2005 年 7 月 14 日  星期四  

呀皮今日話:男女之間係冇純友誼既.!!男/女想去接近對方..
唔多唔少都會對對方有少少好感/仲意，就算0.00001咁少既感覺都會有..
我就唔係好認同．．不過我亦都認同既一方面。好矛盾！

今日返到學校就直接去左禮堂．開始果個歌唱比賽囉！今次唱歌果ｄ人都有返少少水準！
一路睇就一路揮熒光棒!!又係度大叫..好激唷~
到左恩恩出場．．全城震撼囉！勁秋啦佢~男女聲都咁得..!!我本人咁比較支持柳貝愉小姐..嘻嘻!
所以我投左佢一票!!佢地又學殘酷一叮咁..玩叮人!恩恩唔識唱..一出場就比人叮左囉!
音公音公..恩姐都係適合d古代果d嫁啦!!冇能力同d侯生仔爭嫁啦!!睇完上去開班會。派返d野..
哈哈!聽日有大食會呀~正正正(有得食..卡卡)..開左班會冇幾耐..我就閃人先~因為要趕住落去打鼓。
成q日都要練練練..放假都仰要返去呀..妖!想休息下都唔得。打完我同呀皮陪佬如去睇醫生。

去到我地係度等..等等下..又驚唔夠時間做果個橫額..所以佬如自己一個係度等,..我同呀皮就走左先..
返到去食野..趁呀皮未黎.訓一陣!!冇啦啦起左身..原來呀皮已經係我汁邊..!
跟住就同佢2個係度傾點整..傾完就落去買野..買完上黎整。

整整下有人叮噹叮噹..原來係佬如..佬如行轉頭比人排左個位..搞到好遲先有得睇醫生。
佬如下次要醒少少啦!!跟住3個係度整整整..又一路係度講笑!到最後我地先發力係咁整整整!
因為我呀爸罵啦..我地要食飯啦!!果舊死人橫額咁大舊都唔知聽日點樣搬返去..真係麻q煩。
佬如同呀皮 都罵我..點解咁蠢..要幫miss整野//正一拎黎。..講真!!我真係唔係好識點樣去拒絕人地呀!
好難講出口嫁嗎!!好采今日有你地2個..如果得返我一個..都唔知點死!!所以我決定要請你地食野。

明天就是最後的一天了。

2005 年 7 月 13 日  星期三  

對於自己生日..以前我係好開心好期待!!~但係而家．我寧願唔過生日！靜係覺得煩∼
搞唔搞得成都算囉！＊生日其實係一個好重要既日子！人人都會好重視！
有冇禮物唔係最重要..最重要既係我可以同班FD去玩,..去享受我既生日..呢點我先覺得係最重要嫁囉!!
假如有日我識整蛋糕∼我一定會整個比我媽媽！嘻嘻∼祝佢日日開心快樂。
到我生日那天，你會跟我說句生日快樂嗎？又或者來個晚上１２時正的birthday call?？?？

今日又要返學練習.||由今日開始,.我覺得打鼓你好煩好煩既一件事..成日都要練習!
真係唔鬼想練呀!!miss溫又叫我整果d橫額...我都冇咩心情去整!!整果d死人野好得煩嫁!
又要令..又要諗構圖!煩都煩q死啦!!!今日仲衰...上次又話今日10點當練習~點知改左時間!
又冇人通知我地..(最衰陳嘉勝囉!)MISS溫叫佢通知我地..又冇啵!搞到我地10點半就返左去啦!
[[[唔通男仔真係咁冇責任心???]]]

成個傻婆咁..坐左陣..跟住又去左健康院.. °~點知冇"籌".又返返去學校!
坐係禮堂聽下人地唱歌咁啦!..D人都唱得幾好呀!!等到12點半就可以上去打鼓啦!
練左陣..秀德D同學仔就過黎..我地表演左2首歌比佢地聽..跟住就教下D小朋友點樣打!!
D小朋友都幾叻呀..好快就學識左!不過當然就冇咁熟手啦!嘻嘻!終於搞完..返屋企。

返到屋企..媽真好..次次都整定野係等我填飽個肚!!食完..訓覺。
訓醒左之後..勁辛苦呀..同身酸痛!手痛+大脾痛+腰痛..周身都痛痛痛牙!
都唔知仲要痛幾耐先得啦!!琴日籃球比賽真係太激太激啦...!!!行步路都真係冇咩力!勁辛苦呀!
好似D老人家病痛咁樣呀!!>"<..遲D好返少少又同D朋友朝早上一號再黎過!!!

