2005 年 9 月 21 日  星期三  

日日返到黎都訓覺...訓完都食飯..食完又睇tv(11點)..
睇完又做功課..做埋功課都成12點幾啦..*都冇咩時間打日記啦..!!

今日報告:數學小測唔合格..差一分就pass嫁啦..
            社會miss冇返..玩左堂...
            中文又小測..不過果d真係好講邏輯思維既...做完後..有好多疑問..!
            個個係度同呀關sir辯論..話咩岩..咩錯..!!咩無從判斷!!
            而我就冇咩理到囉>"<
            食飯完飯果陣..同呀皮打架..哈哈!咪以為女仔唔打架..打起黎真係幾狼下嫁~!!
            呀麗..華華..我地3堆又走去"聊"張逸揚果d呀...超搞笑..追佢地3個追到去男廁..!!
            英文堂同佬羅係度笑笑笑..結果比miss楊罰靜係我地2個一齊讀果句句子...!
            哈哈..週會仲搞野...張逸揚隔離冇人坐..我就即刻走過去同坐..佢好鬼怕醜嫁..
            問佢一句野先答我一句...跟住我又幫佢搞好佢個yeah頭..佢個頭牙..簡直令到爆炸牙!
            我係咁整亂佢個頭..佢又傻到乖乖地個頭定定..唔"旭"比我整啵!!
            我同佢傾計既過程..佢有時都會講下笑嫁..不過仲會玩我添.><"衰仔牙..."
 
            放學女排選拔...好似話3月打比賽...冇望嫁啦..!得半年時間..有鬼用咩?!
            打到5點幾..又見到呀有...跟住又eric同勝係度打陣...哈哈..我同華華.呀寶知道
            番版趙x希屎波,..所以成日比波佢...真係笑碌地嫁..我地話輸左請野飲..
            最尾佢地輸..靜係得呀有請我飲左野炸..!其餘都冇請到..打完行路返屋企..

            晚上食完飯洗完碗...麗麗叫我地落去打排球..哈哈..有新波打啵..佢家姐都係度。
            佢姐姐好好波嫁..同佢地打..我諗應該會有進步..!希望下次多d機會同佢姐姐打啦.!!卡卡。

2005 年 9 月 19 日  星期一  

呢排部電腦輕輕地,..搞到我幾日都冇得上呢個板寫日記..~
9月16日-----...教師發展日...放左一日假!!!我驚靜返2個細細妹係屋企冇咩野食..
就煮定d壽c係度比佢地食...跟住我就同呀寶..華華去荃灣買bbq野..
不過都布行下街咁..首先去左旺角..買左好多好多野呀..
又去2%..買左條褲同件3..$130....又買左個袋!!!同華華買袋仲好笑..又講價..
佢仲送左1杯ice cream比我地添...我地講下笑咁話:[我地有3個人..係咪即係有3杯先?]
果個人都係一笑置之...我地買完野諗住去荃灣飲茶..不過果陣都好晏囉..所以冇去到啦>"<

買完野..就去荃灣..我地係度睇果d記億卡..我買左張256mb..都成320蚊牙..!頭先係旺角睇先300蚊炸..
仲以為荃灣會平d添..點知唔係..真失望..又要晒多20蚊去買,,,~<<今日好慘呀..用左800幾蚊牙>>!嗚嗚!
買完卡就寺左街市買我地今日真正要買既野..我地都買左好多好多聽日去bbq  d野食..
3個人拎..都唔係話好重姐..!雖然係有19個人d野食..我地係搭車返黎果陣..call左d人落黎拎野..
跟住我地就返屋企食飯...!!

