返學囉~又係咁囉~放學囉~返屋企囉~老豆黎左搵我~我又去左返工~11點到放工~

同毛毛~呀差~屎桐~魔姑~吹水~傾計傾到3點到~返屋企~

好多野都要諗....最近真係好煩好煩....有一種無奈感...

今日成1點幾鍾先起身~!!(幹~!!咩事呀~??)跟住公公就打黎~問我出唔出去...不過其實尋日已經約左我啦...

咁我咪刷個牙~洗個面~出左去尚德囉...不過今日都比較熱...都成日出汗..搵到公公啦...公公仲叫左兩個女仔出黎~(笑)

識左2個新朋友...一個叫呀米...一個叫芷芷~咁咪同下佢地個兩個傾吹下水囉~點知一個讀中2...一個仲係讀小6..

(樣子完全看不出啊= =")係尚德商場呆左一陣....跟住就上左去藍球場4個人係度傾計...柯華都打過黎...不過因為我電話壞壞地...

所以都係好快收左線囉...之後我又同呀芷芷公公打左陣波...呀米就係度睇...都玩左好耐呀...之後過左一陣又有d人黎左....

不過我都唔識既..(只知道係男仔..沒興趣)芷芷同公公佢地又返返左去打波...咁我咪同呀米傾下計...玩下囉~幾開心呀~~!!

玩到6點幾到啦...我咪送芷芷去到地鐵站...公公送呀米返去...咁我就返左屋企囉...跟住咪係屋企發下呆...睇下漫畫..睇下電視..

打下機...上下色色既網站...唔知點解好似過得咁快既...到左12點啦....哎呀!!= ="...唔記得打返比柯華...不過家陣咁夜....

都係聽日先打比佢啦...哈哈= ="應該一點鍾到去訓嫁啦~

今日九點幾就醒左啦~跟住fish就打黎搵我.....問我出唔出街....= ="我又冇乜所謂咁話是但囉...

不過我叫佢去左我屋企呆一陣先....我咪係屋企打機等佢囉~黎到我屋企我咪問佢去邊度...

佢又話唔知呀...我又問咁出去做乜...???佢又話唔知呀...咁我咪好無奈咁...都係出左去囉..

不過我身上得5蚊雞...就去左mk啦...(我以前都係咁嫁= =")去到mk咪同fish去新之城打機囉...

點知打機變睇機....係入面睇人打機睇左成個鍾...我都好想玩嫁...一黎太多人...二黎我都冇乜錢...

最後只係玩左一隻game就走左啦...之後去左先達睇手機...(嗚嗚..好想轉新機呀..)好多手機都平左好多呀...

再去信和個邊睇碟之後就再fish走左囉...點知肥班長打黎~問我打唔打邊爐...我咪話冇所謂囉~

(超~!!反正係屋企都係食杯面)點知原來佢地係出面打...唔係屋企打...要比50雞呀..咪最後我都係

係屋企食杯面囉...再玩一玩msn(唔係好識玩= =")過到11點鍾到就去同公公出去食宵夜...

點知鼻屎又打黎問我出唔出去...(好似好大件事咁!!)最後都係冇咩事...傾到點幾就走囉...

嘍住再同返公公係ok傾到3點到就返屋企訓覺囉~!!

最近都係咁...唔閞心呢.....慣了.......

今日做左個好錯誤既決定= =.....10點幾到起左身....呀媽今日唔洗返工...到左12點幾到家姐搵左我同呀媽去飲茶...

(最近差唔多日日都飲茶..)飲到差唔多1點幾到...就去家姐屋企坐下...去緊家姐屋企個陣...家姐話我頭髮好長..

叫我去剪頭髮...不詳預感 ...我都唔想去嫁啦...最後都比家姐拉左去剪...點知..剪完..嗚呀呀呀呀~!?!?!?

呢個咩頭黎嫁~!?!?好樣衰呀~!!超短頭髮....成幾個月都唔會長返嫁啦....好傷心呀...上到家姐屋企...

點知姐夫個頭仲衰....又係家姐拉佢去剪嫁...姐夫仲同我講...你家姐既品味變態嫁...我返工個陣個頭比人笑左成日呀...

我聽完諗到我聽日.....要返學...SHIT~!!過多一陣3:30分到啦...家姐開車送我同媽子返屋企...我仲未做功課呀...!!

我未落左樓下去搵猖狂幫我做作文....點知佢又係見到我個頭呆左一下...話好樣衰(嗚嗚..)...佢幫我作文個陣...

我又睇下漫畫....到6:00到啦....我又返返屋企...約呀蜂去M記抄功課....點知佢D功課唔係係學校就係人地到度....

所以我都只係抄左小小功課...跟住錦龍又黎左....點知佢地2個都話我個頭好得= ="....(幹!!呢D人要殺殺殺!!)

.之後咪吹下水...做下功課咁啦...估唔到好快到左9點幾啦...我廢事比呀媽鬧咪返返屋企囉...返到屋企沖過涼...

再做功課...不過其實好多功課都唔識..要抄...所以好多都做唔到...所以做到差唔多1點30到啦...收檔囉...

1點個陣落雨落得好勁呀....好想落去玩下水...(笑)...聽日返學啦....不過我剪左個個頭...實會...

嗚嗚......