2005 年 7 月 26 日  星期二  

今日一起身..牙都未刷就去左睇孫悟空啦..睇完就食早餐囉!!食完就成家出去荃灣囉！

去到陪媽媽拎完錢∼就一齊去茶樓飲茶囉！！!(好味好味!次次去荃灣都去果間野飲茶!!)
飲完就去左買書..!勁多書買呀..!買成4套書啵。實重到死啦ｌaLＡ！！慘慘。｜
係Ｄ職員汁書既期間．我就係間書店睇下有咩小說∼超正呀!幫我見到一本關於呀JAY嫁!
叫做[[聲色繫情緣]]!!我真係好仲意好仲意..不過成78蚊呀!!仲有張廣告VCD定係DVD送呀!!
唉唉唉~(唔通我同本書有緣冇份))*!仲諗緊..買唔買好呢?心大心細咁...>"<!!
上次上網又睇到人地話呀JAY既""D調的華麗""〞好平炸..不過係簡體字板本..
其實到而家我都唔知D調的華麗係咪真係一本書(又或者係咪呀J寫既..))
嘩嘩!!凡係有呀JAY既野..我都想擁有..我係咪過份沉迷呢??？？

我係咪太過沉迷於幻想既世界．？應該要活係真實既社會上！切切實實咁做人！！

買完書．去左愉景新城買電器∼果樹好多野都好平（有家私同埋電器賣！）
如果新屋想買家私，我介紹大家都果度買！又平又正！哈！係真嫁！
我地係果度買左個攪拌機同埋個音響組合..(勁正呀!!睇dvd又可以駁埋個喇叭..好有現場feel))
仲有vcd同cd既功能...總之就正正正啦!!呀爸話送比我做生日禮物..(超9呀!!)
明明知道自己想買..話就話當生日禮物送比我..事實又係咪咁呢..?
果度播左2個呀j既專輯呀..我成日企係果度睇睇睇..嘻!d人成日向我介紹d  hifi有幾好,.,
我又唔係睇果d電器.~我睇呀jay嫁炸...((真無奈!!))咁而家買左個音響..都冇咁無奈啦!!

買完之後..寶+2個細細妹+爸就返家先..我如媽媽行左陣街..跟住就去買蛋糕食囉!
返到屋企岩岩10點..做完我的野蠻奶奶啦..>"<...趕唔切添!!晚上食蛋糕做晚餐,,
跟住又call下人..叫d人去swim..嘻嘻>3<"聽日一定巧開心啦啦..合共好好好多人去呀..

2005 年 7 月 25 日  星期一  

童年的東西..也沒法記得很清楚!!!_____或許腦海只容許一些快樂的回億存在..

早上又要去表演啦...9點半返到學校!例排動作(練習)..練完就搭車去機場表演囉..!!
從來都未試過表演表得咁無奈...都冇咩人黎睇!!!當然啦..又唔係係正大堂中心""*
係個角落頭度..有鬼人留意咩..!!!得果幾丁友黎睇. , . ..所以咪話無聊囉..!!!

