2005 年 10 月 15 日  星期六  

呢排...行企..坐..都係拎住本書...成個腦都係d數學.中...英文果d野..煩死啦>"<
唔通真係要考試先可以測試到大家...?唉..煩煩煩啦..

今日教定鐘9點起身溫書...溫中屎..溫到1點左右..就訓左陣..訓到2點。
華華就黎教我數學...跟住景晴打電話黎..叫我去海洋公園10月21號..話有哈佬win..我話唔啦!
因為我地遲d會有好多好多人一齊去(11月左右)...希望快d到啦..果日。

華累..佢訓左陣..跟住佢就起身..繼續教我!!!
到實在太累(5點幾啦.啦!!)落左去行左陣...吹下風..又見到班f.1仔!!!!!no eyes to see  la!~
跟住華華佢地成班人又唔知做咩...大家行黎行去...我行夠啦..我就返屋企"..而佢地就係樓下。
今晚去佬如度溫數學..加油加油...((對..世上只有強者才可以生存))!!!
所以我要不惜自強...努力努力向前...。。

永不放棄 鼓起勇氣

永遠奮鬥 就似沒有盡期

我跌下再翻起

永不放棄 心中永記…..

2005 年 10 月 12 日  星期三  

唔知點解好似有d人唔係好緊張呢個考試咁...可能因為呢個考試既範疇細啦..
但係我就當佢係平時既考試咁..一有時間我就抓緊本書係度讀讀讀..簡直係書不離手啦>"<!!!

考完試後..一定要去relax下啦..必定必定呀..
今日早上好早..7點..我同呀麗就行路去富東等埋佬羅就返學校做功課囉!!!
不過返到學校都好似冇咩做到功課咁樣啵..係度傾下..笑下..講下咁..
咁就上堂囉...數學做工作紙..同呀揚一齊坐...一齊做...可q呀佢><"
宗教冇咩事發生...!今次到呀朗出去祈禱呀...哈哈..2兄弟都咁好笑既!!!

中文係度講重點,.,..但係我唔覺得果d係咩重點囉..>"<..成日講野講到唔清唔楚咁喎!!!
食飯時間...落到搵呀妹拎飯..佢又唔係地下啵..咁我咪上返去睇下佢係咪班房咁..又唔係啵..
跟住索性等呀寶上黎果陣幫我 拎埋飯囉...真係勁興呀..果陣..搵極個飯都搵唔到..跑落地下又上黎5樓!!煩!!
呀寶上黎拎左飯比我...呀皮同呀朗佢地幾個係前面講d喊濕野...呀皮好似係度朗誦咁樣呀..
呀揚佢笑得最開心...仲比呀佬羅佢地話佢""喊濕仔添!!!""哈哈...佢係咪真係喊濕嫁???

英文對下答案..大家仲教識miss楊咩叫"kai"添...miss佢又係既..以為係呢個"kind"..哈哈!!!
科學小測..我好鬼失敗呀..人地冇溫書都可以高過我..我話晒都話溫左少少呀
滿分50分...我究竟得30分炸...好鬼失敗呀>"<仲要條條問題都係好易嫁添..!!失敗真係失敗呀...

上完科學落去週會..聽一個見証..有幾下子都搞到我眼濕濕..個主角講左好多野..佢次次講d野都好有道理..
我都有諗過..有留思過!!!!!!!!""".神係咪真係會幫助我呢..?我都諗左好多好多野...
呢d電視先至好..比大家有反思...有鼓勵...!!唔知大家明唔明呢..?
上完...返上班房..我..嘉勝..呀邦佢地..仲有好多人都約左係度溫書..
我地果組人落去補唱歌之後就上返黎溫習啦..唱唱下走音...好樣衰..不過走得好細既..唔係錄到既..我諗。
一大班係圍埋一齊溫下習咁..幾好呀..不過我地溫到好夜..5點半左右囉..
我同呀麗就行路..寶佢地就搭車..勁重呀.d書呀..立立雜雜..總之好多野..好重啦..!!
返到屋企...就即刻玩電腦..跟住食飯...今晚溫科學同英文啦..聽日小測英呀...>"<

