2005 年 8 月 7 日  星期日  

想返一日開心既工都咁難??日日都有唔同既新鮮事發生!!件件難受.."
日日都忙到死咁..今日仲on9..真係唔想講粗口都唔得呀..牙!!
佢上次仲對我好好嫁..!今日唔知做咩q事,,!

我都冇錯野啵..果條卜街唔知做咩事..發我脾氣啵.!!我問佢拎d慈跟..佢好惡咁話"冇呀"!
我心諗..你係咪on9..自己唔開心就搵我黎出氣!!!明明有"慈跟"又話冇啵!!on9佬。
我邊有聲出呀..!!只好默默咁受左呢啖氣炸..!!真係想x佢..頂!!真係興過辣雞呀!!
卜你個街呀././我生出黎唔係比你罵嫁..仲要係冇啦啦罵我先興呀!!>"<!!

果個男孩子11點返工!!我家下同佢傾得最多野..我地同個倉做野..自然多野講!!
嘻嘻~今日先知佢叫咩名呀!~倫仔"佢真係我好幫手黎嫁..有客黎!!我就會好自然咁叫佢幫我擺下位..
而我就沖茶..合作得幾好呀.."不過有d人到而家都冇咩講過野..可能佢地以為我"高鬥"掛>3<"
我成日都唔出聲..講親野都同呀倫講嫁炸..可能因為我地2個都係新人..所以多野傾d掛!!!
哈!!!以後有個人陪下我傾計..幾好..何況佢又唔係難相處呢!!?卡卡!!
今日我先知道有個紅3哥哥都好好嫁..成日問..呢度好唔好玩??做野就幸苦..玩就冇啦!!
今日都撞到佬如同寶寶好次呀..!!嘻!同佬如傾左陣,,比經理見到!!即刻去做野!!

今日4點半放工..係最耐既一次..有200蚊!成日搵個死人釘書機釘住d錢=o="
我係廁所係度等緊一個好機會,,以後日日放工都係咁啦!!(我比較享受一個人放工,,除左同佬如之外)
不過返工放工我都未試過同佢一齊!!放完工換埋3..上去搵佬如..佢偷左一舊甜品比我食呀!!
番版黃秋生"好人嫁!!成日同我講笑!!又幾好樣..(年齡大既角度黎睇)!!|
同佬如爹左幾句..就走人囉!!陳生見到我地2個傾計..都冇咩話到..只係輕輕打左我個頭一下。
佢都好好人嫁..係呢度..我都遇到5個以上既好人...*(不過真係帶眼識人呀..!凡事不能單靠表面。)

2005 年 8 月 6 日  星期六  

果個7仔條友夜晚晚又打黎啦..(果陣成11點幾啦!!)嘈q住晒我...!仲要返工嫁。
...妖!計埋之前..佢\總共打左黎2次啦!!我都唔識佢\呀..佢\又成日話識我..|
叫我出黎見面..!!低b嫁\"\"都唔知咩人黎既..!聽把聲都成20歲呀!!
好希望佢\唔好再打黎呀..!再係咁打黎都唔係辦法。點算好呢??比佢\煩死啦!!*

今日返工識左個新人..黎左幾日炸!!做野又做得幾快..幾好人牙!!(不過我就差d啦!!)
到而家都係好慢..好鬼驚d野打爛左!!次次返完工..隻手係最痛既!!手腕位置。
成日要拎d重野..!*今日賣左好多野呀!!樣樣都賣左好多。
頂..佢\又冇啦啦叫我賣月餅啵..我都係第一次賣炸!!又唔係識..不過賣賣下..又熟左囉!!
呀芝..你好鬼死蠢呀...做左4日!!成日都認唔到d台號.><\"搞到一塌糊塗.成日傻下傻下咁!!!
做野又慢呢!\"*真係要改下啦...((鬼唔想改咩..我都想改..不過好難..盡力而為吧!!))
講真呀!!我真係好唔仲意呢份工..!不過無計啦..捱多個月就專心讀書..!

哈哈!做做下又見到佬如..嘩嘩嘩..勁開心呀!見到佢\..同佢\針左幾句我就要去做野囉!!
又見到寶寶~!!*(廢q事一陣比人見到我地傾計..跟住又比人罵啦la..!!). 

