2006 年 3 月 15 日  星期三  

都有好幾日冇寫日記囉..琴日一返到家就訓到第2朝囉!!!嘻..好好訓呀!!

今日返學...咩丏課都冇做過...真係驚驚..仲係英文功課添!!所以同呀琪早返去做功課囉!!..
第一堂數學..教中點定理...UM..都係難!!跟住就上社會...有時真係覺得miss 顏好搞笑.,.真係好似溶入左我地當中咁>>
每一有時間..我就會做未做晒既英文功課...上到中文堂..好采冇人睇堂...琴日中文先勁...成10幾個老c黎睇堂...
都唔知點解成日來我地德班..科學同社會都有呀....!!!>"<

哈~到食飯時間..冇去樓下當值呀>"m<呀皮又唔去...今日冇送飯..要自己落去買野...買完上來先知mantro幫我留左飯!!
哎呀呀...條友又唔早講啵..等我買左飯先講..太差啦!!跟住miss lee話:[你睇下mantro對你幾好!!]佢敢唔對我好..哈哈~
有排佢受嫁啦!!..我食左個飯盒..果盒自己買既粉就比揚同殷食晒囉...嘩..正一大食鬼黎嫁!!
eat完又繼續做功課...到左打鐘仲係未做完..死人張逸朗成日話:[用愛膚堅啦你!]..真係煩死啦!一日講成幾廿百次..頂你咩~
不過睇佢個樣加埋佢d死人動作又真係幾可笑啵!!頂佢唔順呀....嘻!!

打完鐘上英文課...miss楊勁嬲呀...因為佢問d人幾時可以上精英班..d人又話要上數學班..有d又唔得閒..搞到佢好嬲..
佢話你地靜係要數學精英班就得啦..唔洗要英文班啦...嘩嘩..乜佢咁講野嫁...咁學校係咁安排都冇辦法嫁!!
佢就係度嬲嬲嬲...真係小器呀!!唉>"<跟住我又話不如星期一啦...miss楊又話~.唔係精英王既出咩聲呀...咁又係..
我都唔係精英班冇權出聲..點知mantro幫我解圍..佢同miss楊講話:[佢=芝同我講野姐!!]跟住成班就起哄囉!!
點都好..多謝mantro先!!!!嘻~個死野呀....呢排又對我幾好咁啵!!!算你醒目啦>"<

跟住miss楊比左少少時間d人出晒係全班面前present...真係笑到我肚痛呀...死人mantro呀...把死加埋d死人動作真係死到我死~
成班人都差唔多笑爆肚..我就笑到"謀"低左係張台下面...真係唔係話咩..但係真係好好笑...佢自己又笑..miss又笑!!
我諗mantro最好笑既就係呢件事啦!!都唔知佢果陣做咩變成咁樣既...真係搞笑到死呀!!!

上完呢堂落去周會..個周會就係關於我地中3岩岩做完果個英文project..d人講講講...成10組超晒時囉!!
有個人出場時太震撼啦..呀新同孖仔佢地都打令震...我...um..真係好無奈囉!!對住台上演講既人...好心果個人啦!!
唔好用咁既造形出來啦!!嚇死人啦!!有d人講野唔清楚...搞到我聽唔到佢地講咩..有d人講野又大聲啵!!!!!!!!!!

放學遲左成10幾分鐘..um..呢排成日都好似有d問題發生咁...我諗我地真係要學下互相遷就下啦!!
以後我可以遷就既我就遷就.....我自問...唔通係我做朋友既唔稱職咩?!問題究竟係邊...?定係你唔仲意呢種做朋決方法呀??
總之...我靜係好想可以好似以前咁...好開心好開心咁一齊玩玩玩..食食食>"<...我冇第2個希望啦!!靜係希望咁...
呢個問題煩左我好耐啦!!!如果可以早d解決..或者有解決方法就好囉!!!!!!!!!!

放學回到家...早係訓覺...唔願起身呀..實在太好訓啦..卡卡~今晚要學生字同埋做功課...!!