仲要表演３次．真係攞命呀！表完第一場∼聽到好多怡中ｄ同學話：[莫文尉]!!!
嘩,.,..我當然衝出去睇啦..!!原來真係!!(佢排牙咁白咁令..唔怪得d人搵佢拍牙既廣告啦)*
miss溫仲搞野..見到麥兜開心到跳起身咁!!>"<~仲成班人攪住麥兜影相.."*
第3場完左..就返專車返家家囉..!返左屋企換件3..就落去接佬羅..順便買埋整糯米慈d野!!!
買完就上黎我屋企開 工啦..!不過係開工之前..我地做左件好重要既事..就係醫飽好我地個肚仔先。
我煮左d野大家一齊食...食完就真係開工整糯米慈啦..!!!原來整既工程都好簡單下..
不過等d野熟既時間就好耐..差唔多成2個鐘先ok呀...
係呢段時間裡面..我地就同d大人既人玩下咪咁..吹下水..睇下片咁..!!!
時間終於到啦**我地開始整呀整...開頭失敗左!跟住又再黎過..哈哈~似返d樣啦啵//||*
果d皮好鬼痴嫁..成日痴住左我隻手..包糯米慈反而係一個技巧囉..!難包到死。
好似d小朋友係度玩泥沙咁..不過我地係玩d更高層次既野..
我諗..細細個真係好..天真無邪!!邊會好似而家咁呀..咁多煩惱!!
個賣相雖然唔太好..不過食落去就別有一番風味嫁...
整左當..佬羅媽媽急call..佢就去左囉..!剩返我一個係度整..
跟住我呀妹果d又想整啵..!!咪比佢整埋一份囉...（呀!估唔到佢又整得幾好啵..)
製造期間,..我偷食左幾粒..嘩嘩嘩>o<"飽到我呀...好辛苦呀.~
連晚上果餐都唔係食得好多炸..原來d糯米慈咁"製"嫁...!!!下次唔敢啦..!

2005 年 7 月 24 日  星期日  

好似好耐冇寫過日記啦..有幾日冇寫到添..!唔通我懶左..?

今日返`左團聚..真係好耐好耐冇返過團契啦,..今日既團契真係好悶..
上大禮堂度聽..=勁多果d大人..個個都好投入..舉晒手咁讚美神...
而我就聽唔入半句說話囉...[[對唔住呀]]!我都唔想嫁..不過真係冇咩心機聽囉>"<!
陳牧師終於講完啦...講左成個鐘=.="悶悶悶!!!!12點完左團契..||/*返屋企。

肚餓死啦!即刻問呀爸拎錢買野食...不過我想試下自己整野食..~
就落街買D銀針粉同埋蘿蔔+耶菜....勁恐布呀..切野!勁驚切到我隻手..
因為要切D蘿蔔絲..好細條好細條...好采都冇發生過血案!!!
見D蘿蔔多過頭..就用黎炒..本小姐都係第一次炒蘿蔔同埋整銀針粉炸!
整出黎都幾成功．見整多左Ｄ銀針粉∼就叫佬如上黎食！!!！!
佬如就幸福啦..第一個食我整既野...呵呵!!!*((色香味俱全))
食完野..!!(本來諗住睇片..點知呀爸睇緊..)咁佢就走囉!!

過左陣..佬如就話去放狗..我同呀寶就去佬如屋企..一齊拎隻狗/..
最尾都係冇放到...YENLY話晚上8點放先得..咁我地就同佬如屋企3隻狗玩..
寶打電話返家..爸爸唔係度..就去我家睇片(有如+佬如)...睇睇下我好眼訓..我就上床訓覺..
佬如仲係出面睇,..我訓訓下..佬如又爬上我張床度..我訓到"蒙蒙鄧鄧:..冇理到佢..
原來佢係我汁邊訓覺/..跟住我又聽到有人(應該係有如),..入黎叫佬如返屋企!!
我冇理到佢..繼續訓訓訓..訓醒就食飯囉>3<"

2005 年 7 月 22 日  星期五  

超慘呀!!果日記2日上唔到..真係激死我啦>3<"..勁低b呀~人地又上到..我又上唔到.!!
琴日..9點幾就起身~準備整壽c啦..本來諗住10點起身嫁..唔知發咩神經咁早起身囉~

一路整就一路睇孫悟空同埋十月初五的月光．..文初真係好慘！成日都想避開君好．
點知君好又成日痴住佢，文初成日都要睇住自己仲意既人同另外一個人點樣親熱∼點樣好！
君好又要對文初好好好！又成日關心佢！搞到佢真係進退兩難：))*真音公囉>"<~
《或許我們身邊也有這種人呢!》..是自己裝作不知道吧..!

