2005 年 5 月 20 日  星期五  

唔知點解..而家對某d人越黎越反感...!!我都唔想.!唉!!加上呢排個人又容易暴躁..

今日第一堂測英文..屎屎啦!!第3板錯晒..!妖!!真係蠢到死..明明琴日就係果d答案..自己就走去配對..勁白痴呀!!希望合格啦..如果唔係又比miss楊話我蠢嫁啦!跟住上中文同科學..今堂小測..

中屎堂..又係得個悶字..今日呀肥冇返..唔怪得佬如咁好死...過左黎同我地食飯!!食完飯之後既時間都好無聊=.=

跟住就上D&T..一入到3樓既家政室..呀SIR就問邊個係客家人..跟住我同國寶就講我地係潮州人..仲講左幾句潮州話添!!講完笑..跟住就正式上堂!!今堂教駁電線啵..好鬼麻煩嫁..駁黎駁去..上完堂就菅去禮堂參加第3學段學料頒獎典禮..仲以為自己冇獎拿添!!估唔到都有4個獎..哈哈!..一讀到社會科時..特別開心..4個第一都係2德班(敏+我+華+羅)..個個整整齊齊..排隊攞獎...巧開心呀.!!

放學返屋企又冇門入..去左佬如度坐左陣..隔左陣..我妹就返左家..我就有門入啦!!跟住換手洗碗..仲睇左陣書...睇睇下覺得好眼訓就去訓覺...比人叫左起身去沖梁..洗完玩左陣電腦就食飯..!

聽日仲要去比賽..真係唔係好想去..事但啦!!我都唔在乎個獎..!因為我都冇付出過..所以我唔期望得到D咩回報!!只要唔好比人抄蛋咁就得嫁啦!!呢個要要求都唔算過分姐..無論點都好..將聽日既比賽過程交比〝神〞!!!

2005 年 5 月 19 日  星期四  

今日好早就要返去幫手檢查體溫!!華遲左起身..咁我同豬黎+麗麗+佬羅個一齊返學校..行行下..佬羅話咁濕既 !原來係我個書包溜水啵!  開頭我以為支水岩岩係雪櫃攞出黎係有d水蒸氣..後尾發現原來唔係..係我支水未蓋好..溜左好多水係我書包..我話我書包裡面可以養魚囉!!哈哈..我將d水倒係垃圾桶裡面...!!死啦!!書包裡面d野濕得晒!!

返到學校..我地係2德班最早果幾個..返到去檢體溫!!站左成半個鐘先可以走人...簡直就係罰企...累累累死啦!!返到課室...我又諗到個好辦法~將我整濕左d工作紙用夾仔..夾住佢..等佢比d風扇吹乾..話咁快咁就乾左囉!!個書包又放係window汁邊!!仲要係反轉左添!(正所謂:2德是我家..d野周圍掛..都冇咩問題!)   跟住先衰..早上上班主任課..又比miss lam罰企...岩岩係樓下當值完..而家又要罰..真係好鬼衰!!哼哼..><..

英文miss冇咪用..成堂差唔多都係抄野既時間!聽日又小測囉!!數學教咩統計圖啵..!!哈!藍哥睇唔到個"盈莫"..所以就坐左係我汁邊睇...呵!我+豬黎+藍哥3個人坐2張椅子!!岩岩好..夠坐!

社會睇tv做工作紙!!而家個個人都好積極出黎寫答案..因為有分加..所以今堂我都出左成2次啦lala~(我地呢d人真係現實..!有分加先出..冇分加就唔出!)

食完後之後去左禮堂睇tv..有件爆笑豬黎事件..好鬼好笑!!></..詳細內容..唔講囉!睇完後上5樓上科學堂!!呀sir今日好苦口婆心咁同我地講左關於學校+校長既事..*佢相信賢慧教育係一件成功既事..所以我地要証明比人地睇!!講完之後又講返科學既野..佢做實驗比我地睇!點知做做下..個試管既蓋突然飛左出黎..真係比佢嚇鬼死!仲要飛到鬼死咁高添!!!...中文堂又係度講專題..聽到都覺得煩呀!!!!

2005 年 5 月 18 日  星期三  

媽媽,,,辛苦晒你啦...每朝要返工...而家仲要煮埋飯比我地4個帶返學校食...搞到要成5點就要起身!!辛苦辛苦><"

今日...有好多次我都好無奈!!呢排少左笑..係擔心緊d野...!!原來朋友既唔開心...係會影響到自己..(跟埋佢一齊唔開心)!!我唔想見到有fd唔開心...個新同學...我今日總於聽到佢把聲..因為佢要出黎講野..

