2005 年 12 月 9 日  星期五  

好開心真係好開心...我今日好期待放學既來臨呀...!!!
今日終於可以正式咁返學囉..唔洗再去比賽...yaya~好開心呀...
我地而家又好似平時咁玩囉...同孖仔佢地...

我地今日玩嘖野...我噴呀肥...呀肥噴左好多餅碎出黎..又噴水喎...搞到我一邊手濕鬼晒..
課室地下又濕埋...
而家同高佬坐...好白痴呀...有時我地2個玩埋D低B野...真係好低B下嫁..!
嘉勝好白痴...扮人跑步..好鬼死似...好鬼死好笑..

食完飯..就做GRAMMER...跟住打鐘落去上PE堂..今日跑9分鐘..我冇跑到..因為腳痛..
下次先補返..揚勁低能...跑步仲著件長冷3黎跑..入面仲要有件底3.背心冷3..同埋"率"3添...
佢真係以為而家十月飛霜咩..著咁多件3...朗就聽話呢..!!!除左件長冷3..底錫>3<"哈哈...

上完PE上英文...MISS楊係咁話D人好遲上黎..又口口聲聲咁同我地講..話唔會遲落堂..點知咪又係拖堂..
車車...吹水唔X咀...教下寫作..對下答案咁啦..
放左學之後..去左補數學...去3愛班..佬羅.我.孖仔..一齊坐...有D嘈...
失禮晒囉....揚先低B..成日比MISS LEE話佢...
呵..補返數...我地幾個行後面走左囉..佬羅行到富東就走...我就同孖仔3個人一齊返逸東...
一路上..都有講有說...仲比我影埋佢地2個D KAT相添...跟住去到逸東..佢地就送我返屋企啦...

返到家..冇門入..就去佬如度...佬如話落去買聽日要整果D野食...就叫埋呀肥一齊落去買啦.!!
去左街市同WELCOME買野...買完返家..返到家先驚..爸爸因工整親隻手指..
好似話D骨斷左...哎呀..我闣怕就係聽到呢D..搞到我唔係好安樂...講真..一定係十分之痛嫁啦;嗚嗚嗚!!.
好似要做個小手術..見佢咁樣..就諗返起細細個做手術果陣時啦..真係好痛苦下...>"<
我聽到呢個消息..靜係得個驚字...成身打冷鎮’。
希望佢快D冇事啦.....啦.咁我地就唔洗做呀4啦...卡卡卡*

勁開心呀..聽日有得去海洋公園..
聽日我地不癲冇歸....哈哈哈^w^

開心指數:"10"(10分滿分)

2005 年 12 月 8 日  星期四  

今日同平時一樣...多左嘉勝同我一齊返..我地比平時遲左...不過D地鐵真係好快..去到大窩口都冇遲到!!
等埋果SIR就可以行得啦..今日同嘉敏去運動場先...珍珍佢地就去M記買野食..

去到運動場都係好少人到左....第一個項目又係我地啦!!!我同呀麗去玩標槍...
我地就一齊去左報到啦..哈!!我地完全都唔知標槍係咩一回事..就走去比賽囉...!!!
好鬼樣衰嫁嗎..呀麗第2個標...我第5個!!!拎上手,,原來枝槍都好輕下..不過我諗要D技巧先得..
我地有樣學樣，睇住人地點標．．我地就點標．．不過太多時間比我地掌握啦！唯有靠自己！
我覺得Ｄ人都唔係好識標姐．都唔知好遠（冇我想像中咁遠）..我諗我地加以練習..就可能有機會嫁啦!!
第一下標..衰左~總之我同呀麗都唔洗包尾就已經好好啦..
我開頭話...你望住前面..當呀朗呀揚係果度..咁就會標得遠嫁啦..跟住呀麗話..你不如話呀MISS楊係我地前面,,
哈...好好笑...好..我地當我地既目標都係前面..呵呵!!!
終於完左...我地就幫汁邊開始200M賽事既校友打氣..雖然唔識佢...但係話晒都係同一間..都要打下氣既!!
好勁呀...!!**KK同2號機**都拎到頭3名...勁勁呀!!!YAYA!我地學校終於有返D起色啦...
睇下人地比賽..又同嘉勝同呀麗係果度同呀蔡SIR傾下計...傾下D運動D野..佢又講下點樣跑得快同埋關於標槍D野!!
呀SIR真係好似好勁咁樣呀...傾完計..返返去看台...坐下休息下...等到食飯時間就返怡中。
好慘呀今日..個電話冇電啵..好唔好采呀.....到左12點左右..等埋嘉勝標完槍..就同高佬..呀麗一齊返黎啦!!