2005 年 7 月 12 日  星期二  

今朝返學睇第4學段頒獎典禮...不過我覺得靜係得中2級一齊頒獎好d..
平時都要聽埋中3果d..好鬼悶..今次就好啦~靜係得中2!!話晒d人都識呀.."跟住睇下d影片。
其實頒獎典禮係一件好好既事..見證左同學不繼既進步同埋所令出既努力。
最令我意想不到既係..竟然陳嘉勝可以拎到全級第3名..之前佢同我講話今次要考到頭1.2.3名..
我仲睇死佢..話一定冇咁既可能..結果往往令人出乎意料之外...(冇野係冇可能o既!!!)maybe!!!

頒完獎就落去比賽...唔知點解真係好驚好驚!!!本來對2望第一節係我出既..
(咁多班我都唔係太驚,靜係好驚2望..唔知點解..)我話好驚..又話唔想出..
所以高佬佢地冇比到我出...~好多人睇死我地德班輸...(加上我又唔係打得太好!!)
好采我地班同學好爭氣..勁勁勁牙鐘玲..yeah~幫我地班入左好多球波!呀敏同高佬又夾得好^o^~
周越d假波又好..總之成班都好好好啦!每個人都好努力打呢場仗!!!!哈!從來未見到呀敏咁認真既樣>"<!
見到2望班d人個樣好似....點咁~!!好矛盾(對於我地班又開心..對2望又難過!!)
我個心都唔係好好過!!~嘻!相信佢地會好快冇事既!!! 不過打籃球就一定係有輸有嬴.!\|
*冇可能永遠你都係勝利者~有時都要嘗試下失敗~有失敗先會有進步既空間。係咪?你地一定會打得更好的。

打完2望,.,,鐘玲佢要趕住去第2度打波，所以走左！我要繼承鐘玲既技術∼呵呵！
下一隊，我地對２信！佢地都打得幾好！嘩！今次好采有太陽油．如果唔係又變燒豬囉！
開波囉∼哈！我入左一球呀！好開心呀！真係熱死人啦！又累啵！唔明高佬＋敏＋越點解可以打咁耐？
我開頭打１０分鐘都可以既．打晒全場就死左！∼嘻嘻！有賽果囉！又係我地班嬴！

到左最後一場．．對於呢班．一Ｄ怯場都冇，因為呢班Ｄ人我都識！嘩∼佢地都勁呀！
開頭同我地追成平手∼果陣真係有Ｄ驚驚地∼但最後尾都相安無事！ＷＩn!卜街到卜左幾次!
其實佢地好勁嫁啦!!可以捱到咁多場...我就累屎!成身散晒啦~!!打完最釉一場走人!!行步路都冇咩力啦!
對唔住呀各位!!我今日靜係入左一球..晒左你地傳比我d波添!!sorsor!!

返到屋企..3都唔換..即刻食野~叫左佬如上黎食晏~我食完面之後洗返個靚涼~舒服爆牙!
跟住睇左陣電視..睇完我去訓覺~開部腦比佬如玩!！訓訓下覺比人嘈醒左．勁低呀佬如..
同我2個細細妹係度玩d低b game!!嘈住晒我訓覺!擾人清夢係好無品嫁!
佢地實在太嘈啦!索性唔鬼訓..(5點幾)落去同呀媽收被!真係好累好累..冇力行~
落到樓下..見到有個好似聖和既人係漁逸樓樓下"<睇清楚..點知唔係佢.>"再行多幾步..
呢次就真係見到真正既聖和啦!!!不過我諗佢見唔到我!!(（我是渺小的)）

返到黎！聽歌+睇書..跟住食飯~今晚我諗會好好訓!*(從來未試過咁累>"<)

2005 年 7 月 11 日  星期一  

想不到那麼早就叫呀皮去打籃球..她又願意去^^..今天一早便打電話給皮和孫箎..叫你們一起落去打籃球。
當我們去到籃球場時..爆牙哥跟polly已經到了..還有很多很多。
我們都紛紛射球...一會兒...男士們全都走了過對面場!!嘻嘻~剩下的是女孩的世界了。
高佬又說不來..><"點知又來了喎!!!唉唉唉>o<"說真..如果聽日不用我出賽就好了!我又不懂打球!很替2德班擔心。
打打下..我們又建議打3人賽..oh no!給人撞壞了!!!接著又玩O.U.T..誰料我+寶+珍都輸了..
只好遵守承諾...罰跑3個圈~呵呵!休息了一會兒..接著便白痴的玩起上來,,
我們又作詩..又低b..又在說笑...滿開心的唷!打到9時..我+皮+寶便走了。
我抄左冰之驕子句野....win!we are win win win..類似咁啦..我覺得呢句野係..好正正正!

