2006 年 1 月 27 日  星期五  

琴閱成3點先可以訓覺...累死我啦!!
今朝搞到我唔肯起身...7點10分先起身,,,,拿拿林...刷牙..洗面...穿校服...食早餐同埋洗頭。
搞到差唔多8點先落樓炸...我地以急速既腳步行返學校...都係冇遲到既..
返到去...差唔多打鐘囉...上到課室...填d無聊問題.....跟住就開始睇下miss lee大學果陣果d相仔囉!!
哈哈..從來未試下睇相睇到咁興奮啦...又好笑啵...你知我地班果d同學幾活躍嫁啦./..成日講埋d好笑野..
一路睇相就一路笑...嘩...miss真係去過好多地方呀...又識講咁多語言啵!!!佩服晒啦..
我都好想好似佢咁...去咁多咁令既地方嫁...羨慕死人啦....不過我仲係擔心..成績唔好...又點搵到一份好工作呢.?
我答應過自己同媽媽...第時大個一定會同佢去旅行(去遠d既地方)....等大個搵到錢果陣。一直等緊呢個承諾。
睇完相仔~就落去禮堂聽歌囉...!!今日有歌唱比賽.....

司儀係楊敏婷同埋藍哥...第一個出黎唱既係吳雅麗....唱曖昧.....都OK啦..一諗到呢首歌就諗起呀肥..
我諗如果呀肥唱一定仲好聽啦!!!跟住唱左好似6隊...中4果班男仔唱得好難聽...
而果個程媛定許媛..唱果首誰來愛我..真係好正..!!不過除小姐都唔差...不過開頭咪咀囉..都係AV組既錯..!!
而吳雅麗同李子君果個組合都唔差...不過把聲好小朋友....成熟D咁就會好聽D囉!!!
呵~呢D就係我今日要比既評語啦!!!!睇完去換3....又好似琴日咁..等高佬佢打電話來。

我去左佬羅家先..等佢地電話...不過貽叫我炒飯比佢食(佢唔識炒呀)..咁我就大展我既廚藝啦!!!
點知..個個叫好囉!!不過我諗佢真係未食過我整得最好果隻...今日都係炒得麻麻炸...狀態唔好..
煮煮下野..高佬話唔洗去...咁我地冇去啦...!!!
食完野...自己一個返逸東..一路行一路同低B朗傾電話......直到入Lift....返到家...掃下個地..就訓個好覺啦!!
因為琴日冇覺好訓....加上真係好累..所以一訓訓到7點幾啦!!!真係好訓到呀...!!
跟住起身食飯.......唔咁面對爸爸...我好驚佢罵我...直到而家...我都冇同佢講一句野..
唔通佢係度等我開口同佢講野?..我一定唔會囉!!呢d咁既野..我係唔會做既..。
今日就到為此啦..!!!

2006 年 1 月 26 日  星期四  

2006 年 1 月 25 日  星期三  

今日...早上...就去禮堂..聽miss lee(李惠連)既分享...見到佢結婚果d相...見到蔡sir..嘩~勁令仔呀..!!!
仲有我地班主任miss ...個樣好搞野...^^"
佢話佢媽媽有癌病...真係好慘>"<...我諗緊如果呢件事發生係我朋友/家人/自己身上...我仲可唔可以咁冷靜呢?
仲可唔可以依賴上帝呢???..真係唔清楚..........!!!
不過神又好似有聽佢既祈禱..比佢媽媽可以退燒..去佢既婚禮啵..^^
跟住嘉勝話一陣週會播"朱古力獎門人"...嘩...我地即刻好興奮呀...!因為呢出戲同一個人好有關。哈哈哈哈!開心囉!!!

講完聽完...上課室上數學堂..教聯立方程...都識識地既..上年教過~!!!!!

跟住社會..又派工作紙囉...意味住我地又有好多野要學啦..!!!唉!!見到呢d工作紙..靜係感到有少少既........唔知點講!!!
SEE TV DO WORKSHEET...咁又一堂囉..!!

上中文堂..要分組上...明明琴日分好組嫁嗎...!!嘉勝冇啦啦又好似想去呀古果組...!!都唔知佢黠搞既..
咁樣做..會搞到我地果組d人好無聊嫁嗎!?>"<..最後..~佢同高佬都有過到黎我地組...*我地咩分組都好似係呢幾個人一組*
跟住仲好笑...唔知邊個話咩師生合唱....話同楊sir...哈!!!跟住我就用楊sir果d正宗既男高音唱jay d歌...
哈!!!又真係幾盞鬼下啵!!!...成組人都係度笑...^^..大家一齊開開開心心心笑啦!!卡卡卡卡卡卡卡卡卡卡卡卡!!!!!!!!
分組難免真係有d唔好..分到d人散晒...搞到有d同學唔開心...我都明白佢地既心情...所以係呢度..只好叫佢地樂觀d啦!!!
呀sir係度講講講左好多野....忘了佢講d咩..最記得係..有篇文叫做"我的志願"..心諗呢個題目都好out下啵!!
小學都開始作啦...估唔到大個仲要作..細個果陣...仲係好天真咁話......叫做設計師....做miss..不過到左大個..
識得面對現實...發現呢d都係一d day dream...根本冇可能發生..........到而家...我都仲唔清楚自己既志願係d咩..
係呢個假期..大家真係要認認真真咁諗下呢個問題啦!!!!我都會。

落堂食飯..今日正呀..有媽媽親自煮既野食....烏東面...l love 。yeah~
食完冇野做...see佬如同呀肥隻秋...結果都係肥嬴左~不過佢整到佬如隻眼痛(係唔小心既!!)

