2006 年 6 月 9 日  星期五  

今日係中3最後一日既上堂日..之後就考試...有D活動周咁做下啦!!!
為左慶祝今日....個天專登落大雨..比個黑雨我地..不過黑雨都係冇咩影響力...!!
(呢篇日記係係電腦堂打既!!!)正正式式係考試前最後一篇日記....
話咁快又過左一個學年囉!!!之後大家就分班....哈哈...唔敢想像日後大家會變成點樣囉!!

MISS LEE今日係早會叫我地祈禱..諗呢咩呢年來既同學..有咩野係值得感謝既??!!嘻!!我諗有啦......
唔知點解....今次呢個考試比平日果D冇咁緊張....我靜係諗住考完試去邊度玩...邊度食....!!咁我就覺得好開心啦!!!

但係我今日完全唔覺得係臨學期尾既感覺囉!!!唔知點解呢??真係奇怪!!!!!!!
一時之間諗唔到有d咩野可以寫...!!?我好想專心去溫好我既書...但係好似唔係好集中咁...
唔通我真係要敗係呢次考試既手上?!!我唔想呀...!!!心情好複雜.........;.[.][;;'.;,.'.'%^&*
流淚撒種的、必歡呼收割

2006 年 6 月 4 日  星期日  

好想死呀..日日係咁溫書啵!!!搞到我周身酸痛...又冇咩胃口>"<!!!辛苦到爆囉！！晚上又訓唔著覺。

有ｄ人就好啦！唔洗溫書（溫少少）就可以拎到好既成績．我就要好比比比比比心機溫都未必拎到好成績！
一個人叻唔叻．一早已經由命運決定左．冇得改變既事實!!!冇得怨天尤人...

最後一次考試..我地真係要努力d啦!!!唔好再成日掛住玩啦!!<講緊某某某某人>!!!
知道自己唔得既野..就更加要努力去爭取.....做到得...做到好為止....人生存唔係就係為了這樣嗎???

小芝格言：假如付出有回報的話...一切的辛苦有再所不計。

最後送上一首歌比大家．．．好好聽呀！！！

占星術
作曲：伍樂城｜填詞：鄧麗欣｜編曲：伍樂城｜監製：伍樂城@RNLS

記得一次　你的好意　全部也輕易　可會知
再可一試　你的心意　其實沒太多意思

仍迷信星座　今天知道他愛我幾多
如何進一步　版本真太多　答案從來沒結果

＊誰人在挑選　誰人又心酸
　白羊遇到最愛卻一再兜兜轉
　情願　醉心天蠍也怕太無緣
　時間耗盡愛戀＊

＃明明在計算　為何被識穿
　明年預計你與我事情沒法兜圈
　寧可　無謂一拖再拖我
　時間已証實不相襯　太僥倖
　忽然　發覺越來越未靠近
（當然　這個是殘酷教訓）＃

誰說看星座　可將一切知道會更多
忘卻要幫助　公開這結果　刺中病源沒法拖

REPEAT＊＃

如若要讓愛難道不甘心

REPEAT（＃）

2006 年 5 月 30 日  星期二  

哈哈哈..幾百日都冇打日記囉!!!唔得閒打呀....好多野要做..又做家課..又溫習..
好心係考試前就唔好比咁多功課我地做啦!!!>"<真係呀...!!

琴晚訓訓下覺...周身都旭唔到..真係好恐怖..好驚...我可以張開雙眼..我想講野..但係用盡力都講唔到...想旭又旭唔到..
果下真係好驚...我不停咁爭扎...係咁既情況下...我係爭扎之中只可以唱詩歌...差唔多成分鐘...果種感覺就冇左囉!!!
當我冇事果陣..真係好想打比人同人講...等我冇咁驚..不過果陣已經成1點...我廢事嘈醒人..所以自己一個人好驚咁慢慢訓著左囉!!

開頭以為比鬼"扎"..原來唔係...佢地話係壓太大...呢排又考試...又煩呢樣果樣...!!唔怪得會咁樣啦!!!
係時侯要輕鬆一下啦!!!"講就容易..做就難"...盡量放低...諗少d野...盡力考完個試先...