返到東涌...電話冇電..焗住要打街邊電話..打左比呀朗..佢話冇飯剩..咁我地就去百佳買飯野..
行到學校先樣衰...鬼鬼祟祟咁..因為我地唔可以比3e班D人發現嫁..我地要趁佢地上堂果陣入去..比個驚喜佢地!!

我地好鬼祟咁係科學室果度..偷睇3德班D人..睇下佢地落左去未.?等到搭半佢地終於落晒去上堂..
我地就可以返返課室食野..我地買左唔同既野食...可以交換食下...
果個校工好好人...比我地入去食(正式應該係唔可以)....佢話校長好似帶人黎參觀..
所姒我地講野都要特別細聲./..同埋要坐係D角落頭度食野...廢事比人發現。
食完左之後...果個校工仲未幫我地開門//我地係課室等下啦...汁下食完D野..等左陣佢就黎幫我地開門啦!!

我地已經諗好晒點樣比驚算大家啦..!!嘻嘻..扮港姐..嘉勝第一個入去視藝室去扮斯儀先..
我地就係後面做佳麗...不過我地切入得太快啦...所以都唔係太似...嘻!正式投入上堂。
視藝堂冇做過野..我拉下根咁就落堂囉...上數學堂...我同高佬成堂係度玩..都冇咩上過堂咁..O既!!
好鬼低B呀佢..撓我支6茶...搞到出晒泡...我又搞返佢果支金吉水!!!2個傻B...
跟住2個又一齊帶返頂帽啵...扮北極落雪..好凍好凍呀...實在玩得太開心啦...
我地太嘈,...比MISS話..不過MISS對我地都唔係好惡姐...我諗佢應該明白我地既...嘻^﹏^"
玩左堂..又聽左堂書之後就落堂返屋企囉...等齊人我地又一齊返屋企囉...車!!仲以為孖仔等埋我地放學添..
原來都唔係既..車..>"<失望...仲以為佢地會主動返一次添!!!唉>"<始於都係冇變過。
等埋佬如就走人囉...行行下..打左比呀朗佢地...我地係度扮晒聲咁...郭文達先慘...比我地係咁話佢..
鬼叫佢搶呀揚個電話聽呀..又CUT人條線啵...個電話又唔係佢既(如果係佢的話..我冇野講)
行路既時侯...撞正佢地...郭文達呢次慘啦..比人打...比人罵..哈!!低死...
好開心呀..今日可以同孖仔佢地一齊返屋企..好似好耐都未試過咁囉..!!!>"<..自從...................
呀肥仲低b...我地整佢條裙..其實都冇睇到佢條底..昆佢姐嗎..大家又信啵>"<蠢到死......
嘻嘻哈哈咁就返到屋企囉..好希望今日返屋企條路可以長D...咁我地就可以玩耐D啦!!!!!!!!!!!!!!!!

2005 年 12 月 7 日  星期三  

今日係秘2日既比賽日子...一早就係車站等佢地...等左2個字都冇人落黎...=0="
又凍啵..不過經過琴日教訓..我今日已經著多左好多3啦...!!!所以唔係好凍..

搭MTR去到地鐵站...落車...去左M記買早餐(佢地炸..!我早就食飽啦!!!)
買完就去返運動場...!!!唉..又要比賽....仲係好早添...D男仔跨完難..就到女仔...
真係好驚好驚..(因為我隻腳因為琴日跑400米傷左D根..再加上我又唔識...人地又練過..)黠樣同人鬥呀!?

唉...唯有要頂梗上...好采有嘉敏陪我...佢係第一隊..得4個人..!!!佢拎左第3名。
而我就係佢最面果排..好似有7定8個人...個個都好似有備而黎咁...好似好專業咁...>"<

到我跑..真係好驚..驚到屎咁牙..之前係學校比賽果D我都唔會"疾"難,,.唔知點解今次會咁...
可能對手太強...加上我隻腳痛...所以就搞到我跳每個難果陣好驚好驚...結果........................
唉...冇提啦..搞到我隻腳刮損左...好采冇咩大外...只不過跨跨下果陣差D又卜街姐...
跑完...隻腳更加痛..都唔知要休息返幾日隻腳先至會好返...唔會再痛..搞到我行路都"吉"下"吉"下!!!
比完賽先10點幾...呀SIR話可以下5返學校...我諗都冇諗...就決定要返...因為我真係好掛住大家呀!!!

