2006 年 6 月 28 日  星期三  

我今日一起身..個petpet痛到pk咁呀...真係落床都差點兒pk囉!!!
呀姐我從細都大,...都未試過個pet咁痛...

今日一返學又落雨...wet左少少...
返到禮堂..坐落張chair度...嘩嘩嘩...真係好想死呀...!!痛地爆呀>"<
唉...又考TSA啵!!我好似好求其咁做...麻麻地求其啦!!加上我隻手好痛...周身都好痛..
搞到做卷果陣好冇心機...D試卷都唔係好難做姐...嘻~
我仲叫呀麗幫我揼PETPET..嘩嘩嘩....真係勁COMFORTABLE...呀...唔該麗麗。

做完晒中文卷...返家囉!!放學搵MISS傾去CAMP..佢又去開會..咁我地咪走囉!!!
頂...行行下勁唔好采...落大雨..係好大好大雨...等雨細左..又行...行下又落大雨...真慘..
成身WET晒囉!!!見到有架車D仔勁白痴..係度同我地揮手...唉..而家D男仔真係........

返到家食抄面..食完訓覺...嘩..真係好訓...以後我都唔敢打咁耐羽毛球囉!!驚啦!!
我成家人都知我PETPET痛...係超痛...訓訓下都唔敢旭...廢事"窄"到個PET...搞到好痛...
訓訓下又比我家的東東嘈醒...真的東東(倪子東)又打來..叫我去佢家玩..大家我訓緊覺呀...
仲叫我去玩...我行步路個PET都痛到死啦!!行叫我去玩...真係邊度都唔去呀...
我一彎腰就痛...幾乎係做咩事都可以解碰到個PET..搞到好痛痛痛痛痛...痛痛痛...

雖然果日好好玩..不過換來的痛苦卻..............唉>"<

5點幾起左身..去圖書館借書...返來..就食飯囉!!!食完飯..睇下咩法證...睇睇下佬如打電話來..傾傾傾...
傾返以前好多KAI野...有幾次真係笑到我想死...好鬼KAI子...原來我都係仲意咁樣同佬如傾電話多D....
哈...呢個情況有D似以前我地好FD果陣咁呀..^^"嘻..係咪呀??!!
傾到11點半先CUT左線...隔離有線....係我舊同學...傾完...按返佬如條線又收左....跟住就...UM..打完日記就訓覺囉!!!

2006 年 6 月 27 日  星期二  

我已經悶左3日啦..到今日終於有d活動搞下啦...今朝成日訓訓下又醒下..可能覺得好興奮掛...
10點起左身...梳洗之後同呀媽落街...佢去買送....我就去圖書館...好無聊咁係果度過左1個鐘...
自己係果度睇書...我都唔知點解自己有呢個行動...睇到11點左右就返家囉!!!返到家又係無聊...
好想好想1點半快d來...哈哈..終於比我等到啦!!!1點幾果陣仲食緊野...出門囉!嘻嘻...

我地約齊人係車站等...等左好耐未見高佬佢地...就走先啦..臨開車果陣..佢同嘉勝就來囉!!
上車囉..到左落車...見到邦係度等我地...佢要分2次帶人上去...因為真係好多人下...哈!!呀揚佢怕醜呀..比人讚完..卡卡
傻仔黎既...洗乜怕醜姐...我地上左去...就開始打啦....哈!見到各人既實力..都係咁上下姐...除左邦之外..
佢果d波真係想殺人咁嫁...根本係黎唔切反應既...成日比佢"bad"..而我d剎波好似冇殺傷力咁...
好想學好d..打好d呀...不過都係要箊自己領悟嫁啦!!!呢排又興玩羽毛球..麻雀.winning...嘻!!不過我唔識打機...

打到3點..邦出去接miss lee..我同mantro一組..打高佬同嘉勝..嘩...正呀...佢地次次同我地打..都輸...
到而家總共輸左5支野飲..死傻仔...卡卡卡!!!明知冇得打既話就唔好再玩落去啦!!越玩壞輸...嘻..玩到最後..嘉勝就同mantro單挑...
我就休息左陣再打過...打到4點...又加鐘...加一個鐘..即係到5點...個個人都累到死咁...有d人玩玩下就冇玩到囉>>
嗯嗯...同揚打過下..嗯...唔錯呀!!!幾好波呀...好過朗好多...死人朗平時都kaikai地..估唔到連打羽毛球都kai...