2006 年 3 月 11 日  星期六  

哈~天氣好,心情好..呢句野係真既...!!今日要返小學當值。

早上..10點比媽叫左起身落去晒3..真係好多33要晒..!!晒完上返來..打返學校...點知佢話朗唔洗返>"<
跟住跟手打埋比呀朗..同佢講。跟住換下3...梳下頭..就出門口囉~~得我同華華2個行路返...

嘩..真係勁hot..好似夏天呀!!hot到爆..鬼叫我件短毛衣洗左咩!!返去學校..見到肥佬sir...我問佢朗要唔要返..!佢話要啵!我立刻打比朗叫佢返..佢又好似唔跳返唔返咁..我咪話...唉~你自己決定啦。
打完電話..入去115室食飯..d野唔好食...早知咁難食的話...就食左野先出黎啦!!呀新仲搞笑...食白飯唔食叉燒啵!!

食左陣就過秀德開工囉!!呀sir詳細解釋完之後..我地就開工..我揀左6樓巡樓..同華華一齊..其他同學就一個人睇一個課室。
都好驚下嫁...!!唉>"<跑幾層樓梯搵環保袋=.="...呢個係全港咩精英數學比賽...
d勁人都黎晒比賽!! D數勁難呀~睇落去一題都唔識做呀..勁慘...連一個5-6年級都比唔上既中學行..唉~
比賽前果10分鐘..我同華巡下課室..發現有d砌真係好嘈...跟住我勁大聲咁話:{你地嘈完未呀.!考試嫁啦!}
類似呢d說話啦..全場即時靜晒..跟住知邊條令仔串我...話未到開考時間..我就話..[到開未..你都要安靜落黎!!!].
哈!真係有d似5-6年級做風紀..,帶住條紅帶咁..幾有威嚴囉!!哈~,而家d細路真係好咩嫁...唔比d顏色佢地睇..點得!!

過陣...miss叫我地揀個課室黎坐...我揀左同呀皮一齊..見到有個都幾令仔...(不過係好細個)..呀皮同我仲kai..偷偷地扮冇晒咁..
影低左人地..果個人唔知嫁~哈哈...真搞野!!到左3點半完晒..落返去幫手對卷...對完搵埋呀朗,.,走人。!!

我地話搵個地方食野..點知諗諗下去左KFC..當然係見到呀寶先入去啦!!我地猜...猜輸左請食野..點知朗輸左..
呀皮叫左D唔知咩餐..總之就係要50幾蚊先埋到單既....呀寶就好聰明...比左好多好多野食我地..跟住最尾收錢果陣..
趁果個人見唔到..就比返張20蚊我地..即係我地呢個咁多野食既餐..都係25蚊左右炸..呀皮係咁讚呀寶好醒..
原來D雞翼下面仲要3隻羅馬雞翼嫁!真勁秋呀寶~
食得不知幾開心呀...哈哈~食呀食..好飽...跟住行路返家..朗同皮比我昆左去海邊行....行左冇幾耐..就真係行返逸東囉!!

去到消防局球場...叫呀東比返張卡我...!!哈~閃人...去到消防局果陣..呀琪搶呀朗部手機..我當然幫手啦!!
呀皮搶到之後就係咁播佢D低B玲聲..真係好搞野...雖然我已經聽過..不過D玲聲真係KAI~

一路有講有笑..去到享逸..呀皮走左..得我同呀朗...去到我樓下..佢都走埋..諗返起..有D野未買...就去左買!!
跟住返屋企...冇食飯..就打日記...(因為食KFC真係好飽)..跟住洗碗(一路播住果東幫我SET果D歌).跟住就一個人落去買野..
嘩..真係勁重!!呀~仲要一個人去..冇人幫手>"<嗚嗚..今晚就係咁過啦!!..晚上打左2篇日記...打到手好累..
哈聽日就要認真溫數學啦!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

2006 年 3 月 11 日  星期六  

嘩嘩嘩...呢幾日都好好天氣呀...!!心情都開心好多啦!!

