2006 年 2 月 13 日  星期一  

唉>"<..話咁快又到第3學段啦...又就快到選科啵!!!人生路真係好長。

今日我地終於可以齊人返學啦...不過我地遲左好多落樓..所以叫佬羅唔好等我地啦...
幸好...入到校門都未遲到...嘻~
入到課室MISS已經黎左....囉!!我就好平常咁去返個位度...!!!(次次都見唔到高佬係度既)
高佬佢今日病左囉...!!嘻...冇平時咁有活力囉!!!...不過有時侯都仲係咁KAI...坐佢隔離咁耐....成日都睇慣左佢咁KAI~
而我有時又同佢一齊KAI..一齊玩....不過有時真係好搞笑....佢又會教我數學同科學...THX!!嘻~
早上閱讀堂..呀新真係勁低B呀...佢扮咩"京劇"D野/.點知比我睇到啵..!!佢真係做到勁樣衰呀....好似tiger咁..一d都唔似京劇囉..
哈哈~早就叫左你唔好咆哮嫁啦...真係呀....""獸性大發""____請小心。....真係笑到我同佬羅死咁呀!!!

第一堂上音樂..我地帶晒D野返去啦....仲有少少D未諗到...我地果組一定好掂姐...YEAH~..miss播左森美小儀果出音樂劇..
真係好好笑...好kai嫁...d野....卡卡卡~我仲笑得好大聲添...~哈哈哈哈哈哈哈哈哈哈哈>w<"
跟住就上數學....真係衰呀...!帶左工作紙返去...都冇做到....返黎先抄...唉>"<我都唔想嫁....迫於無奈嫁炸!!!~
哈~今日數學堂又教新野啦...都明..大至上...不過miss話星期4/5就小測..真係慘....一定要溫書。不過驚溫左都唔識。

科學present啦..不過未到我...聽日先到...今日present左一組炸...真係..um....原來大學present咁恐怖嫁..
d人會問你野..問到你口啞啞嫁...!果陣我諗....都唔知有冇機會上到大學啦!
跟住呀sir講左佢既大計比我地聽呀....卡卡>"<....我諗佢一定好開心嫁姐...!
講完d開心野...就食飯囉...今日又正啦.,..係媽做既5餐...嘩~yummy啦。
食完野..人人閃晒..我同貽就返課室..又見到呀新係度做d kai野啦...真係比佢笑死..都唔知佢今日食錯咩藥!!
真係好funny...呀...笑左好耐....叮噹叮噹...又上英文堂,....

頂..仲以為今日要present添...原來聽日先..又唔早講...之前又話我地第一組present啵..而家又話抽啵..
車..你講晒啦....成堂對答案...佢要我地以後每日做一個grammer呀....嗯嗯/...我都覺得呢係件好事黎既...
佢今次做得岩啦.....!平時好多野..我都好反對..但今次...嗯嗯....有好表現囉...

到左中文堂...又到關sir時間...佢有時真係好好笑嫁....d動作呀..說話果d~
佢今日又叫我地星期4交小說....邊有可能交到呀...真係呀!!!咁少時間就要作成千既小說比佢...冇可能...
呢個小說,..,.真係諗到頭爆啦...又唔知用咩題目...?友情?愛情?定係其他?..唉~總之一個字..煩呀..

唉...終於打鐘啦.,...可以返家囉....真係好眼訓...返到屋企即刻訓覺....正正...訓醒舒服晒,...
一起身就有飯食囉...晚上做下grammer...哈!!而家就等11點既來臨...隔左2日冇睇"金3珣"啦!!!
今晚11點...一定要睇呀....哈哈...就快做啦....好野好野!!!。好開心呀..._____________*

2006 年 2 月 11 日  星期六  

哈~幾日冇打日記囉...唔係唔想打..係冇時間打.....好忙...~
哈~~今日都總算有d時間啦...所以一定要打日記....

今日9點半...同華華去左圖書館....係果度吹水..次次都比人"樹"..叫我地唔好咁大聲....
車..都唔係好大聲嫁炸...!!!又"樹"人地啵...11點...我地走....行左陣...
華就來我家拎碟...跟住坐左陣...就閃人囉....返黎果陣...媽媽先話我..出荃灣...係我冇準備之下出去..真係呀...
咁急嫁...琴晚又唔同我講定啵....我地拿拿林..換好3就出街囉....
我穿左對新鞋出街...高跟鞋黎嫁....都係第一次穿高跟鞋....搞到好成熟..個look~哈~凡事都要試下既...