9月17日-----今朝好早起身..打點好一切..就落去等人..買野去bbq..
都早知有人會遲大到嫁啦..成18個人..一定有人遲既..
個天好似玩我地咁,,,落大雨啵..落到好大好大果隻..但係我地都堅持話要去..
係落雨期間有d人就走去買d炭牙..水牙..果d立立雜雜d野啦,,!!
返黎果陣仲落得大左...所以咁多個人就係度等等等..等停雨啦!!!!!!!
bbq名單:me啦..呀肥..呀皮..華華..家寶..琪琪..珍..呀朱..牙君..
           呀東..呀星..小富..呀青..成成..小強..肥呂..珈棋..周永..郭文達..
等左冇幾耐就有車啦..去到仲係落緊雨..我地就租左把3傘..
頂..租完之後都冇咩落雨..個天分明係玩野啦..去到長沙都4點幾囉..!!

呀皮同周永都好努力係度起爐..靜返成成..小富..呀星幾個低b係度捉蟹仔..等我去叫佢地果陣..
見到佢地個個追住d蟹仔個樣..真係好鬼好笑..成大堆人係度追一隻丁屎咁大隻既蟹仔啵~
不過叫左佢地都冇用..行左返黎少少又再走返去..!!頂佢地唔順牙!!!
到左夜晚..佢地先上黎燒下...佢地係下面玩..我諗一個爐太少..佢地冇位燒..
果陣我又唔肚餓..咪周不時燒d野比佢地食下囉....燒燒燒...!!
有d人又落去海度玩水..勁大浪牙..成班都傻傻地既..除左我同呀皮同呀肥冇落..
其餘個個都落晒去玩水...我地3個就係度燒野食..唔係比自己食既..係比果班玩水既傻婆傻佬食既。
佢地玩完上黎係度食下野..吹下水..呀青仲好笑..走去"聊"d唔識既人..好鬼低b嫁..
又問人地有冇女仔介紹比佢識..>o<"..呀肥成日講錯野比人笑...
差唔多燒完野食後..我就同呀青去洗頭..低b嫁..佢話遲D去做髮廊..我咪比個頭佢試下囉..
都唔知佢識唔識既..搞到我個頭好唔舒服..跟住我就自己洗返..
洗宛頭..返返去bbq果樹..都差唔多走囉..

汁完晒d野我地就行路返返東涌..累到累到死咁啦...我對鞋好痛..跟住叫呀星同我換鞋..
佢隻腳又大啵..見佢著我對鞋真係好鬼好笑..著左陣..呀青又同我換左./.之後d人就不停咁係度換鞋啦,
我同呀星同小強係最快去到果個山頂..等埋d人我地就繼續行啦..
大家都分開左一部分人行..有d人行得快既就去左7仔..有d就係度行緊...
行到逸東..累到死..我個pepet好鬼痛呀....坐陣就去7仔買野飲..跟住大家就坐左陣..
果陣都成1點幾囉..有d人都走左..靜返少部分人係度..
坐到差唔多2點..d女仔走晒..靜係呀星..呀成,.,小富..肥呂..珈棋炸..佢地好似話係小富屋企過夜啵!!
返到家..都冇比人罵..即刻沖完梁就訓覺囉..!果陣個身都好似有d唔舒服..

訓訓下覺..覺得周身好凍好凍,,起晒雞皮咁..原來係發燒..早估到有d問題嫁啦..
媽媽就拎左d藥比我食下..跟住又再訓多陣..第2朝就好左d啦..
媽..我以後都要聽你話...呢次我真係知錯嫁啦..><"---果日係我過分左..搞到你咁唔開心..
我真係覺得好後悔..冇諗到你果陣時既感受..好對唔住...但係呢番話我講唔出口..唯有係度舒發我既感受!!

2005 年 9 月 16 日  星期五  

今朝好早..我就自已一個行路去到富東啦LA~等埋佬羅就可以行路返學..返到去一個人都冇!!
果陣真係好早...好似7點50分炸!!!等HELP星到..我地就開始做功\課..(因為第一堂就係英文啦)
真係好難做...連果D叻果D都唔係好識做炸..MISS成日以為我地真係好叻..叻鬼咩真係.!

