2005 年 8 月 2 日  星期二  

琴晚真激氣呀..打完成大篇日記之後,..輕左機啵!搞到我冇咩心機再寫返啦,,激激激屎!
講返琴日少少野啦,..,.佬如上黎..佢幫我一齊包書..跟住我地4姐妹加埋佢又係度整糯米慈!!!
晚上同陳嘉勝係度傾下d功課...又同國寶+佬如傾下美心d野..哈哈!傾左成個鐘頭囉,,.!!
我地5.6月果陣..講話一齊去搵野做..點知我地真係可以係同一間野做野..都幾有緣>"<...

今日呢..?就..早上送佬如返工(佢第一日返工炸..)佢傻下傻下..真替佢有d擔心呀!!(好采有國寶睇住佢)
我成日係屋企等佢電話..唔知佢有咩事呢?一聽到電話響..我就即刻係床度彈起身啦..
我第一日做野果陣..都係好似佬如咁驚嫁..聽佬如講返今日d野.,,可想言之我果日自己一個仲恐怖啦!!
佬如唔洗怕嫁..有咩事即刻打比我..我會等你電話...哈哈!我會係你背後默默咁支持你嫁!!
佬如要加油加油..乾爸爹..輝停..努力!!!

送完佬如返工..返家睇左陣書..就叫呀妹起身去學校拎校服..我約埋佬羅一齊去拎.
開頭去左佬羅家比d野佢..哄住就同佢..同埋呀妹一齊返學校囉..!!
拎完校服..去校務處問完野..就各行各路返屋企囉,.,.
今日成個下5寶同媽媽係度整d豆漿...拎個攪拌器係度攪攪攪...攪左d好好味既豆漿出黎..
yayaya!我最仲意飲豆漿嫁啦..,.,!!正正正!跟住佬如放工打黎.
(等呢個電話不知等左幾耐呀.>"<)________(要我擔心真唔應該呀..)佬如...!!!
差唔多5點幾果陣...睇有線41台,,做一出戲叫做"7月13龍婆"..雖然係鬼片..不過有黃子華係度..
好鬼好笑,.,..笑到我呀..爆肚呀!!睇完就食飯..跟住又再睇TV囉!!

2005 年 7 月 31 日  星期日  

我記得我第一日去做野時..我會喊..會驚..不過而家..冇有怕囉!!!
一辛苦..一有唔開心..我會即時諗起咁個多fd對我講野說話..叫我比心機..支持落去!!
講真牙..聽到呢d說話...真係有一番動力嫁!!可以推動我更比心機去做野..。

多謝晒你地班佬友仔呀..!(冇你地我都唔知點算好.?)
今日又係返8點..早左到機場..所以就拎個電話出黎..同佬如傾下計先..傾左十幾分鐘,,,
就收線囉...次次收線我都好唔捨得嫁..!收完線..繼續去做野!!返返去我既崗位。

今日做得比較好d..話晒都做左3日呀..不過都係忙囉!!
做左成朝..10點當咁早佢就叫我食飯啦..(咁q早..食得落幾多呀..)
食完打比佬如..唔通=.="..有半個鐘頭食飯..食完就坐左陣..跟住就出去做野啦.>!!
做做下..主任就叫我去sale野啦...今日sale左好多唔同既野呀..燒味部d叔叔好好人呀!
同我講左d好好開既野..我諗我都係第一次係美心笑得咁真...咁開心嫁!!嘻嘻!!
果度d呀叔話：[{話下次出去搵野做..記得同佢地講..我係做機場美心既..
高級茶餐廳..佢地就一定請你嫁啦...]]..^^呵哈哈~仲有好多..

賣賣下又叫我去5倉度幫手..咁咪去囉!!o..果個人好似好唔出聲(對住我)..好怪個感覺..!!!
做左成日..終於可以抖抖啦!!今日多野做..所以做得耐d..(4點收工)。
..今日放工唔洗自己一個..同呀xx(唔記得左佢叫咩名..)一齊放工..佢又係住漁逸樓。
不過同一個唔熟既人放工..好似好無奈咁..成日都要搵話題黎講..=o="
(佢教識我點樣行一條快d既路落去換3..)

返到逸東我去買野..就同佢道別囉..
返到屋企..諗住煮下d腐竹糖水..點知個爐整唔著..落左去佬如度煮。煮完就開餐囉!!
食完傾左陣計..跟住實在太累..條腰..手..腳又痛..咪訓佬如張床休息下!!
o..訓到7點幾..佬如叫醒我..話我屋企叫我返去食飯./..跟住閃囉..