去搭E31..去到全灣....銀行差D關門...我地係最尾果幾個...好采...趕得切啵!!!
拎完$..打完簿仔..就行下啦....行呀行...本來諗住去飲茶..不過又未得....唉>"<諗下...求其啦..唔飲啦..
去行下街好過....去到綠楊坊(好似係咁叫)...見到D3幾令...入左去睇....嘩...都幾貴下...
有件240蚊嫁...媽話買比我...不過太貴...我話唔好買....揀左好耐...先揀到2件....都成217蚊啦...!!
哈~多謝媽媽囉!!!!自己唔捨得買貴3...就捨得買比我...呢D就叫偉大啦!!!!!多謝多謝多謝多謝!!!!!!!!!!!!

買完去左BOssini...又買左件...之前行..又買左件....總共4件....大收獲呀...!!!
買完3仔..就同媽去m記食野....食完去街市買送到....買完送就搭E31返屋企囉~

好心掛掛呀....Skip左2日既"我係女三珣"..搞到冇得睇...要等星期一先有得睇呀~真慘!!!嗚嗚~

哈~睇到呢張圖...覺得真係好令....就諗起就快到情人節.. 但係........哈~有d遺憾......lonely啦~



                                           一隻介指的承諾
                                           

2006 年 2 月 7 日  星期二  

我今晚..成12點幾先寫日記..因為我今日去完街黎....返黎好餓.....食完野....同佬如傾左陣間.....
哈~都幾耐下嫁啦.....跟住到11點就冇傾..因為要睇"我係金三珣"..今集冇咩好睇...
話三珣離開左餐廳....跟住社長就好似有d心不在然咁啦....
哈~都話社長會中招嫁啦....明明掛住人地....又要扮到好瀟灑咁....>"<"...男孩子就是這種東西來的。

睇完...同朗成12點幾係度傾msn...
係睇"我係金三珣"..其間......我覺得....自己之前係好仲意...睇"惡魔在身邊".....但係當呢出戲做完後...
人往往都會遺忘左個劇情.....而家我又好仲意睇"我係金三珣"...好留戀呢出戲...日日係咁追...
都說過...人就係貪新忘舊..的動物..

由於靜返低既功課都唔係好多既關係...所以決定出街...本來開頭話睇戲...不過早場太早...睇中5果場又貴..
同食壽司差唔多價錢..所以決定左去食壽司啦..YEAH~...琴晚...幾條友係度傾電話...駁左好多條線...

好啦..講返今日做左d咩..
今日我.呀肥.貽.如.皮.出街呀....我地從來都未試過5個一齊出街既....好開心...
我一早就驚遲左..係咁起身成日望個鐘幾點...真kai...嘻~
10點當落樓下等...等齊人(今日比平時返學準時得多)[見到呀肥整左新頭]...去富東等埋貽就搭MTR去太子啦...
去到..12點左右..就點野食...(果度要點嫁...!唔係迴轉嫁)!!!
點好晒食....D野食都好快黎齊....大家就起筷食呀食(果度唔單止有壽司..仲有面呀...排骨呀..青口..串燒呀...總之就係勁多啦!!)
食到咁上下啦...就玩"KING 剛 can"t 剛".....開頭....呀佬如係咁輸輸輸..連續食左好多舊...跟住就到呀肥...
佢都食左好多下....食到佢地2個話飽死....想嘔啵...我同貽就冇食過啦..鬼叫我地反應怏咩...卡卡卡~
玩到悶左..轉玩...咩自由神像...蒙羅麗沙...埃及妖后"...呀肥佢真係好低b嫁嫁....人地話自由...跟住佢就蒙羅...
人地都話要接住落去嫁啦./...!佢仲係傻下傻下咁....卡卡卡>3<"///呀肥...下次醒目d啦..如果唔係...有排你食呀....~
大至上都還可以既...好過西九好多囉....!食完比錢.....每位都係45蚊炸...幾低食嫁...~