打到仲剩15分鐘...就打mantro苦戰...果陣真係累到想死...我總共打左3個鐘..中間有小小既休息...
打完之後...成個人散晒..真係散得好散....miss lee佢地係出面玩橋牌..我換埋3...跟住某部分人就走先..
行果條東提樓梯落去果陣...好kai...卜卜地咁連續行左幾級樓梯...唉...><"真係好辛苦...
死人mantro拉住孖仔話搭的...我同寶..華就搭38..上車果陣見到力so...哈!!原來佢地都冇搭的...我地見到佢地落車..
跟住我返家洗白白...寶同華去食野...嘩....跟住我洗完..就訓覺...勁好訓囉!!

我真係好累好累..有10級...打左3個鐘羽毛球...下次我一定唔會嫁啦!!唔會打3個鐘...
我連洗頭..舉起隻手..扎頭發都好痛隻手..死啦.,隻手好似廢左咁呀..點算呀??聽日點考TSA試呀..
唉...仲要咁累...早知就.....唔咁白痴打咁耐啦!!!我又唔係打開...唔知幾年冇打過啦!!!
我要話比某D人睇.."我打波唔係廢既!!"...哈哈...都可以睇得下嫁...!!!唔好當我流既...

8點幾打完日記...!!!唔知今晚晚上有咩做呢??我諗都係訓覺多嫁啦!!!!!今晚一定訓覺好淋...

聽日個tsa我一定會盡力嫁!!當好似學校考試咁考...不過玩左咁多日..個心好似散散地...
好爆好爆,,,周越返來囉!!佢聽日晚上就到HK嫁啦!!咁後日放學之後就搵佢去玩啦!!唔知佢有冇變到呢?性格同個樣..
有冇令仔到先!!死衰仔>m<"....那那那....返來第一時間要搵我呀!!^^。

2006 年 6 月 26 日  星期一  

今朝10點鐘起左身...起左身之後去逸東飲茶..哈哈!!我住左係度咁耐....都係第一次去飲炸..
係咪好樣衰呀>"<....d野都唔係話好好味姐...都成舊幾水....不過好飽....
食完返家..玩電腦....冇咩野玩...聽英文cd..聽英文歌....呢排做既野都係圍繞住英文...學左幾隻生字..

跟住到妹妹玩電腦..東東就來囉...佢關左tv..咁我又睇外tv...放左假咁耐..真係第一次睇tv睇左有幾個鐘...
平時睇10分都冇...我冇咩睇tv...睇""少年呀虎"”...係vanness做嫁....勁令仔呀....
講佢打拳..同埋一個miss拍拖...好好睇呀...!!女主角唔係好令...不過男主角真係勁令仔...型爆...
見到佢咁大隻既身軀..又令仔....真係爆有安全感呀...!!!做佢條女既真係開心十世啦!!!

一路睇...有d情境睇到我差d喊...好感人嫁!!!由其睇佢地2個咀咀既時侯...佢真係令仔到人都想為佢而死呀..!!哈!!
原來一個人既樣...真係好緊要!!!不過始終都係心緊要d...佢對你好..咁就乜都低返啦!!不過心又要睇...樣又要睇"~
仲有佢果種不屈不杇既精神..真係好想叫人更加去愛佢...係咪誇張過龍呢??哈哈哈~

睇完...4點15分..就同晶踏單車去富東交電話費..電費...交完5點就返到家囉!!!返到家...跟住又打電話吹水....
吹到7點幾...又食飯...食完飯...打比佬如叫佢打牌..跟住佢又話唔想打,.,落街吹水..叫左琪同肥...

落到去果陣我買啤牌...等埋琪同肥...就玩啤牌,..我地係舟逸樓樓下玩...點知有個呀婆走過來...
同我地吹水..我地又唔知佢講咩...跟住我地就真係有幾大吹幾大...同個呀婆講話呀見有左2個月..佢好似信咁....
仲唔知同呀肥講左d咩..仲拎佢既電話繩..又掃呀肥背隻....(你以為佢真係有左咩=.=")...呀婆比我地昆左啦!!!
跟住又話佬如隻耳仔生得令...好采..佢冇講我d咩野姐...!!好低b呀...開頭笑到我地死咁...

跟住我地行左陣..就決定打排球..我就返家拎波....玩左陣..高佬同嘉勝就來...開頭仲打排球...跟住成日都執波...就轉玩數字球..
勁kai呀...成日陳嘉勝成日懶cat...走多幾廿步...玩左陣...都出晒汗啦..好鬼hot...
玩到11點左右...就全部回家囉!!!