MISS楊今日好似失聲牙...冇教書..係度答對案同堆落圖書館借下書咁啦..好鬼低B呀我..
借書要拎証出黎炸嗎..我冇啦啦拎左張百達通比人地啵...好鬼白痴牙真係..
跟住D人就係度笑笑笑我啦!!!

中文堂仲激氣..分組/...D人都比人揀晒囉..剩返一D..唉>"<
年年次次都係同陳嘉勝一組...真無奈= ="

呢次D&T學整網頁..去左2樓個電腦室.,.不過我真係對電腦果D野冇咩興趣牙...
落堂就落去拎飯食囉...
哈哈..晏就好鬼癩牙..同麗麗..呀皮..係度玩...我地好鬼白痴..係度"聊"孖仔同鄧喬恩..
超可愛呀..靜係識笑..又唔敢出聲..陳振龍都搞野牙..><"
癩完又要上視藝..我地未玩夠..上視藝仲係度玩孖仔...
數學小測...好鬼難牙..無啦啦唔記得晒D野點樣計啵..好ON居牙..唉!!!
放學又係咁...回家奶奶囉>"<!!!!!!!

晚上我同寶..珍..富落去數..收得果5個人....我地係清逸樓樓下坐..又見到低B勝踏單車,,,
架單車好鬼細呀...佢又同我地坐左陣..就走囉...跟住見到呀青....呀富就去7仔買野比我地飲。
我同珍..同寶住清逸坐左好耐..跟住就走人啦..
返到屋企..11點半..打埋日記______同成成傾下電話就去訓覺囉!!!

2005 年 9 月 14 日  星期三  

琴晚詩麗打黎叫我落去(佢收早.入東涌還書)..仲叫埋景晴添!(果陣都成8點半囉)!!
3個係度散下步..傾下計咁啦.."
行去下嶺皮果邊..果度好靜好靜..又冇咩人啵~跟住又去7仔買野飲,,
景晴話去M記坐下..咁咪去囉..!去到果樹..見到佢果個FD..都好似好搞笑下咁..
坐到10點左右就閃人囉..

點解呢排會有咁多惡作劇既留言呢..?究竟係邊個做嫁..?係我個板寫埋晒d嘔心野..!!
我都唔知我做錯咩..!搞到果個人咁僧我?我又冇得罪人呀...玨至於佢話我擦校長鞋呢樣野..
我只覺得好笑囉..因為由開學到而家..."我都未同校長講過野..咁又何來擦鞋牙?
仲有話我同佢去埋周一格廁所..下?我唔係好似果個人咁唔衛生囉..同陌生人去同一個廁所.~
跟住又話我溝他條仔..?我心諗.?你有病牙?我把聲又唔係好聽..我都唔會"嗲"佢地啦!!
何況我成日同果d男仔嘈既..!!我又唔知你條仔乜水,..溝佢黎做咩?貪佢地d咩牙..?
係你自己咁仲意溝d男仔炸嗎...?自己溝唔到就唔好賴落人地身上啦..?on9仔/婆。
好心你做得出就要認啦..又唔敢認..成日係人地個板搞3搞4..你估你仲細咩.?玩埋d咁既野..?
你估你咁樣做..就真係可以中傷我咩..?識我既都知我唔係d咁既人啦!!。
你估佢地真係會信你講既野咩?講野好心你經大腦啦.."
唔通同D男仔傾一兩句野你又話係溝仔啦啵..咁你玩晒啦..咁個世界咪有好多人溝仔囉!!
識唔識分咩叫溝仔...咩叫同人傾計牙..唔識就返去幼稚園學下點分別溝伙同傾計啦!!

好心仔唔好成日係人地背後做咁多衰事啦..小心天收你牙...夠膽咪係我面前罵我囉..
你又怕死喎....我實唔會驚你...大把fd支持我啦..!!驚你有牙呀..!!


