2005 年 7 月 4 日  星期一  

琴晚太夜訓啦．..夜媽媽1點幾同高佬係度傾打籃球果d事...我諗呢個籃球比賽..係我地為2德班做既最後一件事..所以我真係想大家比心機去打..認真咁去對待呢個比賽...所以今日成12點先起身..食完早餐..我就"拿拿林"睇琴晚成成腥比我既*上集冰之驕子*...腥左成個鐘先腥晒!!跟住又要down  d程式先睇到啵!!!麻麻煩煩="=!!跟住我就係度整整整啦...點知唔得..我索性叫成成過黎幫我整...嘻嘻!!估唔到佢又肯啵...等佢食完~佢就過黎幫我整...

哈哈哈~我2個細細妹驚到走入房..都唔知佢地驚咩..佢又唔係怪物!又唔會食左你既...佢一黎到..我就叫佢入我間房幫我整...果條友仔..原來自己腥錯左個程式比我=.=!!!唔怪得知啦!!跟住佢自己整整整..又down返d野/../等左冇幾耐..終於得左...!!!哈~勁開心呀..可以睇返上集果d野...佢係我屋企坐左陣就走人囉..!!而我細細妹睇睇下書仔..就係間房訓左...而我自己就一個人係度睇...嘩! 唔知點解好似睇左好耐都未完咁...集集都好鬼死正...其實呀晴都唔係愛佢.,.係佢要面子...冇開口叫亞樹留低炸嗎!亞樹開頭都冇諗過要同佢舊男朋友一齊..係呀晴對佢咁既態度..令佢覺得冇安全感..對佢冇信心!令到呀樹返到佢舊男朋友身邊炸嗎!!我記得有句說話:[放下自尊,,反而會有更多既自尊]...我心諗(乜事實真係咁咩?)

睇完成身好累好累,...加上上次同麗麗佢地打完排球之後...隻手就痛到家下..果晚太激啦!!我諗係時侯要休息休息囉..!4點半煮野食...點解呢次咁失敗既..想整度太陽蛋食都唔得...><"整親都爛既..哼哼!食完食埋碗就去訓覺囉...!!!訓醒食飯...睇果出新戲.."開心賓館"..see完..同呀媽落去散步..點知2個細細妹又去埋啵><"平時都唔會嫁..咩風吹黎呢..?我睇得出..媽真係唔開心..但係我越關心佢..佢就好似唔想比我睇到佢唔開心..我越問..佢就越唔想答..有時我專登氹媽媽笑~只不過係想佢笑返.開心d...反而佢又唔笑!!有時真係好難知道佢個心究竟諗緊d咩???我唔係唔想關心媽嫁...係我唔識點關心/..我搵唔到一個好既途徑去做一個關心者既角色...!!你難過...唔通我會開心咩?唉唉唉><":好煩呀..!!我唔知點樣做先好...只好將呢d事..交比上帝!!佢會幫我安排...!!!

2005 年 7 月 3 日  星期日  

唔知點解...一見到d情場好感動既..又或者見到戲中既人喊..我都會跟住喊嫁..太容易喊啦..明知呢d戲都唔係真嫁啦..仲喊啵...太傻啦!!有時我諗..其實我地有時都係好似戲中既人咁樣..其實我地有時都係扮演緊佢地既角色~人生其實就好似一場戲...始於都會有結束..所以我覺得..[千其唔可以比自己有後悔既機會...]!!!或許說就很容易..

今日好晏先起身..屋企剩返我同呀寶2個...細細妹返左學校...!!食完早餐..班舊fd話去黃金bbq+swim..傾左好耐..我同呀寶始終都係冇去到...原因(要睇住2個細細妹..同埋呀爸唔係好讚成..因為天氣好熱..)所以我地就冇去到啦!!跟住玩左陣電腦細細妹就返左黎囉!!!  到佢地2個玩電腦..我就出去睇電視...

    嘩嘩嘩!!我都係第一次咁比心機睇女排炸...正正正唷!果d人真係好勁呀...如果真係要進步既話...點都要有個教練.教下我地先會有進步嫁..靠我地日日打..日日睇女排...咁樣有用咩..?能唔多唔少都會有..不過.....