去行聯合....唉>"<隻袋都冇果個色...失望。佢地行得好快...見d名牌銀包好令...
嗚嗚~等大個搵到錢再買d貴d既銀包,....而家粗粗地..用住先....
行完呢度...行左去花園街.....再去瓊華.......跟住就去影貼紙相啦....
搞到成個鐘....先再去旺中..買c物...我買到....如買唔到........跟住皮.如.貽閃人...我同呀肥去買野..。

我去買左對鞋...跟住同呀肥買倉鼠沖梁粉......再返返去聯合..睇下個袋有冇第2隻色./..
果個人話冇...佢幫我打左好多次電話比第2間都話冇...(而家咁既服務態度先好嫁嗎!!!)
注定同個袋冇緣囉.....跟住閃人囉..同肥肥搭mtr(係地鐵車廂度成日同佢傾"我係金三珣"出戲..原來呀肥一早睇晒...
跟住坐38號車仔返逸東囉.....!!!!!!!!!!!!

我今日終於聽到呀jay唱廣東話既歌啦....好野....十卜你呀jay~...加油呀!!!

2006 年 2 月 6 日  星期一  

話你知啦.,..我前果幾日發左個好夢..真係好正....但係我知道...呢個夢係永遠唔會實現係我身上既>"<
哈~有過一個夢境..我都覺得開心同滿足嫁啦!!!!

今朝媽媽不用上班,,,所以一早起身洗33啦~
我都早左起身..同媽媽落去晒33啦!!!
晒完上黎..岩岩睇'我係金三珣".上2集都冇睇到....而家講到社長同三珣分左手啦!!!
嗚~搞到三珣成日為左佢而喊.....咁又係....同男朋友散左...個男朋友轉頭又同返之前個女朋友一齊...
我都明白三珣好難受嫁啦!!不過以佢咁既性格...好快會冇事既..!!!!
哈~仲有個場面好好笑嫁...就係社長係洗手1間裡面冇紙巾..要問三珣拎....而3珣又玩返佢轉頭....笑爆肚啦!!
一路睇..媽就煮左早餐比我地食....哈~好味呀。

食完早餐..搵呀麗一齊做功課....叫埋呀新....
eat完我就去呀麗度先..呀新隔左陣就黎左啦!!
跟住我地3個就一齊做功課...今日唔錯呀...我都做左好多功課呀!!!!!!!! 哈~唔該晒低b朗啵!!!幫我解決左一樣功課~thx。
仲欠newspaper同科學同數學....嘻!!呢幾日一定要好好搞掂晒佢地啦!!!!!

5點正..閃人。回家就有金沙食...嘩..即時整左2粒黎eat下先啦...真係呀!!
跟住我就do homework...洗白白....最尾食飯仔....晚上傾msn仔啦....今晚佬羅可以上咁耐線...真係奇蹟呀~
今晚我又諗左好多好多野......  嘻!!都係自己傻.......

2006 年 2 月 4 日  星期六  

前果幾日...返左去大陸...發覺自己好似體會左好多野..!!!而家等我講解下啦..!~!

首先第一日...我地食完早餐...穿好晒就出發啦..係出發之前..呀寶個回鄉証過左期~冇得返去...
2個妹起床果陣係度嬌...真係好煩,...(我覺得)~唉!!小朋友就真係小朋友啦!!!!!!
咁佢就去左返工啦...我地一家人就搭車E41去到大埔坐火車...

首先..我陪媽去萬寧買野...跟住係藥材店出面見到呀敏同+勝..不過見我唔到..而敏就見到我..
佢上下打量我..仲用D好奇異既眼灼望住我...之後我就向佢微笑左左一下就閃人行路去搭車囉~
係車度冇咩可做...靜係係度聽歌仔...我地一家人分開晒坐(除左孖妹之外)...真係好怪...個感覺...
去到吐路港果陣...CALL低B朗...仲好似未訓醒咁...同佢吹左幾句就落左車....跟住落車之後又再吹左陣..
不過去到大埔火車站買票果陣就冇吹到囉...收左線啦!!!去到月台..見到咁少人..好開心....
見到火車都唔係好 多人....仲開心添~~因為過關既人少....咁我地就可以快D過關啦!!!