2005 年 10 月 11 日  星期二  

本來琴晚話同景晴落去飲野既..最尾都冇落到...我又話有少少眼訓..佢又岩岩打完波..
大家都好累..所以就冇落到去啦...!!果陣時都成11點半啦...我就上網整下個板..點知衰多手..
成個板冇左..變左之後果d咁..又要我重新整過...晒左好多時間先整好個板..
不過唔係好令..求其整個先啦..考完試後先再整過一個令d既...!!卡卡。
跟住1點左右..好開心..見到周越上線...不過佢有好多人add佢..傾左陣..我又眼訓..所以就關左機啦..

早上11點起左身..本來想9點起身溫書嫁,,,不過又冇教到鐘..所以唔知時間起身囉!!!
1點碧麗珠黎左..1點半華華黎左..2點幾佬羅黎左..!!大家一齊溫書...不過都係一 路玩..一 路溫..!!
今次真係好唔掂..我勁唔想溫書呀...平時都唔係咁樣嫁...唔知做咩鬼事.!!!!!
唉..勁辛苦呀..個腦都冇意識去溫書...靜係日日想點玩點玩...以後條路相信都係會幾難行嫁啦..
真係好唔想面對...唉!!

每 日    也為 快樂徬惶　，討厭  這種 過程---。
 
                   決 定要  令故 事暫停　  留 住笑聲______________________"*  

溫溫下..打比呀朗..哈哈...華又打電話玩佢...!!不過佢地真係好qq呀..

到5點左右..呀麗走先..剩低華同羅..我地係度睇"唱k小魚仙"..哈哈..好鬼好睇嫁!!!
睇完就送佬羅搭車..跟住同華去買野就回家囉!!!
真係唔鬼想返屋企..返屋企..就要拎起密麻麻既紙同書本..坐成幾個鐘係度溫書...真係好討厭嫁!!!
無計囉..點都要忍下既...我咁多次考試都pass左..冇可能衰係咁次考試上既..
我唔會俾小小考驗就可以打敗我既...我一定要叻比人睇..我係掂既..我係掂既...

2005 年 10 月 10 日  星期一  

呢排我都諗我會少d寫日記..要溫書...!!!好討厭呀..>"<唉...!!
怪就怪自己吸收能力唔好...一係就蠢得制..我又唔係唔留心上堂..但係人地聽到果d..
我靜係聽到一半..唉唉唉>"<好慘呀..!!我要用好多時間先可以記到d野。

琴日有幾個fd黎左我度溫書..不過都唔係溫得好多炸..!!!所以而家晚晚都要努力啦!!
今日同呀麗同佬羅早返去練歌..珍珍冇返到..所以我地星期3先6返..
上完音樂堂返到課室...課室個門鎖壞左..度門開唔到..人人都企係3德班門前..
我就同佬羅去左3愛班班房同佬如傾計...

數學堂成堂比我地溫書...正呀..今堂溫書好有用..我唔識d野好多都識左..
中文堂就溫下習咁啦,.,.跟住就同呀揚呀朗食飯囉..哈哈..佢地幾個好似好驚咁..
我仲衰..食最尾..搞到得返我一個人食...又多人望住我食啵,,...搞到我好唔好意思啵!!!

食完飯就上英文..今日prepect都成堂囉..得返好少時間..中文堂就溫下習咁啦,.,.
放學後就去左數學班啦..正正正!!!我覺得呢d班真係好有幫助嫁..雖然係短短幾分鐘,,
但都好ok嫁啦...!!!哈哈...放學放家果陣見到景晴..好開心添!!!
返到屋企落黎買電話卡..我真真正正有屬於自己既電話啦.,..!!跟住落順便拎返果本說明書比佢.!!
佢話要整返d歌...咁咪比佢囉...跟住呀寶同我同景晴就係樓下坐左陣...
就返屋企食飯囉,,食完玩左陣電腦...又同低b朗傾icq..我用咪..佢打字。好鬼低b嫁..個低b朗...
跟住景晴打黎叫我落去飲野..我就一口答應左啦..佢叫我晏d先落去..叫我溫多2個鐘頭書..
哈哈..低b...>"<!!!我地就約左11點半去飲野..哈哈...唔知今晚會幾點返呢???

