢就去搵亞yan~叫我係尚徳等佢地返黎~

到齊人囉~我又叫左呀奶同白金出黎傾計~玩玩下估唔到玩左成日呀~我地又左去去...右去去....成日冇返過屋企呀~

不過個日都玩得開心既~一班人又傾~幾個人又傾....傾到成早上6:00幾呀~全日冇訓過呀~!!!

今日一旱本來諗住約公公去食早餐嫁~!!點知電話打唔通~所以冇出去食呀~!!今日早會個陣同緊人地傾計~點知唔覺意一巴拍左去

個渡識既女仔度= ="個下真係好無奈嫁....不過又想笑喎(真係好好笑嫁)~!!今日上堂又冇乜野既~又係發呆咁囉~!!不過上中史個

陣因為小測無咩人合格所以比人鬧到一面屁~好無奈呀...不過呀何sir鬧個d野都冇話錯既~有d真係唔好呀嘛~

到左放學~!!中文呀sir又要統測...我又係度呆下呆下...都唔知點算....加上又要去功課留堂班...所以好唔想做份卷....

之後放左~又估唔到去留堂班可以好準時咁走喎~之後又同呀毛毛,田雞,呀釵,番薯,bass去彩明傾一陣計....

就返屋企等呀媽返黎出去食飯....食完飯又同君姐係電話吹一陣水(其實都唔算一陣嫁啦)....就出去食燒夜啦...

去到又估唔到撞到呀喵喵放工返屋企....又見到ice-cake論壇班人喎...之後去吹下水~食下煻水~

不過傾計個陣分開左2班....感覺好似唔係好好囉....好想好似之前咁成班一齊吹水講笑~

不過今日好開心呀....!!傾左好多人地既野..!!

傾到2:00幾鍾就返屋企訓覺囉~

今日一早6點30分醒左囉~!!其實我仲想訓多一陣~不過前日約左呀君姐食早晨~所以就早醒左囉~!!

差唔多7點幾就去左將中個間新味道食早餐= ="哈哈...我返工個間....d呀姐都應得我~!!君姐又幫我做中文功課~

做完就返左學囉~!!今日係學校我完全冇訓過~!!可能因為去左新味道食左個早餐...搞到我好唔想訓...(我冇講大話呀!!)

今日上英文~君姐本來坐去我後面傾計嫁~!!點知比呀sir捉到正一正~!!搞到君姐比人罰呀= ="

之後放學呀sir又唔比我地走喎~!!係咁講d位既問題...田雞都中左招呀......最後因為呀sir遲放~搞到我去唔到留堂班呀~!!

要聽日先留到呀~!!君姐又比呀sir叫左去1樓唔知罰d咩~!!好彩冇咩野嗜~!!如果唔係好似搞到我同佢傾計令到佢比人罰咁....

最後都放左學~同左公公同呀wing去mk....呀君姐都去左~我地去左買錶~同毛毛個隻係一樣嫁~!!因為我太鍾意呢隻表啦~!!

所以買左隻同佢一樣既.......毛毛.......對唔住呀~!!!.........不過隻錶$280..比錢個下都好心痛呀~!!

之後又去左買衫買褲~我覺得d衫褲都算ok既= ="....哈哈.....係咁又冇左$400啦

到左個時因為時間問題所以君姐要走先啦~!!所以我同公公呀wing留係mk再睇多陣....

之後我又買左對all start...又冇左$200蚊....同去食下野~最後去左機鋪打左一陣機~

同公公一齊打太鼓之達人~勁好玩~!!幾開心呀~!!玩完之後都成11點到啦~!!

馬上坐地鐵走人囉~返到屋企打返比豐哥整返d消費文化報告..(其實全部都係豐哥整嫁!!我都冇咩出過手...thxthx豐哥唷~)

整完再沖過涼~訓覺囉~!!