到左羅湖...果個海關人呢..就..望住我張身份証..望住我個望...(我諗佢覺得相裡面果個人唔似我掛)
而家閎我當然唔樣唔似啦..以前咁SEVEN..而家...哈~時代都變....啦!!我又點會唔變呢?!
過完HK關過大陸關....真係好好采....2個關都唔係好多人....(呢個井字過2關真係快過完呀!!)嘻~

出左關口..我地就搵車搭去...東莞既岡廈去探舅父..其實我都唔知果度邊度黎既...我都係第一次去炸!!
係搵車果陣..見到黃翠干...係黃家榮既呀妹...同佢爸媽...哈!!咁都撞到..真係有緣啦,...正所謂..""有緣千里能相遇""..
搵到搭咩車...就上車比錢...5個共150蚊....我地搭直通車去既.......我係車度又好無聊....於是又聽歌啦!!
架車都幾好坐下...不過我都係有D想嘔...沿路我都望到好多既風景...好多田..周圍好多塵...見到D田諗起鄉下~
又見到D戀人係強烈既陽光下談情..覺得佢地好KAI...咁晒仲有心情係度談情...係度搵個舒服D既地方啦!!
跟住又見到D人係路邊抬野...我諗佢地真係要為生活付好多既辛勞啦!!!真係慘~而我就可以舒舒服服咁坐係車度..
佢地就抬住D咁重既野...係度行行行!!唉...唔知佢地仲有幾里既路要走呢..?..我又見到D細路係個上山玩...
佢地係咪真係生活得咁開心呢?或者我地靜係表面上睇到佢地好開心...可能佢地既生活上係好苦既...一早冇左父母
咁我地係咪叫做生在福中不知福呢?!..係無聊既時侯..我就會諗好多好多既野....

我地係咁留意周圍..既四周...睇下係咪到...因為我地都唔知邊個站落/./真係好驚落錯車...話晒都係生寶地方呀!!
爸爸就問司機...呵!我地終於安全到達啦...!落左車...好多既摩托車黎做生意,...係咁問我地去邊..?!
我地冇理到佢地就...去左士多打電話...比舅父..問佢點去.!!問完...我地就搭面包車再去果個目的地..
果個面包車司機開頭話10蚊嫁..而家又話15蚊..分明就係吊高黎賣啦!!!乜佢咁衰..咁唔佬實嫁...
不過爸爸話5蚊算啦!!!我心諗...5蚊都係錢呀...幾多窮人想要都冇呀...!真係呀>"<
見到舅父係遠處果陣...之後....我地就就落車比錢果條衰人....見到舅父仲帶住個細路...係佢個仔..(好似3歲)
哈哈~上次見佢仲係手把既bb仔..估唔到咁快就識行識走囉!!!時間真係過得快呀..~
個細路好搞笑...拎張chair比我媽坐....跟住就怕怕醜醜咁躲係舅舅後面....嘻嘻哈哈~之後我仲同佢一齊玩添!!影左相仔呀
可能生寶啦...佢仲係好驚...不過佢識主動拎野比我飲..真係開心....
哈..下次再見佢既時侯...唔知佢仲認唔認得我呢.?哈..又或者果陣佢應該叫我做咩呢.?

之後..係間舅父間店坐左陣...就覺餓...去左食野..媽叫埋個細路去..佢開頭唔肯去..見到舅父去佢先肯去...
係果度想搵個好d地方食野都難./...我地事事但但咁搵左間野坐低...舅父返左去店度做生意...個細路好奇蹟咁肯跟我地一齊食野..
我地叫左好多野食....都好難食...呀.d面同肉都係苦既...靜係得d雲吞係好食d~
果細路勁好笑...見到d車叫...就係度扮d車叫...好似前世未見過車咁...最好笑既係...佢竟然..走出餐廳外~
搵地方呵尿啵(係渠道)...一個小朋友既天真...真係叫人開心...跟住仲有好笑既...佢呀...!!竟然執起地下d垃圾拎去垃圾桶啵!
真係呀...呢條友真係好有公文意識嫁姐...嘻~搞到媽媽係度笑笑笑..不過佢好頑皮下...成日周圍走...最煩係呢點...