跟住又有導盲犬小Q睇啵..!!好感動嫁出戲...(`導盲犬係一D可以為盲人帶路既狗..D狗係經過訓練先可以做到導盲犬).隻小Q訓練完就跟住一個盲人...開頭佢地唔係相處得好好..但日子耐左...佢地既感情就一日比一日好啦..因為果個主人老啦..日漸多病..小Q佢好唔捨得佢..佢日日都係病床度等主人好返...但係果個導盲犬協會..就要收返小Q...小Q等左3年終於可以等到主人出院..場面真係感動..!!!但係好唔好采..主人死左..小Q亦都結束左佢既訓練生涯..過左冇幾耐都死埋.啦><"     *原來動物同人既感情都可以好似朋友咁嫁啵..!佢地係有人性嫁..*

睇完電視煮晏就食...食完做家務..跟住奶奶豬lｕ．．冇啦啦又比呀寶叫醒左..睇勁歌金曲!!真係比佢嚇鬼死..原來今集有呀rain..唔怪得佢咁緊張啦...!!!哈哈>,<  

上集既冰之驕子都冇睇到..所以今日一定要睇夠本呀...正到爆呀!!!我仲係巧仲意呢出戲...可能有牙晴既原因掛..我覺得佢性格好怪...一時又咁感性..一時又玩玩下咁...!唔通咁樣做會比到安全感亞樹咩??佢地跟本就係仲意對方..只不過係度 逃避炸嗎!!咁仲咪盞大家過得更辛苦..明明大家都係重視對方..又要扮到唔重視咁樣..好傻好傻>﹏<!!

2005 年 7 月 2 日  星期六  

今朝好早就去左1 號打籃球囉..!!有成成..嘉敏..肥仔..同埋2望班果幾個啦..上到去..點知...勁晒啵!搞到我冇咩心情打籃球..等冇咁晒..先去打左陣...打打下..見2望班果幾個休息..我就擺左佢地個場射波...嘻嘻!!今日進步左唷..我要一日比一日好呀...點知=.="比人話我同成成...哈哈!冇所謂啦..清者自清呀嗎...!!打左陣..實在太晒啦/.//我地就走左..剩返2望班d人...係度打!!!返到屋企..玩左陣電腦..細細妹就返來囉!!~!   眼訓..!訓左陣..3點起身..食晏..妹妹租左隻碟上黎..(見鬼10)..嘩嘩嘩!!超正超激..佬如+桃桃+儀fd...都黎左睇呀...哈哈!!有d情節超好笑....不過有d就好恐怖囉...!!總之就正啦..!!

睇完之後..就同寶+桃落左去打排球..去左7仔...點知好多人..個波又成日打到人..跟住去第2度...行行下就去左羽毛球場..!等成成同棋棋...佢地黎左之後..都係冇咩野..又係坐係果樹!!無聊,.,.點知有個保安員叫我地係羽毛球場打波(果度明明唔打得波嫁..)我真係覺得果個人好奇怪..叫我地打啵!!我地就恭敬不如從命,,...打左陣又閃人囉!!返去睇電視..跟住食飯...食完睇殘酷一叮...洗碗!!!小富同東東打黎...叫我地落去..開頭我唔落嫁...不過佢叫左咁耐次..就落去啦..佢又話籃球場冇咩人...跟住我地就同桃桃上去囉...點知!上到去完知道比人昆左啦..哼哼>"<,,,興屎,,即場爆粗罵佢!!又係要我地3個女仔走返落去...隔左陣佢地又話係7仔等...咁我地咪行去7仔囉...!!哈哈!當我地想打排球果陣..見到麗麗同佢家姐...好好采呀...有得打排球...仲要係咁夜啵(11點幾啦)!!!麗麗佢姐姐幾好波嫁..同佢地打巧巧玩唷!!好有power呢!!!東東同小富就坐係汁邊..我地打到出晒汗...今日又學到打排球既技巧啦..得到麗麗既姐姐指導!!!玩到夜囉..寶佢送桃桃..返黎再等埋我先走...!驚屋企人罵..所以我地都係閃人先啦..>o<!返到黎開電腦玩...

            唔通打籃球真係男仔既專利...次次去親1號唔係多人就係晒...除非好早好早啦..如果唔係真係冇咩機會可以打到波..(（好慘o牙！！我最享受晚上的寧靜．．最仲意晚上落街散步..或者打波..睇怕都冇咩機會可以晚上係籃球場打波囉...><"....

2005 年 7 月 1 日  星期五  

真係好期待好開心...今朝成日起身睇下個鐘幾點!!因為今日我地去睇頭文字d牙~一諗到呢度...我就開心死啦!!!哈哈!