回到家後洗白白..吃東西..休息一會。..就累死了(這幾天的手腳還痛痛的!!)
本來媽媽跟要去 荃灣 ..忽然又說不去了!!..差不多11時便開始搭車回校練習打鼓(我+皮+佬如)。
到了學校..很多中一的同學在打球..個個人都很努力..很拚命似的。
接著便到音樂室練習~屎屎屎!我們整個暑假都差不多要回校..練習!!因為有很多很多的表演呢!!

練習完後..陪皮過秀德..在秀德碰見媽媽..我便跟媽媽走!!今天又和媽媽在東薈城買3...
逛了很久..買了很多3(全都是媽媽的)!...累了..便到m記食野..坐一會。
可惡../係m記好唔好采見到美心果條死人經理..!!見佢前面僧佢後面..累我等電話等咁耐!
我永遠都要記得呢個衰人/..佢仲係m記扮晒好人咁..靜係行行企企..同人傾下計。
佢又好似係m記既經理..唔通佢係2間公司既經理?唉!!咪理佢...

同媽行完富東返黎..佬如又黎左我度..我請佢食..紅豆西米露呀!!^^...跟住佢又玩左陣電腦~
夠鐘關電腦..咁我地就出去睇電視..卡卡>"<..出電視幾好睇呀...7點佢走..左。
佢寺左冇幾耐..我同呀爸嘈交..成q日蠻不講理咁樣 . .做錯左事,,有邊個會覺得自己係冇錯嫁!?
但係我好理志咁話比我自己聽..我一d都冇錯..係一d都冇!!
我唔係話唔承認錯..但係我今次都冇錯(有錯我一定認..一定同人say sor)..
今次我係唔會向佢低頭嫁。夠彊打我囉!!正一xx~妖!興死。

食完飯自己落去買野..買完上黎洗白白+食飯+睇tv+寫日記。

2005 年 7 月 10 日  星期日  

我問自己. ,.如果我係有心既話，無論有冇人陪你返教會．你都會堅持去返！
但係我做唔到．唔通我咁樣．即係我仲未去好深好深咁去認識主．亦都未曾相信？？係咪咁樣？

昨晚看頭文字Ｄ卡通版．看到差不多凌晨１點多才做完．．也算挺好看！不過跟戲院上的頭文字Ｄ還差得遠呢！
戲情好像有點亂．但人版的頭文較好笑！！！

今天早上，我們齊集人馬去打籃球．．誰料在教會碰多呀皮．她還跟我們去了打波∼
下次我都要繼續返教會．．我不要遠離神∼
我們上完了教會就到文東路新開的球場打波∼
那太陽真的很猛烈，但我們個個仍很有ＰＯＷＥＲ，大家別對我有太大期望．我只是幸運射入幾球而已。
真的熱壞人了∼現在的我．變成了一隻紅彤彤的燒豬，如果不是為了這次比賽．我絕對不會在陽光下暴晒的！

打完回家睡覺∼睡不夠半小時就醒了！剛好是４點多．打電話去美心∼（見工果陣又話需要大量人手）
個死人經理又話唔需要住啵！有需要先搵我地．啵！！
我心裡．唔請咪唔請囉！好心你直接Ｄ講囉．．我又唔係第一次比人拒絕啵！真一ＯＮ９仔！
真係好鬼想罵Ｑ個死人ＯＮ９經理！又話２日後打電話比我地．．又冇打到啵∼我地第３日打電話比佢∼
佢又話唔得閒．．第２次打去又話幫我地ＣＨＥＣＫ完之後打比我地．．又冇打到啵！
搞到我同佬如成Ｑ日係屋企等電話！街都唔敢出！日日都要提心膽跳．個心成日〝羅羅亂〞。妖！真係想Ｘ佢！
唔做咪算囉！！係屋企教呀妹讀下書．多d陪下呀媽..自己睇多Ｄ有益既書．學多Ｄ野仲好！∼

又是一個星期日了∼（＊冰之驕子＊）．．有否知道．．思念的痛苦！