食完野比錢...都唔過50蚊...跟住我地就去商場行下...周圍行啦...去到一個地方..真係買咩都有...媽打算買架車仔比個細路玩..
見佢咁仲意架車仔...行行下..爸爸唔見左...獅理到..比左錢先...點知~舅母黎搵我地..見到媽媽買左架車..
就罵個仔(即係果個細路)...明知家中有架車....仲要呀姨(即係我媽)買...係罵佢...打佢...搞到佢喊左...
跟住去退錢...等左好耐又冇見到經理黎啵...!大陸果d服務態度真差呀!!!
等左真係好耐耐耐耐..先話比我地聽..係邊度退錢....頂~浪費d時間....

退完錢...爸爸同細妹返去個間店度..我同媽同舅母就去買菜...準備今晚晚餐...
大陸街市真係好烏遭...不過d野真係好平..又好好味....全部都係自己種菜..hk食唔到果d菜嫁...
仲有d雞好好味,,,,今晚真係有口福..囉~~~我地買齊送就去舅父個屋企啦..!!!
要行一段路先到...一去到...見到佢家樓下...有片土地..係載滿垃圾既....我驚好訝!!嘩...點可以有d咁烏遭既地方嫁..!
舅母問我..香港係咪唔會有呢d情況出現....我話係呀...!!!!!!!!咦...大陸真係大陸..!
要行樓梯上去既..周圍而黑麻麻...上到去...真係嚇左我一跳..
地方真係簡陋到呀...得一張床...2個台...同幾張細chair仔....仲有個電視...之後個廳就見唔到仕何家私啦!!真係恐怖。
雖然話佢開店炸...不過d錢用晒係間店度....加上生意唔係太好..就搞成咁囉..一個衣櫃都冇........
唉!!!出面路台係一個廚房..得一個好細既爐....要煮咁多野...真係要等好耐下...我個肚仲好餓下嫁..嗚嗚嗚!!!
媽見返一個舊朋友,...仲比左利是我地..50蚊呀!佢既舊朋友坐左陣就走人囉~
好野..今晚媽落廚啦...同舅母一齊煮野..而我就其他人就係度睇tv..勁無聊呀..!冇野好做..又眼訓啵!!
等左好耐..佢地終於煮完...好野..有得食囉~...我食洗食雞同埋菜,..哈~真係冇幾何可以食到咁好味既野...
食完..我地就係度計畫應該留低過夜定係返hk呢..?!因為我地仲有深圳個姨果度未去...!>"<
相量完後...決定去布吉(以前我地住果個地區)...嘩..成10都冇去過啦!!順便可以去果度探下果陣租屋比我地住果家人。

舅父幫我地叫車..由崗廈去果度...都要成1個鐘呀...!!跟住舅父就送我地落去..等到車之後...就道別左舅父...準備去布吉囉!!
架車好細好迫...係車度...望出去...黑麻麻...(我好驚個司機帶錯路)(又驚佢會打劫同賣豬仔)(仲有驚撞車)..有呢d諗法真係白痴!
嘻~跟住我係度祈禱..希望神佢比平安我地...!!係度車...可以問window..好有feel...
因為hk d車全部都係密封既..邊有得開window呀...所以要好好享受果刻...不過好大風...
坐左好耐....終於到左....嘩嘩嘩...呢度同十年前真係有好大改變呀....!變得面目全非...我都差d唔記得呢度啦..

首先..我地就搵間酒店落腳...搵到之後,.,就上去check房...d味好臭...:不過開左抽氣機....諗好快就冇左陣味~
放好晒d野...跟住就落去四圍行..係果度行果陣....媽媽叫係咁話...咦...呢度咪係咩咩咩...爸爸就解答佢既問題..
而我就係度回億....咦..係喎..呢間咪係我地以前返學既路....咦~呢度咪以前間銀行...到而家都未拆....
係間銀行..我先可以認到呢度究竟係邊度炸!!!哈~行左一個圈..////爸爸就帶我地去食seafood啦...
一路行..一 路見到好多按摩既地方..一陣就知係唔正經既地方啦..仲有d小姐係出面企...../咦~唔要得啦..呢d野..
行到去間cd店...就入左去...見到有好多碟...又有janice..同jay既..力宏既新碟...就決定買力宏隻碟..娓爸就買d佬歌~!
再繼續行...就到間seafood restaurant..入左去...叫左好多seafood..有豪啦..扇貝..蝦....!!都算幾好食啦!!
食完都係唔80蚊..食咁多都係80..係hk真係唔洗500蚊都走唔到人呀....食完返酒店。