3點30就同娜娜一齊放工囉!!今日做野果陣比人讚又話人彈..唔知想點..!?
d客今日超級超級低能..!!好采唔洗我應付佢\地姐..!!!(嫌貴就唔好黎食啦!!係度扮q晒高當))\"
今日發生左d野真係好唔開心..>\"<!!我真係好介意。幸好!!佬如同我訴下苦。
家下晚晚都落佬如度..傾下返工d野/./傾得超開心呀!!雖然有時都會講下d唔開心既野..!!
自己有開心同唔開心..可以同最好既朋友分享..呢d就叫幸福..*

2005 年 8 月 5 日  星期五  

今日佬如話唔返工..佢話累喎..唉!聽日我又同佢唔同時間啦..!!冇得一齊囉!!
琴晚去到維康..點知d價錢牌冇晒!!咪今朝去左囉!..9點幾就同寶去左囉!!
去完返黎睇孫悟空囉!!!好鬼慘呀..見到佢係度乞食..!!*
跟住睇""十月初五的月光""大結局仲正呀!!好采我聽日返工..今日岩岩做晒姐..
如果唔係又搞到我心掛掛嫁啦!!我做野果度..有時都會播下呢出劇既主題曲嫁..!!幾好聽牙。
今集先係最慘...睇到D馬尿係咁流...從來都未試過睇一出劇喊左咁耐嫁!!

一個人可以為對方犧牲咁多..証明佢都好痛錫對方啦!!!我覺得文初同埋QE咁樣做好傻~
令到君好誤會左5年...咁樣做唔係犧牲呀..!!係愚昧!!雙方都要受咁大既傷害..咁樣好咩? 值得咩?
點解唔正視個問題.,,,,偏偏要忍瞞對方咁多年呢..?唔痛苦嗎?實在太傻太傻!!我唔讚成呢個做法呀。

我有時諗..你係咪低B嫁..做戲姐..都係假嫁啦!!喊黎做咩呀???唔關我事嫁..
D眼淚係咁流..控制唔到..**咁都喊..真係好傻好傻。比呀妹果D睇到你喊..仲會笑你..
果陣時仲魚皮呀!!!所以我忍得都忍..廢事比D呀妹睇到..(不過大多數都忍唔到)

睇完電視..爸爸話同我地出荃灣..佢要去銀行..我同呀寶就出去先..點知爸快過我地到茶樓啵>"<!!
等左咁耐都未有點心..原來冇落到單!!唉!又要白等...。一去到茶樓..我就諗返我做野果度..
我會好留意D人點樣做野..同埋佢地D服務態度..同機場比!!相差得多啦。
等左好耐..終於有野食啦!!今餐入我數。(搵到工做...請一餐半餐冇所謂啦...)
食完野去買書..都係唔齊!!跟住又去睇電話..爸話去街市買D野..我地睇住先..
點知佢一去冇回頭..佢返左屋企先..正一死衰人!!今次又比你昆左..哼哼!!!
激死呀..點解要昆我呀..!?我自己又唔係冇$買..只不過上台要你簽名炸..
如果唔係晨早我就自己買左啦!!!總之..呀爸講既野..唔好信咁多..廢事自己失望!!

聽日就要繼續返工囉!!>"<!!又要再辛苦過啦!
咁又係..唔幸苦邊得世間財呢..?？?？？

2005 年 8 月 4 日  星期四  

今日本來諗住同爸爸出去買手提..點會佬羅唔係好高興(因為我地之前話今日出尖沙咀嫁..)!!
咁又係既..答應左人d野又唔可以做唔到既..所以我冇去到買手提..就同佬羅出左街..!!

我地要去合眾拎返張單..(點知落錯車..!!)係長沙灣就落左車囉!!所以我地又步行到荔枝角..。
拎完張單...諗住搭MTR去深水埗換返條褲..行行下..又比我見到間化妝品店..咪入去買返D野囉!!
廢鬼事又比果個童小姐罵我..話我冇化妝啦!!(明明化左又話冇..佢隻眼唔知係咪有事既..>"<..興牙!)
買完化妝品去左深水埗..去完..就起程去我地今日既目的地啦!!尖沙咀啦啦LA~

去到係果頭附近行下,.,.我都未去過..係佬羅成日行..成條街都係買名牌既!!
佢又係2%買左3件3..我就唔捨得買啦..!好快就行完呢條街囉!!跟住又話去海港城!!!
果D野咪仲貴..不過D冷氣好正..係果度行左幾轉..見仲有時間剩..就建議去旺角...