2005 年 10 月 8 日  星期六  

琴晚晚上去左文東路...周越又話會去果度打波既>"<...點知去到都係唔見人既!!!
諗住佢時日冇多..咪去文東同佢傾一晚計仔囉..!!又唔係果樹啵!!死仔包呀..

我地搭順風車去同埋返黎..!!去到果度冇咩野做既..下次我都唔去囉..除非有特別野啦!!!
返到逸東買完野飲就返屋企..跟住傾icq傾到2點幾!!!多謝某某人既信任..懂你+寵你...卡卡>"<

10月8日...早上一早就起左身..去送周越機..佢要飛去外國讀書呀..!其實我地應該為佢高興。
可以去外國讀書真係好正嫁..!我地約左好多人...仲有朗朗佢地3組合嫁..(約左9點)
真係好大班人...一齊去搭s64..哈哈..我地專登坐係朗朗後面..卡卡..佢今日真係好令仔呀!!!
令爆鏡啦..帶左副外黑內黃既眼鏡..仲加之令添呀!!!坐到去果度...由我呢個導遊帶路..
個個人都好少黎機場...我就返開工..都熟晒嫁啦..!!我地去左c閂果度等.!!(果陣都成10點左右啦)

去到..都已經有好多人係果度等啦(成30個左右啦)..!!奇怪既係劉展佢地果班都冇黎到..唔知點解呢?
唔通真係驚喊..佢地都成5年同學啦...我都4年囉!!梗係好唔捨得啦..
見到大家果陣..個個都嘻嘻哈哈..好似冇咩事發生咁...可能大家心裡面已經流住眼淚..口硬心軟姐..!!
男仔就係咁口不對心嫁啦..仲有8個字周越就走囉..大家都係果度等下時間一秒一秒咁過去..
好多人都帶左相機去影相...哈哈..我都周越影左相呀...係我部手機度。!!!
差唔多上機啦..我地影大合照...好開心嫁!!!影完大合照...呢次真係要走啦..!!
係行去入景大堂既途中...我係咁話:[冇人喊既..冇人喊既..你地快d喊啦!!]
點知真係去到個閂前..我見到周越個頭垂下..知佢有d妥...跟住我真係第一個喊啦!!!!!!
好多fd望住我..但係實在忍唔到啦...周越見到..佢過黎..我個頭就好自然咁靠係佢既膊頭上..
佢都好自然咁比我靠係佢膊頭上..佢就安慰我..叫我唔好喊,,,
呢一次之後,,唔知幾時再有機會靠係佢膊頭上呢??或者一年..吧!!
我喊完後...陸陸續續有人喊...周越佢都有眼濕濕嫁!!!!!呢次佢真係走啦..再見唔到佢既身影囉!!!
送完..就走囉..大家企左係果度好耐..傾緊去邊..突然..周越打電話黎..叫我唔好喊..佢話飛機就起飛..
我諗果次真係我最後一次同佢傾電話啦..日後都冇機會..屋企個電話永遠唔會再有佢既來電顯示嫁啦..!!!
一切一切都係最後最後...唉.唉唉...!!!好傷心呀!!!跟住我就同呀麗..華華..同嘉勝搭車返逸東..
孖仔佢地成大班就去左睇戲..!!!返到逸東..我地都係康逸樓果度落炸..因為實在太辛苦..好想嘔..=m=!!

返到屋企即係訓覺..琴晚夜訓..今朝又早起身,,訓左個半鐘...比佬豆比聲嘈醒左..
跟住就落左去買野食啦...跟住就同嘉勝傾下d考試溫書d事..拖下地咁..最尾溫左陣時事..
死火啦..今日咩都冇..所以今晚晚上..除左寫日記之外...咩都唔做..靜係溫書..。