哈..恩姐都幾勁呀...跨難第3..嘻嘻~係我先咁屎。等到12點幾...呀SIR委派左高佬帶我地返...
一 路返果陣我就一路好開心....返到東涌...去左東薈城英食坊食晏就...食飽飽之後...就開開心心咁返返怡中囉...
第一眼SEE到佢地之後...真係好開心嫁...開心到好難講啦...佢地就係咁問我跑成點...>"<
針左陣就上英文堂囉..!!!MISS佢話..{而家去果度緊要D定係返學呀..?}我心諗...你估我真係好想去嫁咩..
有D人真係迫於無奈...而唔係好似比你話到果個人唔想讀書咁牙...唉!!!
上完英文就上科學堂...去左實驗室做實驗..呢個實驗有一定既危險姐嫁..大家千期要小心....
..雖然呢短短既2堂課真係好短...但係好開心..!!!
上完堂就去左週會...聽電影...好睇呀...叫做咩咩童年啦...睇到放學...MISS話有興趣可以牛低睇..
我地就想繼續睇埋佢...就留低左啦...不過都有好多人牛低左睇啵..
睇完出戲...4點半..就行路返屋企。...返到屋企就拖下地咁啦...今日唔係好眼訓..所以就冇訓到啦...
聽日..最後剩返聽日...我就可以完完全全咁投入返3德班啦...

2005 年 12 月 6 日  星期二  

今朝真係好凍好凍呀..凍到死咁牙...!嗚嗚嗚..d風吹過黎..下下都剌到我周身痛呀...
今日7點先起身...(琴日約左7點嫁)..遲左好多起身...桃桃打黎叫我落去..我仲訓緊覺..
搞到我早餐都冇食...梳好頭..拿拿琳落去...順便去名古屋買個包食....搭4先落到去車站等..
岩岩好,.,.桃桃佢地係度等緊車...跟住就搭地鐵去大窩口囉...!!係MTR等埋polly同汪志佢地....

等齊人..就去大窩口囉..去到果度...係恆新等...呀SIR好準時..係搭半果陣就黎左>"<!!!
哈..跟住佬羅就打電話比我...好開心呀...接到呢個電話..真嫁...真係好開心。
去到運動場...勁Q凍呀...凍到成身振嫁...我聽日都要穿多件3去呀...>"<凍到我屎咁呀...
成個早上坐係度....聽下歌咁............*到左11點3..就打左比呀朗...哈..聽到佢地把聲即刻開心晒...
我發現...冇見D好朋友一日...我都會好慘好慘...好孤單..好寂寞。我真係真係好掛住大家呀,,.。
我係運動場果陣真係好慘呀...見唔到你地...一日不見..如隔十年呀..

出面學校D人真係好勁呀..由其是係梁省德....都唔知呢間咩學校黎嫁...!!勁鬼快呀D人...
平時係我地學校跑好快果D...出到去都係尾果幾個,,真係人比人..比死人。
強者生存..就係呢個意思囉!!!樣樣野我地都跑包尾...真係好鬼屎呀..人地個個有練過..而我地又冇...算係咁!!

12點幾...放LUNCH...我地就去左茶餐聽食野...食到好飽好飽...!我地5個人..計黎計去都計唔岩條數咁..
食完野..就返返運動場...原來唔夠人...即係我都要出埋賽啦...冇啦啦又跑400米...呢次死緊囉...
好快就到4X400..我地都拉定根先...到我地啦...我地4個就落去....去到點名果陣..
又話我地D領唔同社...所以唔比出賽...咁我地甲姐就即刻同乙組D人換件3..好采趕得切...
人地個個都有備而黎既..而我地就好似玩玩下咁..唉...終於都我地組跑..
開頭已經落後人地咁多...唉!!死緊...我跑第4棒....我地包尾,,.,到我跑果陣..開頭果100幾米唔辛苦..
不過跑到200M開始..就死死下啦....真係勁辛苦..我成個腦都諗住..班好朋友...同埋耶穌..
我相信佢地全部都會默默支持我...!!!跑到剩返100米既時侯...跑左幾步..差D就卜街...真係累到牙.
去到終點...累到卜左係地上...企都企唔隱呀..好采有嘉敏..桃桃嫁...
休息左陣...就上返去啦...坐左係度...休息...。