返到去..勁累呀...個電視真係好差...翡翠台收唔到...靜係得個好模既本港台同埋d大陸台....
唔好睇既...咁就去左洗白白...好唔自在......都唔係屋企果d毛巾同埋廁所....
舊"簡返"細到不得了....洗唔洗咁節儉呀~~全部人沖完晒梁...爸爸最先訓左...我就去刷牙啦,...!點知..
支牙膏真係細到呀...用2次就冇囉./..可想而知有幾細呢.?!!真係呀..我係咁批評間死人酒店呀...
全部人搞掂晒..關tv關燈訓覺...果樹有3張單人床...細妹一齊訓..爸一個人...我同媽訓...
生寶床....媽一定訓唔著..我都好耐先訓得著...樓下街果d車你度bibibibi響啵...
嘈住晒...想告佢嫁...最衰呢度唔係hk啦!!嘻~無計...都係要要訓..(全部人1點先上床訓)

到第2朝...媽媽話我知佢成晚冇訓...而我就訓左5-6個鐘啦....好似果陣係8點幾..叫晒醒全部人起身..
去飲茶..全部人梳洗完之後...執野...退房...就去搵地方飲茶...
去到對面果個"旺角酒樓"...真係奇怪啦..呢度都唔係旺角..做咩叫旺角呢..!?
去到果度...d人服務態度真係差...咩都唔講...多謝呀..又唔招待我地啵!!真係比個bad佢啦...
我地叫左好多野食..發覺靜係得蝦餃係最好食....食完比錢..(70蚊)...!..跟住我地就步行去我地既舊屋主果度啦!!

嘩..一路行就一路諗我好多野...細細個果d野...呀媽話我聽..我細細個好乖...比咩我都食.!又聽話...果刻我覺得好自豪呀!
不過佢話佢帶大我好辛苦....而當中有好多野...都係令到佢好唔開心既...係呢d唔開心當中...要帶大我同d妹,..
真係唔容易呀...!!佢又話以前想買個包食下都唔捨得...想節省d...買d好野比我地食...
唉~都知媽媽係辛苦嫁啦...要大帶4個...又冇啖好食啵..!!!>"<...所以大個一定要報答佢..

行左陣...就去到果間舊屋主果度啦(佢以前係租過屋比我地既)...哈~呢度就有少少既改變啦..
以前..我記得要回家...要先行一條好斜既路...而家條路好似變得迫左...細左....媽仲記得果個買菜既呀婆呀...

行到果度..諗住咁樣入去..太突然..又驚冇人...就去打電話...果個士多老板話...而家呢度係7個字..唔係8個數目字嫁啦!!
已經係改左2-3年既事....哈~果刻覺得自己好似與世隔絕咁...咁冇計啦...唯有打敲門啦...
行去果度...諗起以前對面間爛屋..哈~果陣果間好恐怖嫁...我地4個同d朋友都有入去玩"大x險"....
仲有我又諗起....屋既左手邊仲有間冇人住既屋....果陣時成日偷入去玩煮飯仔...4姐妹同d朋友...
果間屋有好多冇人用既碗碟...我地就用作飯碗...又搵d菜當菜..同埋加左d水...同埋點起少少火..係度玩得好高興...
諗起都覺得有d可笑...不過呢d都係一d好美麗...好零碎既回億....而家再返返去果度...雖然有d陌生...但係我會儘量用腦..
記低呢度一切...因為....對上次離開呢度係10年...咁今次一走...幾時又會再返黎....真係唔知...!所以我要好好記住...