今日既英文堂好好睇...辯論果陣...正..由其係嘉勝同呀朗果part...正到爆...笑死!!miss楊又成日講錯野...
放學留低左練話劇...練到半同水咁...唉..>"<呢個話劇...都係當放棄狀態嫁啦!!

社會堂見到miss顏好唔掂..不過佢既好朋友miss張黎睇佢,..仲買埋野飲..係我地個課室坐左陣...陪下佢..
雖然我唔係佢地..但係我可以感到一個好溫馨既情面...我諗呢d就係叫做朋友既定義...
我一直享往既朋友生活就係好似佢地咁....!!!可是............
中史堂勁留心咁聽佢講書...呀麗都係...!!嘻!!要比心機啦!!!

放學走果陣同孖仔呀麗一齊走....揚請係新地....勁樣衰...叫左4杯新地..跟住唔記得比錢...樣衰到爆呀>"<雞咁腳走呀!!!
果個呀嬸比果d新地空心既...好快就食完左囉!!真係衰...>"<返到家...訓覺...





哈哈...聽日係3重日子...                  1:我細細妹生日             2:端午節                3:海神號上影

不過我聽日都冇咩特別野要做..溫書囉!!!仲有呀..過左聽日...玩埋聽日...踏入6月就唔可以開電腦玩啦!!直到考完試...
咁我地4姊妹都可以專心溫書!!!...考完試後又係一條好漢....我已經plan好晒考完試有咩野做嫁啦!!!
考完試後..我諗好多問題都要解決....我一定要盡情咁玩..盡情咁食....將唔開心既野忘記..!!!!!!!!!!!!!!!!!!

2006 年 5 月 23 日  星期二  

呢排....未必日日會打日記...除非有咩特別事之外啦....否則都唔會話日日寫...我想用多d時間溫書..
唔想到臨考試果陣先黎溫...咁就會好辛苦!!!

前日..miss lee面色唔係好太...都係既...我地班d人咁懶...成日比功課又唔做...唔怪得miss會咁...
佢過左陣仲同我地分析左d野..咩勤力同聰明...雖然我冇聰明..但係我仲有勤力.....希望可以追到中上既水平啦!!^^
一諗到我地班d人...個個都成日掛住玩....又懶....點樣可以考到會考呀,...
有d人有聰明又唔識運用...成日咁懶...我想有聰明都冇呀....而你地又唔好好運用...可惜可惜。

今日返學專登整頭髮..點解?因為今日要影相囉!!
今日成日係禮堂同班房上上落落....總共3次啦!!嗚嗚>"<又要成日脫冷3啵!!好樣衰嫁嗎!!

科學做實驗做到9唔搭8..我又唔明啵!!!mantro講左樣好嘔心既野..>m<"仲話呢d野好正常添!!kai~
中史又冇左成2堂...得幾個字時間講書...呀sir都講得好急..maybe要補課。

中文...um...都係咁...食飯啦!!!咦..miss 顏冇來上堂..開頭我地係度玩揼手..不過呀個代課佬師話唔好玩..好嘈..
之後我就用2堂時間係度做grammer囉!!!我總係覺得我成日都好浪費時間....我唔想...所以有時間要溫下書...做下功課。

上完呢堂..上英文..miss楊見到咁多人落左去影相...又係好唔like咁..佢有時真係好大小姐脾氣嫁..
好似琴日咁呀...又發脾氣..佢自己都好累...好眼訓..點有精神教我地呢??於是咪索性話唔教囉!!!真係咁都得既>"<
浪費左d時間..又成日話唔夠時間..話我地慢啵!!自己又咁...

放學去左溫數....嗯..好成功..溫得..!!間中都有時講下笑咁..!miss lee成日係度搞鬼...
其實我都唔想我唔識數學嫁...我有聽書...但係我都唔係好識...
我覺得咁樣好似好衰咁...>"<..成日都唔識..."我覺得咁樣好似辜負左miss咁...所以從今天起..我要努力上向...集中溫數。
我次次數學都可以pass到..冇理由今次會唔掂嫁!!!!努努力力!!!加加油油。

2006 年 5 月 21 日  星期日