上英文..又見到 miss maher...又係度say 關於專題d野..聽到就覺煩呀!!!好快咁就..........落左一堂
接住上科學堂...又做會考題....仲有2張會考題既功課添!!!!呢次實唔識做啦...不過我會試下do..如果真係唔識先問下高佬..嘉勝果d囉!!!!哈...等完呢堂過...就做朱古力獎門人...哈哈!!!!好開心添!!係咪呢..?佬羅!!!!!

不過開始睇呢個戲...都有點唔知佢想講咩...不過有d野..都好好笑...!我諗緊..可能想諷刺d人唔好食咁多朱古力同sweets啦!!
一聰到岩岩開始唱果首歌...就真係好鬼好笑....因為係低b朗同揚唱過既歌仔之一!!!!^^"人地唱得好聽好多..
遲左5分鐘放學...之後就同麗...寶..華去富東診所睇醫生囉!!呀麗係果度等佢媽媽黎...而我就幫爸爸排隊...寶同華去左買野..
坐坐下...好累真係訓著左...!!!跟住起返身....寶佢地就返來囉!!!..再坐多半個鐘...爸爸來到..我同華同寶走先..

點知不幸事情發生啦...!!行到去富東有石春路果度...個變態佬對我地笑..咁cold既天氣..唔著3..跟住穿條短褲..
你話佢係咪變態呢..?寶同華話認得佢...佢真係果個除褲閎變態佬呀...嗚嗚....嚇到我地3個係咁跑跑跑..跑返出有人既地方...
真係比佢嚇q死呀....唉!!又會咁黑仔既...!!!我地繞左個大圈行..寶就有急call要返KFC...而我同華就行路返逸東囉!!!

2006 年 1 月 24 日  星期二  

琴日好辛苦呀..半夜3點幾..起身嘔啵...都唔知食錯d咩....真係辛苦死。又得自己一個人起身嘔...又黑啵~
嘔果d野..全部都黑色既...好嘔心嫁>"<...仲有扣喉...要迫果d嘔吐物出黎...果種痛苦真係好難頂...
今朝返學唔係好舒服..周身好酸痛...軟棉棉咁...冇咩力...口侯又唔知做咩..痛痛地啵!!!

今日真係為左我d成績好唔開心...社會竟然71分....好多人都有8字頭....點解我會考成咁..?
當人人既社會都考得好好既時侯....知唔知我個心真係好難過...而自己就好似異族咁
唔通我既資質真係比人差..?!唔通我唔比人努力~

難道我付出既努力比不上別人...?..我用既時間多過人....整日埋頭苦幹...也只是有這樣的結果!!!
人地話"[多種的多收~少種的少收]"..究竟呢句話係真定假???點解唔可以兌現係我身上呢.?
而家我都唔知信唔信呢句野好啦!?

仲有中史...仲衰...得果65分...我果晚成晚冇訓就係為左呢個中史....點解.?點解?會咁...
呀sir又唔講清楚果d考試果d..我又以為靜係考之前d野...除左長題目...咁我咪靜係溫之前果d囉...
點知又考埋之後果d嫁啵...搞到d分冇晒!!!唉!呢次考試真係失敗..係徹底咁失敗。

今日派返果d中作....我睇完呀揚果篇...真係好正/..叻仔...仲有佬羅同埋陳志文...呢幾個都唔錯!!好掂!
至於朗呢就..要改善下啦.....比d感情比黎...唔好寫黎寫去都係得果幾個場面..知嗎?!!其實你既感情/感覺方面唔係應該比揚好咩?!
加油呀你....信你一定得嫁..!!卡卡~透過你同我傾icq..有時都見到有d好有feel既句子..可以運用返出黎嫁嗎!!!

唉>"<    唉>"<    唉>"<....經過呢次之後..都唔知以後點樣去溫書..!溫得多又係咁...少又係咁!!!~
英文又要做project啦!煩q死...科學又要啵!!真係好想死...!!新年都唔可以比人透下氣既..d老師真係唔係路呀>"<

放學果陣有唔舒服...跟住see到寶佢地..就同佢地搭車返家,..即刻達落床休息下~起身好辛苦..周身痛。

唉...今日冇心情..不過晚上收到個call又令我幾開心啵!!!yeah...希望真係有得做啦!!

2006 年 1 月 23 日  星期一