!!!哈哈~終於整好我既製成品啦~都幾好味ya~
好衰呀我∼整得唔係太好既呢．就留比妹妹食．而我就拎左ｄ好既返學校同佬如一齊食！
嘻嘻！整完就拎左ｄ製成品同佬如返學校囉！！（因為今日有２場非洲鼓表演）！

係東薈城行行下．．見到蔡蔡！佢地話ｍｉｓｓ未返！所以我就同佬如坐左係東薈城果ｄ台上！
見冇幾耐．就返返學校！一返到去就比人罵！話我地遲到！我心裡：我地返黎果陣你都未到啦！
仲敢話我地遲到啵！一肚火呀∼　練左陣！就去機場表演囉！留左3舊壽c比呀皮食..,
死心陳嘉勝又係度嫌3嫌4..又話d壽c酸~又話咩過期酷!~頂!唔好食呀笨哈！
(個場合一d都唔龍重既..)見到果條友仔呀！唔知點解我自己唔敢正視佢！我又唔識佢啵！(白痴的)
我地打完左鼓後．.果條友就即刻走..(真係現實啦!!)打完鼓...都成5點左右啦!!
有2班人..一班就去味千..一班就去m記..miss溫請我地去m記食野!!!|
呢次一人一個餐!又會咁好屎o既"*食到飽一飽..正牙!食完就要上路去第2度(星光大道)表演囉!!!

搭左都幾耐下..就到左啦..未開始表演!(次次我地去表演都係晨咁早就到..今次唔係等左好耐..)
嘩嘩~d海風有d臭臭地..不過果樹d夜景超令呀...i like~我地去睇果d掌印..都見唔到周星馳隻掌印既..
見到果d掌印都係我唔識既明星黎既..(冇野好睇..)行左個圈返黎..就差唔多要表演啦....
完左表演..就要即刻走人啦...想留多陣係海旁行下都唔得...[[有機會一定要再去過果度..]]||
夜晚係果度行下..傾下計..,,.吹下海風...勁正啦!好鬼浪漫嫁姐..
唉~又要搭車返屋企啦...今次坐車我自己一個坐..唔知點解好想靜一靜!，睇下沿途既風景！
討厭那些人嘈雜的聲音。此刻的我，只想在自己的世界裡靜一靜！想一想！

返到屋企好采仲趕得切睇＊我的野蠻奶奶＊．．嘻！正正正正正正正正呀!

2005 年 7 月 21 日  星期四  

琴日冇寫到日記..今日補返。
今朝又去左打波啦>3<"今次霸到個唔晒既場打啦!!好野好野!!
打打下..毫黎左成班2望既人...佢地咁多人..我都冇謂去過打啦。
跟住我咪唔打囉!!打咁多次波...今日係玩得最耐先走o既~
東東同小富又話要黎我地屋企啵..咁岩爸爸又落左去食野..
咪比佢地黎坐陣囉!!!佢地2個好低能嫁..又係度玩我2個細妹..成個金魚佬咁樣)﹏("
又係度玩水搶..比佢地激死啦!!我地開住閉路電視既..一見到我爸爸.肥肥dodo既身形..
就即刻叫佢地走人..佢地仲專登行到鬼死咁慢..頂。我索性將佢地d拖鞋掉出去...
佢地就急急腳咁閃左去後樓梯囉!!!(我屋企唔係唔比男仔黎..只不過咁早..唔係太好既!!)

佢地走左..我玩左陣電腦..拖完個靚地..就同佬如去睇醫生啦!!!
去到荔景.~就搭車去瑪麗醫院啦!!!冇啦啦又個呀e走過黎話同我地搭的上去..
我地咪話好囉..原來好近嫁炸!!去到..等等等!等左成個鐘..終於得左。
佬如入去..我就係出面等佢..(佬如!!唔好自己嚇自己啦..,冇事既..!你諗得太多姐.)
睇完..就落左荃灣..行下街...今日遲左返屋企..好采我早就打定電話返去,,話遲d返姐..
如果唔係又比佢地丙囉囉!!!返到去成7點半!!!頭先搭車暈暈地..搞到我冇咩胃口食晚飯""*

晚上睇完電視..就同maybe 傾...一傾就傾左好耐!!!(thx..好朋友應該就是這樣的。..)