琴日3月10號..成班人去左bbq...講下d詳細情形先啦!!
首先..我地約左d人10點係樓下等...有d人遲左好多...跟住有d人去左買野..~
呀朗話揚病左佢唔去...我地叫佢去啦...叫左好多次佢都唔肯去...最尾比呀皮搞掂左佢...!!嘻嘻~
死啦..呀東佢地一腳踢個排球...落呀肥度...整到佢隻ears好痛..搞到佢喊左..呢班禽獸呀..咁樣整人地喎~
不過之後東東都有哄返肥肥....好似冇咩事囉!!
買齊晒野....頂...呀青..富仔換3換左好耐啦.,.,未落黎...等左好耐.(=.=)先到齊人。

名單:芝..寶..皮..肥肥..佬羅..呀香..華華..郭文達..東東..小富..呀青..呀朗..呀成..珈棋...um..我諗應該冇溜到d人名嫁啦~


去等車...搭3號車去長沙..係車度...大家有講有笑...唔知何來咁多零食...>"<..係咁食食食..um..有點飽飽地...
搭左10分鐘車..到左長沙...頂..原來架車唔係果個巴士站落嫁...搞到我地要行無雷公咁遠..>"<

去到個沙灘..勁樣衰呀..果個bbq地方拆左啵!!搞到我地自己要拎石頭搭爐...d人一去到..即刻去左玩囉..我一個係度搬石頭!
跟住呀肥..青..達都有來幫手起爐同起火..個火係9屎達起嫁...umum...幾叻仔啵..咁快起到個爐...
起完個爐..我地某幾個人幫手拎d叉去插沙..跟住去沖洗....哈~跟住就燒野食囉...開頭d人係咁爭位燒...
我覺得自己搭爐咁樣仲好...個地方又暗啵...又有2張台..夠晒我地擺野啦..!!哈~

燒左陣..d人行開晒囉..出晒去玩..佢地真係玩得激呀...富仔佢地拉呀香落海呀..勁慘囉...寶寶同華華最尾仲係度swim添!!
佢地真係玩得好激嫁...仲玩埋沙添..寶同華華都比d沙埋住...東又係咁玩....我.朗.肥.皮.貽就唔同佢地一齊癲啦!!

哈~見佢地玩得咁開心..我地燒左成個幾鐘之後..都冇燒囉....我同貽.朗去左海邊玩...跟住呀皮來左..我地3個女仔係咁拉呀朗落水.
跟住呀皮仲整跌埋貽落水度...哈哈~我都濕左少少呀...最傷既係朗同貽呀...跟住貽報仇..向我地潑沙啵..!!
跟住冇幾耐...有人話玩數字球...d人勁衰呀...明明個波既落點係果個地方..佢地就踢走d波.....一d都唔好玩既..!邊有人咁玩嫁!

玩左陣...跟住就玩面粉...呢part係最好玩既一part..開頭係5個人裡面有2個人有面粉..跟住對方每人選一個人企係佢地面前..
如果咁唔好采揀中有面粉果2個..咁就大鍋嫁啦...就會搞到成日有面粉...好搞笑呀,..死人呀青以為我冇...點知我係有果個..
佢一行埋黎..我即立刻潑佢..搞到佢副眼鏡一邊白左...個樣勁kai呀....玩左冇幾耐...我地轉第2隻玩法...就係全部人圍住手..
有個人企係中間閉住眼...圍住手d人就轉圈...等中間果個人數10聲後就停低...如果中間果個人隨意咁向一個方向潑..
而你企係佢面前..佢就會中招...比d粉搞到成面都係....呀琪係part勁好笑...個樣..成隻熊貓咁...得d眼呀..鼻既位有面粉..
呀肥仲型..做白髮魔女...!跟住轉第3個玩法....呢個仲好玩...就做開口中...玩法好似掌門人咁...由一個人講數字..
一開口中果個數...中間果個人就會好唔留情咁潑面粉係你身上...咁就大0樂啦...!!!

呢3個面粉遊戲真係好好玩...好搞笑..個個人都中晒面粉..我中左好多次...我仲蠢...我都唔識做中間果個..比佢地成班人排斥我..
嗚嗚...我真係唔識嫁...!!果陣真係覺得有d魚皮,,,!!唉...遲d我實會學識嫁!!!!!