又因為呢個人留咁多on9既說話..好多人都好關心我/.替我擔心。哈!!
藉此..我要多謝咁多位關心我既朋友..!!因為呢件事..呵呵..我就知我身邊有幾多既好朋友啦!*
有d人仲緊張過我..!係咁係度話果個on9仔/婆....我都好似當若無其事咁就算囉..
只要我行得正..企得正..我洗咩驚人地係我背後講d乜牙..!係咪先.~
追唔追查落去都冇咩所謂囉..反正而家個板加左密碼..!段估果個人都唔會知我密碼掛..!!!算啦..唔提啦!

今日牙...數學又唔知教d咩2進制啦..不過呢科係唔考既..數學堂都冇咩教書..!我就訓左陣覺。
宗教同社會冇咩特別...
中文就成堂用黎作咩迪士尼求婚喎..

晏就食完飯就返課室做功課...
比呢個金sir教科學教到我冇晒心機..日日都諗..如果蔡sir教你話幾好呢..?
佢家下靜係教我地班男仔PE炸..女仔都冇既..我地只可以係PE堂見下蔡SIR炸..

週會後面果排成堂係度吹水..周不時我都會同下D人吹下.._我地太嘈..MISS又係度話啦!!
係度選D咩一人一職咁啦..係咁就過左2堂啦。!!!~返家..又再訓覺囉!!

2005 年 9 月 13 日  星期二  

好樣衰牙..呢幾日都寫唔到日記..個日記唔知做咩冇啦啦輕輕地咁啵>"<
頂...今日好早就要返去當值啦!!好無聊..成個木咁企係度..講幾句早晨咁牙..\"

當完值..返課室..企完仲要行上5樓真拎命牙..返到去..交下錢同通告咁啦!!!
第一堂係科學..去科學室.:做實驗*真係好掛住蔡sir牙..我真係好想呀蔡sir教科學牙..
都唔知我今次既科學成績點樣啦..

頂..真係比個死人陳賤文激q死我啦.~成日係呀sir面前..將自己做錯既野賴落我度喎!!!
好Q9嫁..自己明明話加多D野落張試紙度嫁嗎..轉頭又話我做咩加咁多..!
妖..都唔知佢係咪智障.?總之就係激死我啦...好耐未試過咁嬲啦!!
對佢耐D..我實多左好多條皺紋啦!!總之同佢一組我就知我會激死啦!!
我好唔想同佢地一組..成組都係男..成日點我做呢樣果樣..!哼=我采佢都白痴!
好興好興..要出火啦!!!!激激激激激激激到爆血管啦!

激完左成個小息..就上中屎囉..今堂我開始偷做左少少功\課..跟住就好留心聽佢\講書啦..
所以今堂都OK.既..跟住又上中文堂....好鬼麻煩呀..成Q日要分組...*
分完又要做練習囉~~係度做戲...劉展佢地果組好鬼白痴..好好笑牙...
係度唱星晴中文版...講埋D低B野..!超正正正。>O<"
上完食飯...UM..跟住做下英文功課..啦!!!成日有咩唔識..我就去問鄧喬殷啦!!
佢都好..唔會話唔答我問題既.....社會又做工作紙...
唉..好鬼亂呀..到而家我都唔知邊個打邊個國家..亂到死呀>"<!!!!
哈..MISS話我本野做得好牙..不過大部分都係老羅幫我既..因為我地上個星期日一齊做勁課..
做左好耐好多...多謝佬羅教我..有佢我知我成績會好好多..。

英文堂唔錯..幾好牙..好正常牙今日..琴日既英文堂就唔正常..低B佬羅同我笑足成堂啵!!
勁白痴牙..笑死我...我今日噴水牙..噴到佬羅牙..鬼叫佢引我笑牙....哈哈!自己拎黎既~!
放學去選羽毛球..跟住打陣排波__________跟住同華華行路返屋企囉\"*