我地(華+芝+麗+貽+如+肥),.仲有呀邦同周越+越哥哥)..等齊人就行去東涌戲院睇戲啦啦啦!!勁期待!!去到...嘩嘩!佢地話從來都未見到東涌劑院咁多人啵!!呀jay呢出戲真係收得啦..!!嘩嘩嘩!我地選左坐中間果行...

估唔到呢出戲咁正...我仲記得呀jay第一句既對白:(我返黎啦..)..哈哈   。估唔到呢出戲係咁有趣味性既!!又有高潮..d人又型啵..尢其是呀jay同陳冠希呀...><" 我地好興奮..牙.. 戲院d音效超正呀...大細聲岩岩好   ..我仲幻想緊自己渣車添!!我諗成出戲會成為左我最仲意既電影....  估唔到呀jay佢講白話咁搞笑呀!!又怕怕醜醜啵!佢同條女kiss呀..>o<....佢終於搵到佢想要野既.佢既夢想...就係賽車!!最後好慘呀佢...佢喊呀..搞到我都眼濕濕..插曲[一路向北]超正啵...係戲院度有播。個feel同屋企好唔同...    未睇既就一定要去睇...唔睇實後悔嫁,,,

周杰倫對白:
1.我淨係鐘意揸ae86!
2.喂,係我,我今晚會上秋名山鬥車,鬥完左,即刻搵你
3.高橋涼介,我係藤原拓海,我想....加入你車隊

陳冠希對白:
1.發火呀...車手係應該有火架...我都好想同你跑返轉
2.始終每一架車都有佢既極限,我相信..依架車遲早滿足唔到你,換個架啦!

余文樂對白:
我尋晚輸左比架ae86,佢用慣性飄移過彎..架車好快..我淨係見到佢個豆腐鋪招牌

陳小春對白:
我京一唔會輸比同一個人...twice

杜汶澤:
1.嗱,依d未就係叫做資質囉,好簡單架姐,即飄移咁,一入彎,拉一拉手掣,架車bei一bei咁,咁又點呀,型囉!
2.知唔知咩係神?神都係人,能夠做到人做唔到既野,佢就係神!神啊!求你打救我!救埋我架車呀添呀唔該..
黃秋生:
1.擺係車度,一滴都唔好滴出黎呀下,唔係今次我打死你呀!開車
2.記住......千祈唔好有同人鬥既心........唔好同人比較.........你要嬴個個係你自己....

睇返屋企訓覺..晚上食生日蛋糕..訓覺....果出戲仲成日飄留係我海腦中呀。...

2005 年 6 月 30 日  星期四  

我可以對大家說..考試是人生中最大的壓力...我不能用平常的眼光去對待考試...

今天..終於可以放下這個重擔子..明天我就可以走上快樂的路途(就是去看頭文字d)..我真的很期待..今天一放學..很多人跑去看這出電影...我也想快點走進呀j的世界..不過不要緊..多等一天..就可以看到了!!嘻嘻。

考試這幾天比平時難過得很..時間好似跟我作對.專登要走慢一些..但我還是自欺欺人的說:[[不用怕..很快便會過]]...考試的每晚每夜..每日每朝..我都要溫到很晚很晚...對的!!真的很幸苦很辛苦。但每次當我很累的時侯..我會告訴自己..上帝會看顧我的...這成了我溫書的原動力~也是那句話(有付出,,必有成果。)..這句話不斷重複在我腦海中。這幾天的早會播放的詩歌好動聽!聽了後...還好像有點兒動力呢...!!考完這次試後..不知道2德班還是否2德班...剩下來的日子不多...大家要多多珍惜珍惜了!!

我很高興的是..我看見我的同學每個人都很努力的為他們爭取最後一次考試成績..對!我替他們高興..但替我妹妹擔心><"..怎樣叫她..她也是懶洋洋的。但我妒嫉的是..為何有些人溫書溫不是很久便懂得了..而我就要很多時間..我只好想..((這也是神所賜的!!))

我最愛的詩歌

誰曾應許，一生不撇下我；每段窄路，誰陪我去走過？
誰還領我，於青草恬靜處躺臥，豐足恩惠比海沙更多﹗

誰曾應許，天天看顧著我；晝夜眷佑，連頭髮也數過﹗
誰還以愛，驅走心裡懼怕怯懦，那懼路途捲動著旋渦﹗

因你是我主，我避難所，我盾牌和詩歌﹗
你是我的高臺，我隨時幫助﹗
來吧用信心，讚頌和高歌，你永在我心窩﹗
唯你有永生江河，除你以外不倚靠別個﹗
 
我究竟算甚麼？神你竟這般顧念我~