玩到5點幾..貽.皮朗就走....死人東收埋朗對鞋...搞到我地搵左勁耐...佢又唔應拎左人地對鞋...又唔知貽趕住走啵..
不過最尾佢都有拎返對鞋出來...佢地走左..我地都係到7點先走...我地有d人圍住個火係度吹水(果陣差唔多天黑)..
傾到勁興奮呀..主要係圍繞住呀青同[[哨牙珍=中一好似miss lam果個]]...仲有周頒恩既話題...真係笑死我..啦!!
講呀青同哨牙珍果陣..真係唔明白...哨牙珍度眼生左去邊度...!!哈哈~到7點..我地就搭車走囉..等左勁耐(我諗有45分鐘)
先有車...之後果架冇位..!上到車..勁舒服~我同珈棋坐...返到逸東..仲kai...佢地玩恩姐..叫佢落金牛等./..話寶康哥等佢。
佢隻友真係信..落左黎...佢地成班唔知去邊..寶就華買野..我就返屋企先!!!!..琴日..開心既一日就咁就過去啦!!

2006 年 3 月 7 日  星期二  

今日個天氣又係咁呀....i hate it~
um...科學堂又係教果d野..勁難明呀...!!不過mantro好好...成日都會問我識唔識..我亦都會成日問佢..
哈~自從同你之後...對你另眼相看囉!!!

中屎堂...悶...不過我今日好有心咁聽書...覺得過幾好快呀...跟住又播下片比我地睇!!

跟住上社會...畫埋d死人腦圖...勁無聊呀..!話比d咩觀堂既人睇嫁啵!!!食飯..落去當值...
2樓..好雜既一個地方...d人大多數..我叫佢涉3..佢都肯既...真係覺得f1-2    d人好壞呀...
以前係秀德果d..乖乖仔/女都變晒勁壞啦!!!唉>"<冇眼睇佢地啦....係果度當值..真係有d無奈...好采朱燕珠陪我!!嘻~
我未企到搭11就走人囉...上去食飯...佬羅佢地一早就食晒囉...得返我一個人>"<..同呀古佢地食...

呀殷佢唔小心撞到我...我話"頂"..你知我呢個頂字都唔係有罵你既意思嫁啦,..!做咩佢成日對我大發雷霆呀...!!
不嬲個個都知我係個粗人嫁啦....永遠講野..離唔開..頂..粉皮...呢幾隻字嫁啦...可能殷佢覺得我咁講..係想罵佢掛..
不過我真係唔係咁既用意....下次對住你...我會用溫柔d既聲線ok?..廢事又比你誤會...你話我野蠻..粗魯乜都好啦,.,
我就係咁嫁啦..我就係我...好難要我改變。

食啦食..就上堂果陣..又唔知做咩事..呀麗..呀皮.貽佢地講講下拉到我同呀朗身上...無奈呀!!!跟住又拉埋mantro落水>"<

胡鬧左一陣..就上中文堂...教書.."最苦與最樂"..我覺得個課題好值得我去思考...嘻!!!

跟住上英文堂..成堂又係靜係教左p42-43頁...2堂就係教呢d啦!!同埋搵人翻譯!!打左鐘之後..我執好晒書包同埋拎埋d圖書去還..
(不過果陣仲未落堂)..眼稅既miss楊見到我...就話:[陳桂芝,,我而家落堂啦咩...咁夠膽拎d中艾圖書出黎!!]
我立刻啞晒..諗唔到有咩反駁...不過佢都唔係好惡咁罵我姐...放左學...補數。

我真係發覺呢個呀sir唔係好識教書...教到又慢...又唔明...不過佢今日講d野真係好funny,,哈哈..笑死我同呀麗啦!!
放完數學班..同呀麗去富東買野食...跟住行路返逸東...同佢傾左好多關於我既野...umum...多謝呀麗咁耐心聽我講野呀..!!

返到家...又同和傾左陣...um...我諗我真係要來個了斷啦!!!佢問左我好多問題,...我真係答唔到佢...>"<因為連我自己都唔知想點!
不過放心...在呢個星期結束前..我總會比個了斷自己...其實而家都有少少頭緒嫁啦...!!!不過未十分肯定。!!
係係係呀...真係有樣野要多謝mantro.....佢叫我以後係icq同佢傾計用英文呀..佢話咁樣可以幫到我d英文文法啵!!
佢叫我以後多d用英文係icq傾計...哈哈~我覺得好開心....之前我唔識你...總覺得你好衰...但係而家唔係啦..
我地話用miss個方法..同mantro每日交換問對方5個生字...跟住仲要串煉..識讀..唔知呢個方法可以維持幾耐呢????????
哈哈..唔知點講好啦...總之就係多謝你啦!!!你既好意...我知道!!!多謝。

今晚又有大把野做啦....做家課..幫妹妹翻譯...仲要睇3珣 ,,實唔夠time啦..又要捱夜啦!!嗚嗚 ..  .真係busy死啦...!!