今日P.E考試呀!!數學小測又呀..明明我識嫁..又計錯數..頂!!次次都係咁!社會又測啵!(同豬黎一齊出貓呀..好采冇比老帥發現!!)

英文堂同敏踢足球(用"慈跟").哈!原來我D腳發都幾好....呢排少左同高佬隻秋!!轉左同小易隻秋..條友子呢排好衰..成鬼日趁我唔為意果陣整古我!!今次仲我比我打夠本!!唔好以為女仔好好哈先得嫁...卡!^^

放學去搵MISS鄧編野..D野編得幾好..佢話係果個XXX編嫁啵..我又唔知邊個..叫我地幾個請果個XXX飲野..跟住我同華就去左排球隊..諗住開網打波果陣..(已經開左...點知落大雨!)真係唔好采..等雨細D..都成5點囉!跟住我地就走!

妖..有時D大人點解可以蠻不講理.((尢其是係我呀爸...有時真係好鬼死僧佢!!..成日識得企係佢立場諗野..又唔為我諗下..))..僧僧僧死佢牙...有時又咁鬼死好.(不過少囉,!對我衰仲多過對我好!!!!!)真係好唔仲意佢.,..不過相反...我就好仲意我媽媽啦啦啦!!I LOVE MY MOTHER FOREVER!!!

2005 年 5 月 17 日  星期二  

(((((((((((((((今日既報告事項)))))))))))))))

1:今日有新同學黎左2德班

2:陳振龍累我比一個記一個名...><..比我打左幾"除"..死人頭..><"

3:食完飯落去讀野比miss楊聽(以後每星期要去佢果度2次...讀英文比佢聽)

4:低b周越上視藝同我換鞋穿...

5:放學同華華..佬如出左去買鞋...(仲有件好樣衰既事發生係鞋店添!!唔提啦..得我地3個知就好啦..!!)

6:今次做科學實驗好好...冇做錯到...

7:買左對拖鞋比媽..佢又話唔仲意..又叫我買...(搞到我幾無奈呀)..又係要我自己要返!!)

8:今日條頸鬼死咁痛...唔知做乜鬼野唷~

9:呢個月晒左成700幾蚊買野..心痛死..下次要節省..d...唔出咁多街仔囉!!1

2005 年 5 月 16 日  星期一  

自從果晚傾完icq後...喉嚨一直穩穩作痛...食咩落喉嚨都係苦苦地o既..><"點解會咁樣嫁...?

今朝一起身..佬羅就打黎..佢話去青衣借書做中文報告...我又唔去得呀..要留係家睇住2個細妹..所以佬羅就同佢呀媽出左去...而我就同華華做埋d手尾(個中文報告)..佢12幾點來到我家....哈!!呢次佢都冇玩..好認真咁做project..而我就係汁邊做功課..有時有咩唔識既話..就一齊討論...經過多番既搜尋..終於搵到好多資料...仲有一首詩係我同華華作嫁添呀!!!...佢又開我icq玩呀肥同棋棋...低b的華><"..好采人地唔信佢姐...做完之後...我同佢都去左睇tv...我係房度做功課..佢就係廳睇tv..我叫佢入黎房教我做功課..點知我地2個聽到出面既電視. 有關於呀jay既野  ....就即刻跑出去睇..華好似走火警咁..連佢手上既工作紙都扔低..   ..點知得個吉..因為都唔係家下做...係晚上9點做...><'

跟住我地又睇(玩死男朋友)..勁好睇好笑呀!呢個節目用黎試實下..男既會唔會背住而家既女朋友去搵第2個...果d主持人就搵左2個女仔出黎試下個男仔...點知個男仔上當...係一間餐廳(2個女+佢條女+佢本人)...4個撞到正..個男仔真係勁無奈!!!(個男仔低死呀..邊個叫佢花心...)..一早己經偏排好佢地幾個見面..!!    (點解某d男仔總係咁花心既..有一個肯對你千依百順既女仔咪夠囉..!!仲要搵多件...)唉!睇完佢就走囉..!而我繼續做我既社會功課..做做下..我妹同媽就返左黎...我呀妹又嘈鬼住晒..叫我比部腦佢做功課...我唔肯..2個咪嘈左陣囉!((我心諗..你不嬲都唔做嫁啦!家下冇啦啦又話做..都唔跳有冇昆我既,.,!!))不過我搵左陣資料..都係比返佢...

今晚既晚餐係雞粥..好好味..!!為左好多事..個心一直唔舒服!!(問題幾時可以解決到呀!!!))