聽日就放一個星期大假．！８月６日就再返工啦(跟住就好似話做到返學..冇假放嫁啦..)
將d假期放係一個星期裡面..跟住冇假訓...公司真係安排得唔好>"<..!!但係我地冇得選擇。
所以要好好珍惜呢個星期..做下d暑期作業..去下街!同d朋友驟下..
屋企比呀寶打理真係死得人啦.!!所以聽日就要幫下手做下屋企d野啦..!!
包下書.,整下糯米慈..汁下屋..做下功課..睇下書咁啦...聽日一定要充實姐..!!>..<"

媽媽好叻呀..頭先佢自己一個落去行下時侯..呢排要返工..太累.冇陪佢落去行..
佢見到變態佬呀...我話媽媽叻..係因為以前既佢跟住唔識罵人...見到呢D人就急急腳走人..
但係呢次冇呀..佢仲罵到佢死死下..跟住果個變態佬驚...就好快走左囉..!!媽媽真叻．．夠勇敢。！！！

2005 年 7 月 30 日  星期六  

今日又要返工啦..!!6點起身..7點出門(家寶幫我打點一切呀!!我返工既日子要麻煩佢啦..))
8點要返到美心...今日終於都有少少熟習左啦><"嘻嘻~

今日我負責執下台..擺下位..好似大家去茶樓飲茶果陣咁..要幫人執下D碗碟..
岩岩做果陣好驚..又要做得快呢..!不過我都要慢慢黎..廢事打壞晒D野就唔好啦..
做呢行..有時都要睇人(顧客)面口.((今日個死人呀叔好q冇禮貌..都叫佢等一等嫁啦.
唔想等咪走囉..仲好添.我做少d野))..今日簡直就係忙到要死啦..!廁所都冇得去..水都唔得閒飲呀!!!~

D客又要我叫呢樣果樣...有D野我又唔識..公司D人又冇教我..!唉!!都係要自己汁生。
果度d人成日叫我"呀妹"..我有名比你叫嫁..!!唔好叫我呀妹啦!!
都唔知果d美心既人係咪蝦我..成日叫我做呢樣.做果樣..!D客又係咁..!大姐呀哥..我又唔係千手觀音，
做得呢樣就做唔到果樣嫁啦．！當我係超人咩..!D野食好鬼貴嫁..大家千其唔好黎食野呀!!!|
今朝斟茶果陣..分唔清2壺茶...差D比個黑3呀輝罵呀..!!一時之間咁多野做..分錯都唔出其姐..

１１點幾就食飯囉！咁鬼早啵(平時11點幾我仲食緊早餐炸)!呢次又無奈啦..佢地咁大圍台係度食飯,
加上我又唔識佢地呢!!佢地係度講晒粗口咁(男女都係)..我夾係中間..勁無奈呀>"<!!!
人生有時就係咁無奈..面對呢D場面..我只好啞口無言..食自己的飯...幹自己的份內事。

今日2點半就放工啦,..,一放工打比佬如..問下佢OK未?點知佢搞錯左D野..
唉..又要等遲D佢先可以同我一齊返工啦..希望整得順利啦..!!今日仲辛苦過琴日..d腳起泡泡呀!
經過左2日..我都體會到媽媽返工係幾咁辛苦..企足咁多個鐘..
..返黎仲要煮飯仔比我地食!!(辛苦晒啦..媽媽!!!)..有d野要自己試過先知道人地既感受嫁..!!!
今日我好堅強呀..我冇喊到呀!!可能憤左掛。!!捱埋呢個月就得啦..幾辛苦都要支持落去..
做人係唔可以咁容易放棄嫁..其實做左第一日我都唔係好想做..不過我唔想比人睇死我做左日就唔做。
我知道時間會好快過..我要支持支持落去!!不過事實總是現實既..做左成日.好似黎黎去去都係咁既鐘數..
個鐘好似唔識得行咁..時間好似停左咁>3<"

2005 年 7 月 29 日  星期五  

唉..琴晚成晚訓唔著..好驚唔知聽日返工會點樣..
今朝起身..華華同佬如黎左幫我整理下..幫我梳頭+化妝//*
整好晒d野後..佢\地就送我去搭車..呵呵~多謝佬如同華華呀..(琴晚佬如都好擔心我..)
(好似家下係我返工啵...那.呢d就叫正真既朋友啦..佢\真係會擔心我..驚我有咩事..)!!|
不過放心..我會努力做嫁啦..!!!雖然係辛苦..但係做耐左就唔覺嫁啦/..(好多謝佬如安慰我..)

到左美心..勁無奈..又唔知點樣..d人又唔熟
..不過果度d人都幾好..好關照我..
不過我真係好驚好驚..做果d野都好講究..d台布有要對位..d碗筷又要擺\到岩岩好..

到左美心.. 由簡單做起..下5賣野啦 賣到就好(成功\感)...不過賣唔到就無奈d囉..
對住d客人時時刻刻都要笑笑笑..唔該前唔該後咁..
到左食飯時間,,仲無奈．ｄ人又唔識啵．又同一圍台食飯！我好快就食完∼
原來有半個鐘頭食飯．．我又唔知＝．＝”唔知點解．．係呢半個鐘頭裡面！
我覺得好無助+孤單+寂寞...想搵個人傾下都唔得..呢種感覺..從來都未試過..好痛苦好...
跟住我真係忍唔到啦..走去廁所喊喊喊..我唔係驚辛苦..(辛苦我唔怕)..我怕寂寞,,冇人陪。
原來我係一個絕對唔可以缺少朋友既人..冇佢\地一日..日子真係會好難好難過!!係廁所喊完..
返返去做野..個呀e就教我賣野..嘻嘻~嘉娜又賣得幾好啵..好自然..唔錯!!!>\"<
自從係廁所喊完..我每一刻每一秒都想喊..,不過我叫我自然要忍忍忍..唔可以比人睇到我咁怯懦既一面。

真係好累好累..到左3點終於可以返屋企休息..搭車果陣..睇下見唔見到呀媽放工..點知都係冇..
坐車果陣好想嘔..勁難頂呀..返到屋企即係達落床訓個好覺..(係車度又喊..唉唉唉!~真係容易喊))*

我諗呢份工可以訓練到我獨立..我知道以後出黎社會做野..我都要係咁適應!!所以呢份工可以比到d經驗我。

我一定會加油努力..相信自己。
 believe　myＳhｅlＦ。。

2005 年 7 月 27 日  星期三  

好低b呀..今日早上成日起身睇下夠鐘去swim未?7點又起一次.8點又起一次!!
心掛掛咁..索性早D起身..睇下有D咩野做..睇下電視。
琴晚我都諗住自己一個出去深水埗..今日我就自己一個出去..整好部MP3+同埋買D野。
一個人出街雖然係好自在..不過好無奈囉=.="~~悶悶悶!黃金未開..就行左陣西九龍..
係果度買完野..就去返黃金..唔知點解次次去親黃金都有一種好唔自在既感覺牙..
所以我都好快好快咁行過D店舖..趕返去同如佬佢地SWIM..今日我細細妹同呀寶都去呀..
仲有青+成+東..華華+琪琪+朱朱..!!!

係SWIM前`發生左D好麻煩既事..真係好麻煩嫁!!!咪理啦..!!入到去就落水玩囉..
開頭唔見班男仔..冇幾耐就見到佢地係室外走黎..哈哈!我地仲係度玩浸人落水..
不過佢地唔係浸左我好多次,...東東就成日比我地浸佢落水..嘻嘻!鬼叫我地多女仔咩..
佬如比人整到隻眼腫左..而我隻耳隻入水,..到家下都未整到出黎..
“一個耳聾""一個眼朦”..哈.同佬如真係天生一對啦..
跟住又學下SWIM..不過游得唔係太好..靜係識游到某段距離炸,,.!要努力加油啦LAla!!
室內d水凍..我就同佬如出去室外浸下水..浸左好耐..返返去室內...嘩!d水仲凍d添呀..
跟住我地就落去更衣室吹下..順便走先..

我+佬如+呀肥+呀青4個走先...嘻~我地行路去左荃灣新之城..去左睇眼鏡..不過冇咩心水..
跟住就去買野食..食完就搭MTR返逸東囉...落左MTR..行路返逸東..
超低B呀..呀肥成日同呀青秋隻,..呀肥又成日講錯野..笑到我呀..!
佬如又講埋D核突野..好樣衰呀!!!真係好舒服呀..夜晚晚行下路返屋企..
D風真係超正呀..又涼又清~!!!

返到屋企冇幾耐..有把好斯文既聲話搵陳桂芝...我咪聽囉.!原來叫我聽日去美心見一見>"<!!
希望呢次唔好再老點我啦..唔好比個希望我又比個失望我啦..!!!
聽完個電話..好開心..即刻攬住媽媽KISS左佢一啖呀...嘩嘩嘩!好耐都未試過錫錫媽媽囉..!
媽媽得到芝芝一吻..一定會發個好夢..唔好再記住D唔開心既野啦..媽媽!!!!

媽媽>3<