2006 年 3 月 6 日  星期一  

耶穌曾經話過..要原諒人70個7次!!所以..我亦都有聽從佢既說話...已經放低左心結...
我再冇嬲佢啦!!!如果你睇到我呢篇日記的話...亦代表我唔再嬲...亦都唔想浪費咁多精神去嬲一個人。
都成個星期囉..!!要嬲咩都嬲晒啦!!!加上我唔想因為你多左幾條皺紋呀...!!哈哈哈哈哈........"
因為嬲人真係好辛苦...成日唔可以一齊吹水...多個敵人..我寧可要多一個朋友!!!~我響往以前低低bb既時侯...
嘻~諗起都開心!!!...因為曾經失去，所以要更為學懂珍惜。

ｕｍ．今日早上（７點１５分）好早同呀新同呀皮搭３８號車車去富東等埋佬羅就一齊返學∼哈！咁早返去做咩呢？
梗係整鼓啦！呀皮用佢ｄ"童軍結"幫我地組果d鼓打結..um...唔錯...童軍真係童軍呀下...>"<
隔左冇幾耐...好多人6續咁返來...哈!打鐘...咦!...miss lee有返...哈~仲搞左個坐位既分配制度..以數學進步得最多來計..
嗚嗚嗚..唔公平呀...明知我數咁差..即係注定左我唔洗揀位啦....unfair呀...我要伸冤呀..."無聲抗議"...

上音樂堂...um...我地組搞好晒啦...不過我就覺诊有d不足..等我再諗諗可以點加d野..miss比時間我地夾..
最尾靜低少少time比我地睇森美小餓...哈~如果可以一次過睇晒就好囉...因為真係好搞笑..好好睇~

落堂...上數學...派卷啦!!um..上次同今次個小測我都好滿意!!!我向成功慢慢咁邁進一步啦!!過左10號之後..我就會開始溫書。
哈~唔知做唔做到呢?!!我怕得把口講...!!"唔怕唔怕...比d信心自己!!!今日又教叻一d新野啦...死啦..
呢課真係好難...記勁多野呀...頭都大晒囉!!!不過又係果句...if i tell meself i am ok...i will be ok!!!!!haha!!!

落堂陪貽落去買野食...跟住就上科學..um..教左d好難既野呀..我諗而家最難學既唔係數學.反而係科學呀...嗚嗚~
打鐘..食飯仔...好肚餓呀...食完飯果陣真係好好笑...佬如講左琴日果個網友同埋呀肥...果d野啦..笑到我死咁呀..
笑完仲笑...食完飯..我地玩uno囉...!哈~我.貽.如都輸左一次...呀肥竟然冇啵...真叻女啦~

英文堂miss 楊既面色都唔係好好..可能上次比我地班激親掛~!
跟 住上中文..關sir冇返...何sir=funny sir代堂..真係比佢笑死...佢講左句野..真係笑到爆咀...唉...遲d再對住佢..個咀笑到一定歪!
下次中文係..仁班既班主任代...我對佢既印象唔係太好...呢!!!!!放學囉!!!

返到家竟然係做家課先..平時就一定達落床度..跟住洗白白~~哈哈!!!期待左好耐既"我係金三珣"終於做啦..
各位...小芝勁力推介:逢星期一至五*晚上10點正*本港台 *我係金三珣*
因為之前我靜係係有線睇左後果一半..未睇開頭...所以...我今晚一定會追..所以10點至11點我一定唔得閒嫁啦!!

呢排天氣有點潮濕...搞到我開燈果陣時..成日好似觸電咁...比電電到我..!!>"<好討厭呢種天氣呀..又濕"立立"..

我已懂得用第二個角度去待你!!!