哈!!我地由尖沙咀行去旺角...超累呀!!行左好耐下先到啵!!!我地行既途中..比我地見到個名星呀!!
佢就係拍4葉草既.."大黑"啦//開頭佢拍呢出劇前..我都話佢令嫁啦..!今日可以比我目睹佢既英姿..!!
嘻嘻!實在太正呀..我掛住望佢..都冇留意到佢身邊條女個樣添!!!跟住又再行行行,,
又見到間商務..我就入去問下有冇＜聲色繫情緣＞呢本書啦..哈！有呀．．原本７８蚊..
好采我之前有張50蚊+9折既書卷未用姐..加起黎..我靜係比左$20.2炸...嘻!呀JAY.我黎啦!!
我一定要快D睇完本書...仲有隻珍藏版DVD送添呀!!!呢次實在太美好啦!!真係好開心呀..呀JAY*JAY*

終於行到啦..我地去左潮流特區..同埋旺中!!各人都買左少少野..就要趕住返屋企囉!!
佢媽媽要佢6點前返..所以我地好趕時間..亦因為咁,..我今日好早就返左屋企囉!!

今晚冇食到飯..係度睇TV..跟住去左佬如度..聽佢講..果個死人衰人成日罵人..[賤佬]!
我都知你辛苦嫁啦..點都好~無論如何..佬如你都要堅持落去..!!唔可以放棄嫁>"<知道嗎?
加油..加油!!!我地2個都唔可以放棄嫁..!!!一定一定*
佬如搞到成身痛..腰+大脾+手..果D都好痛..音公囉!做呢D,...係咁嫁啦..我都試過啦!!
佢叫我幫佢茶下藥酒...見係你炸..我先幫你..因為我好怕藥酒味,.!你咁辛苦!幫你冇所謂啦!

2005 年 8 月 3 日  星期三  

今朝我又送佬如返工啦..!送完佢..我自己就返屋企睇孫悟空啦..!!
嘻嘻!!返到黎岩岩好..跟住又係例排菜..睇10月初5..勁正呀!!最尾初哥哥咩住君好訓覺..
又哼分分鐘需要你啵..搞到我眼濕濕呀!真係好感人牙..不過遲d都冇得睇囉..!(要返工)
有得錄低就好囉!..唉唉..休息多2日..就要走上辛苦之路了。!!!

睇完2出電視..就繼續刨書...呢幾個星期成日係度追呢本書((朋友以上,,戀人未滿))*!
係佬羅送比我既生日禮物..今日我終於睇完囉..!!
１）愛情是很玄的一回事。相愛的人，即使劇本改寫；再來一次，他們還是會選擇對方。
２）回億雖在兩人之間，築成一道無法跨越的鴻溝，可幸時間能拉近彼此的距離。
反正在愛上對方之前，誰人不是由陌生人開始？
３） In life not a matter of how much you know，
　　 What’s important is how little you allow yourself to forget．
　  （懂得多少並不重要，最重要是不許容自己遺忘。）

睇左幾個鐘先睇完..呢故事都幾好..幾感人..上天總是把相愛的人分開!!!
或許讓他們受夠了苦,,再讓他們相愛+相遇..!!也挺殘忍的。
故事總不能事事完美..有悲有喜..有得有失..!!!))*___人總是這樣的。

爸爸琴日又話去今日出荃灣..點知昆我..唔去啵..話星期日先陪我出去買電話.!(都唔知係咪既..?成日比佢昆!)
see完book就做左陣暑期作業..好難做呀..!!等遲d等救兵先算囉,.,!起碼我都有盡過力做..!!
寶寶話仲未拖地..咁咪拖下地囉!!拖完就用下個新hifi聽下呀jay d 歌..嘻~新果然係新呀..
音質的確係唔同d既..!!聲都令d..不過有樣野叫我傷心既係..(另外一隻CD1花左.)聽到卡卡聲咁..
唔得呀..唔得呀..><"!!嗚嗚..唔可以咁樣嫁..!!冇計!~唔知邊個衰人整成咁既..(比我知道既話.
哈哈!本小姐依法辦事..格殺勿論)    聽聽下..係Sofa訓著左..跟住就起身食飯..睇下tv..
晚上又同佬如傾下佢今日返工既野囉!!佬如就就啦..做野做得咁開心..我果邊..唉!咪提囉!人都唔識多個..
d人又唔熟呢..!!慢慢來吧..!!遲d..我諗會好d既..(哈哈!佬如做得開心..我都開心既..)**
          

                             朋友三五成群,,*個個好人。