(回億中)...去到舊屋果度...我地敲門..有人出黎應門..哈~係果個伯伯呀..我仲記得佢呀...!靜係記得..我地走果日..
佢比左4封利是比我地4個...個伯伯見到我地都覺得驚訝呀..梗係啦..一見面就係10年後啵!
佢帶左我地去2樓坐....跟住呀個呀姨就黎左囉...都係好驚訝咁既...同媽媽雞啄唔斷咁傾傾傾,....哈~
果陣時細細個都成日同媽媽落度呢度坐...好似呢度一切冇咩大改變...!!都係有3張死人相...同埋一d紅紅地既沙發...
傾左陣...真係..半個鐘啦...我地就走啦..!走果陣..佢比左利是我地.....哈~佢都好似冇咩變...只係佬左少少姐...
同埋佢地家而家係做生意...多左好多貨..好多紙皮相姐...我地真係走啦..佢送我地...

我地行左一段路...仲見佢係果度遠遠咁望住我地...嘻~呢個場而真係難忘啦!!仲有...果陣時有個fd都係住呢度..
我只不過係呢度提一提佢...跟本都冇打算去搵佢....都唔知佢仲記唔記得我添呀...我只係路過..經過佢間屋。
走囉..真係走囉...要同呢度既一切同回億講拜拜啦~~>"<~~唔捨得..不過我又好掛住hk d fd啵...2日冇見..
好想快d返去見下佢地....返大陸既呢2日...我個腦都不繼諗緊佢地,....會諗呢刻既你地係度做緊d咩野呢?!

跟住就搭車去深圳..爸媽就由呢刻開始有d嘈..爸想搭的士..媽就話搭巴士...最後都係搭巴士。
係上車前..我見到d3好令...就好想入去睇下...不過爸果陣好唔高興....係咁話我同媽..不過我同媽冇理到佢..
係度睇...睇得好求其..就買左件3囉....仲有件我好like嫁..不過冇buy到...真係可惜啦!!!嗚>"<

我地等左好耐..先等到.....搭車去到深圳...就落車...再轉車果深圳果個呀e度拜年...上到車...一好快就落車...
去到果樹...d保安好好人..果度係好豪華..好令...既私人屋宛黎嫁,..!去到..嘩~見到一鵬人食緊食飯..
哈~心諗..有咁多人真係好啦...一陣一定收好多利是啦!!卡卡~等果鵬人食完...又到我地食囉...
呀姨真係好客氣..係咁比餸我地食...食完就坐左陣...係度玩按摩chair..而媽就同呀姨長談...
不過都係好短時間..我地就趕住走囉....果時係下5..2點半啦!!!臨走果陣...呀E比左好多野我地拎返香港。
爸爸話去東門..去盲李果度按摩腳...而我同妹同媽就去隔離間髮廊洗頭...剪髮...
間野全部都係boy黎既...同我洗頭...好唔自在...我靜係剪左少少前面...而孖妹就剪埋...媽洗頭...
整完全部之後..我地就去爸爸按摩腳果度放低d野...去行街啦!!yeah~my love。
不過好似冇咩好行咁...又趕時間啵~拿拿林咁行左幾間...我自己買左條褲..我自己同佢講價..媽就係度買其他野.~
咦...買野果個真係唔佬實呀..明明果度寫30蚊..就開價話60蚊既...又比條唔合穿既褲我..死都話岩...
搞到我又要去換過..真係麻煩....我換完褲..爸爸都按完腳....就回hk啦~

搭車去羅湖..好多人呀...~不過我好快可以過到關既...~搭火車去到大埔...
妹妹話餓..就落左火車之後..就去買d野食...買左d包仔..同埋一個生日cake返屋企食..>"<!哼!!要我比錢啵!!
哈~不過d生日cake真係好好味....買完野..去等E41啦!!等左好耐..終於到啦...係車度食包...隨鞋...聽歌~卡~
去到消防局落車...行路返逸東....拎住好多好重既野....嘩...我終於可以返屋企啦!!可以同D FD傾計..可以有舒服既床訓覺啦!!
屋企屋企.......我好掛住你呀!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

補返樣野....見到大陸好多乞丐..好似好慘咁...d小朋友衣著又唔令...好烏遭...d大人又食埋街邊d野..好似好唔衛生咁..
但係我咁講...好似好祈視佢地咁...其實唔係既...其實只好講一句..活著便是福...
呢篇日記係2月4日打嫁...打左成3個鐘啦...係history以來...最長既一篇日記...打到1點幾

                                                                           -全劇完-