2005 年 5 月 31 日  星期二  

呢幾日真係忙到死...d野好似做黎做去都做唔完...好鬼麻煩...!!

幾日已經冇同佬如佢地返學啦..真係好掛住佢添!!有時..我真係覺得好無奈..好討厭呀..(對某事/人).點解呢種感覺成日都會出現嫁呢???唉!世界既事有太多...越諗只會越煩!!!

今日中文模型報告..好早我地就返去整好個模型..哈!果然上天不付有心人...比我地組最高分..^^

今日Lunch鐘玲都同埋我地一齊食...好好笑..笑到我食唔到飯...卡~果返佬羅d魚魚事呀..哈哈!

視藝堂整咩巴曲..好樣衰呀..同高佬係度玩白膠張..佢將d白膠張整落我隻手度..我當然要出擊啦..本來諗住整佢隻手..點知佢避開..搞到落自己條褲度..呵呵~底死呀底死呀...跟住比miss tang睇到..話左我如高佬幾句..其實我係視藝堂既上課表現係好差..不過交既功課分數就比較高囉...(就當互相平衡啦!!)

放學同左佬如佢地走人囉..!,一返到家..就要即刻趕住做中文power point..整整整..整左陣就覺得好眼訓..就去訓左陣..過左陣華又黎整相...點知個大頭蝦又冇帶條線過黎...咁佢就走人..補完習..再過黎我家..

到9點幾..發現個鍵盤冇電..就落去買..順便接埋華華黎我家整埋d相...唉!!d相整黎整去都係唔得..最尾佢就閃人囉!!而我就繼續做power point  唉!!做到成1點先做完..最尾1點果陣同成成傾左陣計,..!哈!多謝你關心啵!

每日一句:這一條路　就叫堅強
　還多得一路上的困難
　揹著萬千人的希望　緊握自己理想
　成為了一道擋不住的力量＊

2005 年 5 月 30 日  星期一  

好忙好忙.呀..呢排/./.點解間低b學枚咁多報告要做嫁...

實在太煩啦!!搞到我一返黎就做...做做下又覺得好煩...忍唔住..好想發洩...加上媽媽今日又成日"哦:我./.咪對佢發脾氣囉..>﹏<"...我又做錯左啦..但係我真係忍唔住...!!!sor..媽子....對*有野東西在心裡..但我無法跟你說清..我明白你辛苦...為我們亦付出了很多很多....這一點..我是清清楚楚明白的..。

2005 年 5 月 29 日  星期日  

我呀媽唔講唔知..原來我隻腳有好多蚊*難*呀!!死咚啦..成隻腳都係..點著裙呀??

今日同華華去左麗麗度做中迎project..一路做..一路聽歌仔..跟住佢地落去買野食,,我就返屋企食..勁好好味呀..媽媽你真了不起..跟住我又去返呀麗家度繼續做...做做下又休息睇小豬主持既電影節目...好好笑..!!我越來越喜歡小豬了!做到6點我就返屋企..華就落去玩...

大檸樂啦..陳嘉勝晚上打黎話...我地琴日整果張竹枱爛左呀..點解會咁嫁..><激死人呀..咁辛苦整完又爛..哼哼.冇隔睇呀..聽 日仲要早D返去做埋D手尾牙..唉....

呢D係我地組琴日一齊做PROJECT    某D相黎嫁.....哈哈!!!

2005 年 5 月 28 日  星期六  

好慶幸...今日個天真係冇落到雨..^^連個天都幫我地..!!我一早起身去接佬羅順便買埋所需要既野..買完上左我屋企..果陣到成10點45分..差唔多要落去..順手打個電話提下d組員落去!!!打左比劉文+新+勝..勝就話要沖埋梁、食埋野先落..(真係麻鬼煩!)   華華遲d先黎..佢去左補習。嘩嘩嘩!陳嘉勝正一遲到大王..我地約11點..佢竟然11點半先落黎...><"有冇搞錯呀..等齊人~我米就出發去佬羅既爺爺家..(佢果度你鄉村地方..好鬼正嫁..地方又大..又有個花園仔!)  .. *住係果d所村地方仲好啦..好過住係逸東村..係果d鄉村地方可以遠離城市既急促既步伐..空氣都清新d..)