哈，．，．而家呀寶．呀琪．華華返來真好！可以夜晚落街玩．早上又可以一齊玩．．真好好好！等我唔洗咁悶！
今晚晚上好開心呀！！！好采佬如呢個提議炸！！！今天以後，我會更加努力去做大家的好知己。

2006 年 6 月 25 日  星期日  

琴晚有件好低能既事發生...就係呀東同富仔晚上10點幾叫我落去吹水..比面佢地咪落去囉...落到去真係周圍行下..
吹下水咁...最尾佢地就去買宵夜...買完就一齊坐係park食啦...食完佢地送我返家(送到上門)。
果2條友...真係好kai...扮晒蟹咁入我我家...果陣已經12點啦!~!!入黎睇世界杯..同埋我呀爸同d叔叔..
分明玩野啦..跟住佢地2個入黎我間房...間房又細...果陣已經有5個人係間房裡面啦...
東東就成日同我2個妹玩...上埋上隔床..我同富仔係下隔床....我訓覺..佢地又搞住我啵...到左1點..佢地2個先肯走..
之前叫極佢地都唔肯走...勁低b呀...又眼訓啵!!!真係頂佢地唔順啦..邊有男仔咁夜去一個女仔屋企嫁.!!!!!!!!>"<


唔知點解...而家離我地考完試只有一個星期左右..我就覺得好似過左成個月咁...
大概係因為係屋企太悶掛..搞到係屋企好似冇咩野做咁...真無聊啦!!上返工又冇工返啵..搞到冇乜錢>"<


今日早上同呀麗..呀朗..貽返教會....嘩...成個月都冇返過囉..之前掛住溫書.. 而家唔返唔得啦..嘻嘻!!!
今日行路返教會....嘩..真係熱到乜野咁囉...哈..我同呀麗又話呀朗好令仔啦!!日日都起碼話一句以上...卡卡
返教會..最記得李傳道講果個靜係有頭既人...隻腳得手指咁短....有機會真係好想見識下呢個人....
當然我諗...點解會有人咁多人受耶穌打動呢???連一D惡霸都受打動...點解佢又咁大權力...呢個問題不繼咁重複係我腦海中...

返完教會...又行返逸東....行行下..呀麗叫我同朗去佢家食糖水...就上左去啦..唔單止食糖水..仲有炸"戶頭"食..好好味.,.
食完我地就走左囉...同媽媽去左睇工...跟住好想去洗手間..返屋企...又唔急....玩下電腦..好悶...洗頭...洗完又好悶..
打比呀朗..睇下佢有咩搞...佢又冇野搞....跟住同佢吹左陣水..就讀英文囉..讀到4點...好眼訓...去訓覺..

發左個好奇怪既dream..係富東一個地方...裡面有好多惡魚..係成條路都有惡魚,..d惡魚要咬死我地..我地就見一條殺一條...
勁恐怖果陣..跟住6點幾就醒左囉!!!今晚晚上應該係屋企..唔落街囉。!!!希望呀寶..華華..呀琪佢地快d返黎啦..
佢地係度..晚上都冇咁悶啦!!可以晚晚落去打波.....!!!嘻!!!

2006 年 6 月 24 日  星期六  

嘩...今日都唔知咩天氣...好熱好熱呀....熱到爆啦!!!

呀寶今朝去左camp...3日後先返..我同2個細細妹訓到11點半先起身....起身之後食媽媽牌腸粉...
食完就開始執我地4個人既書....嘩嘩嘩..真係多到乜屎咁呀...多到呀...簡直係執晒家中所有4個人既書...
我同2個妹執....執左2個鐘先執完....而家d野整整齊齊咁...實在太好啦...之前d野亂到不得了...而家睇落去都舒服d....

執完野...我開電腦玩...點知一上線..呀寶個msn就自動登入左..聽聞佢識果d中4有d係揀視藝科既...就用左佢msn黎問果個人..
咁岩果個人又add我呀妹...所以同佢傾左陣計...傾傾下...先發覺..原來視藝科並唔係咁簡單...
佢講左好多關於中4既視藝科比我聽....不過唔識畫畫真係會好唔掂囉!!!!我知道...佢話成日都要畫畫.....
有機會同到果個人傾計...真係好開心啦!!卡卡...佢開頭叫我打比佢...不過我唔敢....就冇打到囉!!!!!!!

傾左成個鐘...就比妹妹玩...我就係度睇下英文書...學下d生字....2個鐘之後...又到我玩啦!!
我又拎f.1   d 英文書後面隻cd黎聽..發覺真係好簡單..不過都仲有幾隻生字唔識....

今晚都唔知有d咩野可以做囉..睇tv?上網?....我都係仲意落街打波..吹下風咁姐...!!
不過d人去晒camp..搞到呢幾日好悶...又冇人落去打波啵!!唉...


今晚的日子...如何過渡呢????????!!!!!!!呢排日日都有學英文...又學左好多生字...um...要成功..一定要付出...
何況花d時間黎學英文...仲好過成日係家中無所事事..咁仲無聊啦!!!所以而家既生活過得幾充實下....嘻嘻!!!^^