4黠就開始走人...我同嘉敏同POLLY走..珍珍佢地留係果度睇人打波....嘉敏要返工..POLLY係富東住..
即係冇人陪我返逸東啦...>"<,,,行行下見到個公園嘖D霧出黎...好令好令...就影左張相。
跟住就比我見到一D唔想見既野...加上佬羅又話我知...MISS楊又搵佢地麻煩...心裡面就更加難過。
唉...!!仲要捱多2日..勁唔想去運動場呀...好想好想返黎同你地一齊玩..一齊癲呀...好掛住你地呀....>"<

2005 年 12 月 5 日  星期一  

今朝返學真係好凍呀...死啦死啦....最怕最怕就係呢個季節。
D男仔打tie打到好kai....朗朗同揚揚就唔同呢...!?哈..打到幾型呀..!!卡卡。..唔唔..開始識得扮令啦..揚揚。
行路果陣係凍凍地呀....今早返到去...d人同我講..話我同陳志文坐...我冇咩feel...
有d人對個坐位唔滿意..而我就冇咩所謂啦...因為我隔離行果個係佬羅...哈..咁樣已經係好足夠嫁啦!!!
不過最後掉掉下位....變左高佬同我坐..哈哈!!仲開心添...佢可以好耐心咁教我...卡卡

音樂堂要present....present左2堂....
機件故障...到我地組果陣...唔咩做咩開唔到...不過最後都順利開到既...

數學小測又唔合格啦..欠1分先合格....死啦!!成日唔合格..到考試果陣都唔知點呀..
係數學堂..miss lee同劉展有沖突．．嘉勝好低ｂ．．．係度扮和事佬..係咁講埋d低b野...
不過咁樣真係可以令到個局面冇咁彊既...陳嘉勝...你係得既...!!比個good你。
而家冇有怕...因為高佬可以教我數學..平時同yoyo坐..佢又唔識我又唔識...好無奈@!@!


跟住上科學...呀sir壓外教多左野..不過d野真係好深...聽黎黎去都聽唔入耳’。
食飯囉..過左呀肥度食..好耐冇試過一齊食野啦...食完同呀肥佢地一齊黎德班吹水..
話題都係圍繞住longlong同lingling...卡卡,...好好笑嫁肥肥佢...!!成日講錯野...
玩左陣就打鐘囉..上我最hate既老師既堂..搞到我都冇咩心機聽書添!!!!
miss楊見到呀麗同呀朗坐..又係度嘈...佢好痴q線既..而家個位係miss lee偏既...姐係話佢偏男同女一齊坐有問題啦!!
佢成日都靜係有自己既諗法...男同女一齊坐又如何?唔通又唔係fd呀?咁以後你玩晒啦...
不如你話全班d人都拍緊拖呀笨...都唔知你係咪十下十下既...
跟住呀麗睇唔眼..同佢嘈左幾句....跟住我同佬羅就出左句聲...呀朗仲激..同miss對答如流..
呀朗一句...miss一句...係咁頂miss楊講d野...車...係佢自己衰....唔可以怪呀朗駁佢咀既...
呀朗駁得岩..駁得妙..駁得呱呱叫...!!正呀...不過死人呀揚一句聲都唔出...唉..膽小鬼!!!失望..
激到miss生蝦咁跳...再加上成半班人冇帶書...呢下仲死...佢仲加之激氣呀..
..叫晒d冇帶書既企係後面抄筆記...包括我..好多人都冇帶__________頂佢呀...抄咁多野..想抄死人咩..
又要人企咁耐...傻q左呀佢...我真係好q唔順佢...見佢前面僧佢後面...!!!叫佢"收啦"!!!!

返左學..同2個細妹妹去拎醜睇醫生....佬羅同埋我..一坐就坐到6點先走...哈!多謝佬羅陪我坐咁耐..
冇啦啦..寶寶又黎左...等左成幾個鐘..爸爸黎左...咁我就同呀寶返屋企先啦...
一 路行一路就同寶寶傾計...好耐冇試過咁啦..如果呀寶係我一個好好既傾訴對像...你話幾好呢?
我地唔係話冇野講...不過唔會話好講得心事果種囉.............~~~~!!!!！！!!！!!!!！！!!！！！！