我地去到..坐左陣..就去左砍木..由佬羅既婆婆帶住我地去...婆婆唔洗我地砍..佢自己砍。我諗佢對砍木都好有經濟..佢婆婆一d都唔難相處...唔知點解,..當我見到老人家既笑容果陣..真係覺得好開心!!我總是覺得要見到老人家既笑容係好難﹏婆婆一兩下手勢就輕易咁將d木砍左落黎..d竹真係好長..砍斷左唔會即時掉落黎...因為果度有好多竹卡住左..要新+劉文+勝3個一齊扯支竹落黎..搞掂左之後..佢地就抬支竹返去...哈哈!勁似D地盆工人呀...[呵.佢果度多左隻狗..等我地仲叫做隻做旺財..原來隻狗有名嫁..叫做(lucky)...]新+麗麗+劉迎就慘D..比D蚊咬到成腳都係,,見到都恐怖呀,...勝都有少少..我同華華就冇佢地幾個咁多...佢地真係音公.><"

返到去..我地冇即刻開工...因為岩岩諗起要影低D相..要等我返家拿相機..跟住勝又話唔好攞相機..等佢返家攞佢部手提黎影..愿同羅留係果度...我就順便返屋企食野同等埋華華過黎...我同新+勝+劉文4個一齊行返去逸東..各自返左屋企食野..,而我就去維康買汽水....等左冇幾耐..我地4個同埋華又再集合返..再去佬羅家(石門甲)..

又再一次返到佬羅家囉...果陣時我乎就正式開工..我地大家(包括佢婆婆)一齊研究點樣將D竹合併整成一張枱..我地首先將D竹巨劈開一當..就將D繩綁住..好不容易地..就扎好個枱面..仲欠4隻腳..咁岩佬羅既爺爺返左黎..佢又一齊幫我地手...佬羅又要趕住走..所以得返我地組D人係度整..卡卡!我地個製成品終於整完啦..同佢爺爺+婆婆SAY goodbye之後..我地就走人囉..!!!   返到家..即刻訓覺..累死我啦..隻腳又鬼死咁痛啵!

唔知點解覺得今日都幾開心..起碼我地係成組甲手甲腳..一齊整野...個個都齊心合力!!哈!好有團結精神呀...

2005 年 5 月 27 日  星期五  

今朝好早就起左身..因為有d功課未做晒...諗住係屋企做..點知呀皮打黎話早返..咪同埋佢一齊返囉!!返到課室..一個人都冇..靜係得自己一個...有d驚驚!!隔左5分鐘左右..可愛的羅韻貽同學出現了!!!我地2個一見面/..又講未來人D野..古古佢又出現..聽到我地講...就對未來人好有興趣..!!!講講下..又做下功課.話咁快就打鐘囉!!

今日既班主任堂俾我地選校服...PE衫都唔係好靚炸..仲以為係D咩令野!!又叫蓋哥+呀敏果D試..不過聽講中4既女仔夏同冬都好靚嫁唷!!我都睇過一眼咁大把...MISS楊佢講到以後我地既英文好似會好難咁樣...!點算呢..?我都有D擔心..所以呢個暑假必定要努力贂多D英文書...幫補下自己囉!!

中文成堂對書既答案..中屎堂堂都係咁..間書..講書..做工作紙..3個必做既動作=.="

食完飯落去搵MISS楊..又唔係度啦..又要好無奈咁行返上2樓..跟住去搵佬如..攞雜誌比佢睇!!!乜原來入2望班班房要關門嫁..下次我一定要記得..廢事比人叫返轉頭去關返度門..條魚真係好麻煩..又叫我去攞YES比佢睇..咁我咪順下佢意攞囉..點知我地班有人睇緊..我又要好無奈咁行返去2望..話比佬如聽..有人睇緊..打鐘囉.本雜誌唔燧我既..所以我叫佬如比返我..佢死都唔肯...我同佢爭過..點知都係歸佢所有..我唯有同YOYO講{..佬如拿左本野..遲D比你!!}

今日D&T唔玩駁電線..去返電腦室上堂(最僧*)..教果D咩3D設計>﹏<'我不知幾希望個鐘快D打..落去聽講座仲好!!終於打左鐘囉..!!落左去聽講座..次次我都玩振龍嫁...今日講咩愛滋與兒童喎...卡卡!我好仲意果出戲呀..好多明星..又搞野呢..!!好鬼好睇!!冇幾耐..等打鐘放學!!今日同佬羅同華華放..因為我地要去買d野同埋攞d野...

去左佬羅家攞完野後..就同華返家..返到去..玩左陣電腦..嘩嘩嘩!!!d雷勁大聲..d閃電又閃啵..又大雨..好得恐怕  。其實我真係好驚閃電同打雷..好驚d閃電會電到我..到時就真係變左殘廢啦啦!!!跟住食飯+洗白白..跟住又落去佬如度攞返d野..順便係佢屋企同佢傾左陣計..~~個中文報告就要到期啦..希望聽日會好天..咁我地組就可以整埋個模型+展板..!!唔洗有咁大既負擔!!

每日一句: