2006 年 1 月 22 日  星期日  

今朝8點半就自動起身..刷完牙食野.../跟住落去等齊人返教會...
點知等左孖仔好耐都唔見佢地...就打比佢2個啦..........點知...真係一不小心..仲係度奶奶緊.. 呢句野...分明係話果d懶惰既人啦...!!!
2條死仔呀...仲唔起身....究竟話唔記得左...跟住我地就去佢樓下等佢地....,等左成4個字都有啦...班友仲唔落黎..
頂..都唔知整咩整咁耐...唔通呀朗出門果陣又"唔唔'..揚一定唔洗問..實係整佢個死人頭先...2個死仔。
要4個女仔係樓下等..好唔好意思嫁...>"<...補充返一句...今日我地4個都係穿"凡布鞋"...全部都係.白/米色...
麗麗整左頭....哈...以為我地果堆人又多個"戀毛怪"囉...~~卡卡~~

為左趕路..我地決定行捷徑...行行下見到班fireman..佢地唔係應該去救火既咩..點解走左去整水喉既..真奇怪。
我地行左條死路...頂冇路出既./..樣衰到爆呀...卡...唔知邊條友話要行果度既..(哈~~一定係張逸朗啦!!!)
豆左個大圈出返去..繼續上路...去到富東等埋貽...就去教會囉.//.//今日上禮堂....

唉!!今日果個讀野果個人講符好悶...咬字又唔清楚...搞到我都冇咩心機去聽囉...!!!臨走果陣...又要填果green paper!
填填下..伍b朗又當果個" blue貼"係擦膠...真係比佢吹漲囉...哈哈哈^^
跟住唔知邊個發現度個報告板度有秀德(我地果代)D人既相..有恩姐...YOYO同..梁健沖...其你人忘了...
跟住我昆佢地話有佬羅...嘩..精彩囉!!!孖全部人即刻中個頭埋去睇..(成班KAI子)..哈...咁到比我昆到...蠢到死!!!
睇完野..填完野.....行路返逸東!!

返到家...我就係度查字典,,..履行我每日學5個生字既承諾...!!查左好耐...又串下字咁...哈..咁就過左個幾鐘~
到左3點..媽叫我係番薯..食完就出去同媽去富東行街啦~
我地行路出去...哈~~間間SHOP都比我地去過晒...首先係BLUE STARS買左2件3比細妹..跟住去左KFC搵寶..不過佢仲未放工!
跟住同媽去U2..我買左件"長既冷3"...PINK色....都好成熟下既...D LOOK~
跟住就同佢去左G2000...哈~見到個袋幾令...就係咁叫媽媽媽媽買~點知佢真係比我哄到買左...
個袋真係幾令./..加上又唔太貴($100-200)...哈..個袋我送左比媽媽...就當新年禮物啦!!!!
好野...媽媽..新年快樂...!!!媽話會係我家長日果日帶....佢話呢D袋一家要穿套令3先可以親得起...!!
本來又諗住係G2000買件"嬲"..不過又好似...果D質地唔係太好...又冇買到啦..
跟住去左"AT 屎必"..真係果仔囉..見到景文...嗚嗚嗚~佢又無奈..我更加無奈呀...!!
呢度冇野睇..拉媽媽去我最仲意既"E 悲事"...唉..真黑仔..D褲都冇大碼...中碼又唔岩著...真係要減下肥得先囉>"<
急急腳拉媽媽離開呢個SHOP....去左果度附近既SHOP..不過冇買到野.....最後去左百佳買左少少野就搭車返逸東囉..
哈,..果陣時個天都黑...哈~可想而知..我地行富東行左幾耐啦!!!!!

2006 年 1 月 21 日  星期六  

考完試既第2日..好早(9:00)就起左身....同華華去左圖書館睇下書..借下書咁...
哈...今日係我第一日展開讀英文既第一日...我借左一本中文小說...一本中文對照既類似文學書...一本就係學英文既書..
後2者都有cd送....哈.....我返到屋企就可以學下d字點讀啦,.,.正呀!!!

同華坐左陣..不知不覺就10點幾囉..跟住我醒目既細細妹打來叫我落去eat野...道別左華華之後..就落左去食野..
食左少少姐..都好飽啦....(入晒佬豆數啦.!!!梗係)  不過又真係幾好食....我地食點心。
食完細妹就返屋家...而我就上去回會返華華...到左1點半左右.....就去呀肥度...幫我妹佢借"惡魔在身邊"。
死人呀肥又唔落黎拎比我....搞到我地要上去拎....一上去...見到呀肥個死人頭....7左好多...
因為佢平時"蕉"開頭...而家突然冇"蕉"~好似有D睇唔慣..所以覺得6+1左囉....卡卡>"<
下次唔好再比我見到你個8-1既樣啦....知道嗎...如果唔係..我話比人聽嫁...
跟住肥比左d倉鼠糧我...叫我比如....跟住我就去佢屋企比左佬如啦~

拎完碟就返家.....即刻係度睇書...播下D英文CD黎聽...不過我都係覺得佢讀得太快...跟唔到啦!!!
 不過唔怕...我諗慢慢會好D嫁啦...今日學左幾個英文字呀!!!分別係account /  accept  /  acquire  /apologize   呢幾個!!!
跟住妹妹出左去...得我一個係家...我又開icq玩.....同佬羅...呀朗係度一齊玩msn...
唔知點解...當我地3個一齊傾既時侯....朗真係特別低b...唔通佢想表現佢天真可愛既一面???呵呵...真係話唔定?
唔再越來越kai啦...大個仔...應該成熟d....你估而家仲係媽咪餵奶o既時侯咩>"<
哈....跟住我話貽係朗既弟婦呀............哈...你都有今日啦~卡卡~平時話得我多...有報應啦!!!!!!!!!

傾到2點幾...好似越走越多人..開頭係朗同麗走先...跟住就到貽走...跟住到我....我只不過係離開左msn...
去左拎英文書3B後面果隻CD黎聽下...學下英文D字點讀....打比呀肥..問下佢點整果隻CD,...
我懷疑呀肥佢聽力同講野能力都好有問題.....又聽唁明我講咩..又要話係啵....頂...呀肥你好白痴呀>"<
你唔好好似KAI朗.....咁...........KAI啦...呀肥.....要變返正常啦...我唔想睇到你同朗倫落度同一個地步呀...嗚嗚嗚嗚!!!

關左電腦之後....我就拖地..跟住妹回來..COOK野一齊食.....跟住就係度睇左陣書.....
寶岩岩放互....同佢一齊去街市搵媽媽...結果搵唔到...陪左我去買本簿...!~
跟住返家...試下插線整唔煋到部手提D歌..D相....點知都係失敗!!~
唉....究竟黠樣整嫁.....瀲死啦...整黎整去都唔得...嗚嗚~

哈..我諗如果我持之以恆去學英文既話...我一定會有進步嫁..,..!!!!YEAHYEAH~好朋友..你地會支持我的嗎???

2006 年 1 月 20 日  星期五  

哈哈...琴日終於考完試啦...考試果個星期真係好難頂呀...!!
係好辛苦..成日要捱夜..唉..難頂呀...
唉....但係難過既日子終於可以過去啦...哈哈...我可以過返d正常既日子啦...!!!
無論考成點都好..總之我有比心機溫過書...已經好對得住自己..(考得唔好...到時就會好唔開心)


係考英果日...我見到d卷有好多字都唔識...唉>"<...所以....由果刻開始決定要識多d生字同埋睇多d英文書...*
希望我真係講左出黎可以做到啦...^^

琴日考完最後一日(中史)..果嶜搞到我成晚都冇訓...因為我飲左太多茶...頂眼訓溫中史..搞到一晚都冇覺好訓..
係床度look黎look去...無聊到盡呀...
我同呀麗呀肥呀皮...出左去唱k.....我同肥.麗.出先..呀皮話要開埋會先出黎會合我地。
哈....去到果度...第一首就點"戀愛大過天"無記錯既話...好似係呢首!!!...係我接錯製...不過都有照唱。
真係頂呀肥唔順....佢好似d初生bb仔咁...咬字都咬唔清楚呀...點唱歌呀...!!!
哈哈..真係好搞野....最重要既係...佢都好認真咁唱...都係咁既樣....個look有d似果d歌手*!!
仲係度"ling"屎忽....e....~冇眼睇呀....
到左12點幾...呀皮就來...一來到就唱衛蘭d歌....睇得出佢真係好仲意衛蘭...
好心佢啦...把聲都咁沙囉..仲咁激咁大聲係度唱歌...傷聲嫁炸><"
唱到2點就即係cut左囉....洗唔洗咁準時呀...好采我地係臨走果陣..點左首勁歌金曲黎唱炸...
哈....古仔首歌咁長....又分開一首首咁...我地就每人唱一首...好激呀...!!!
我地唱完呢首咁長既歌就走囉....哈..今日唱左$32炸....係我去左咁多次最平既一次!!!!
係考完果日即刻出街真係好正呀..!!!跟住我地就去左行街啦..

行左潮特...跟住就去行波鞋街...跟住去買倉鼠糧....勁重呀..咁鬼大包..早知就唔幫我細細妹買啦!!~
哈...我今日好采啦...先用左100蚊炸..平時會用好多....
呀肥佢好樣衰呀...成日講錯野比我地笑...
"李雲特"     "成部人"     "woke企"     "s  o"....仲有好多呀...唔記得左..等我記得果陣話比你地知..

哈...我地各人都買左野....6點幾我地就走啦...!!返到家7點都未到...
行到隻腳好痛好累...返到黎即刻玩電腦..../真開心..又可以玩電腦啦..
未試果陣...電視又冇睇....琥腦又冇玩....靜係係度溫書..頭都爆呀~~
同呀楊sir傾左好多計....哈...一早都話佢係一個好老師黎嫁嗎.....跟住同低b朗佢傾..粉皮..好耐冇同你傾啦>"<
玩到12點就訓囉...!!zzzzzzzzzzzzzz琴晚成晚冇訓過....今晚真係會好好訓...訓到第2朝11點起身。

起左身...see到有堆3係度..掛埋佢地...跟住爸爸落同我落去買早餐..ya~係車仔面。果陣都成1點囉.!可以當埋5餐囉~
2個細細妹去day camp..寶寶返工.....家剩低我一個人...
天氣又唔好..又凍(我最怕)....又落雨.....搞到冇晒心情..食完野就即刻玩電腦囉!!!!!!!!
見到佬如...佢,...又同佢係電話傾左d關於日記板d野...
唔係佢前幾日講我知...個日記改左..我都唔知呀....改左好似唔係好..好睇...不過開始眼訓...訓覺。
天絛咁凍..搞到我咩都唔想做..所以冇拖地....嘻!!!懶懶呀>"<
哈...訓醒食飯....過返平時果d日子...唔洗再溫書啦!!

係度想講樣野...呢個係我一直抱既宗旨。其實我地唔洗好介意人地點講我地..
除非你真係有做過果樣野...人地咁講係對你既不滿..或者又真係有心中傷你...
總之點都好...你係冇做過既話就係冇...只要有一個人係認同你冇做過果樣野...我已覺得好滿足。
我行得正..企得正...唔洗驚比你地話...或者你真係未真正了解我..所以先對我有所誤會。
唔緊要...慢慢你會明的...•我做一切既出發點...都冇話要博得到d咩同情..!?!!!
或者從你地眼中同表面上睇...我做既野又真係好似係好假..又或者扮緊野......但係我只知記道自己係冇做過...
所以請你地唔好誤會我所做既一切...作為朋友既你地...唔係應該互相相任既咩?..而家連呢小小野都唔信我...
咁稱得上為咩朋友呀...??對於呢點.....只得失望2字形容。
有d野真係好難講....連好朋友都可以能會做d令你好失望既野.~

睇到呢段野既朋友...希望你地重新考慮...究竟我地朋友既底線係d咩...!
又諗下我地對相方既了解究竟有幾深..?!!!!!!!!!!!!!!!!!??????????

2006 年 1 月 1 日  星期日  

唔唔....都好似好耐冇上過黎打日記啦.....呢排成日都忙著溫書..做家課..
都冇咩時間開電腦玩囉!!!!

琴日就係一年既結束..真係估唔到咁快...真係好快..咁就過左一年囉..!!!
上年話過..今年一定要去倒數..不過都係冇既...想留多d時間溫書...
唔想玩到心散...所以決定左冇去......(下年呀,,,下年..一定要去過!咁大個女咪出過去倒數添)
雖妹冇出到去..好采琴晚同佬羅...孖仔佢地係電話倒數姐...
接著落黎呢幾日.....我都要好好咁溫書.........考好d個試/...唔好比咁大壓力自己...

新既一年...新既開始...將唔開心既事拋諸腦後..好好咁忘記左唔開心野!!!

那.那.那~提醒大家!!一定要考好呢個試...you must pass the exam。
那*唔準唔合格嫁!(係fd既話..就答應我呢件事啦!!!)哈哈~
講下姐...^^....比d心機...pass完個exam....我地一齊去玩呀!!!!yeah~yeah~

2005 年 12 月 26 日  星期一  

今日佬羅11點幾就黎左我度做功課啦...不過做左冇幾耐..又要落去晒衫..
我真係好唔想去嫁...不過呀媽洗得咁辛苦...叫我落去掛下姐...又唔洗死既..咪同佬羅落左去囉..
仲叫埋華華....係6逸樓樓下等埋華華/.//.就起行去晒3囉,,,,
拎住咁多3....我都覺得好樣衰...所以拿拿林拎完上返黎....
跟住就去左呀麗屋企做功課....
媽媽返返下工返左屋企...佢個病程好似好嚴重咁..>"<...嗚嗚嗚!!!要快d快dd好返呀..媽媽。

去左呀麗度...都冇做到功課...個個係度掛住吹水...冇理由靜係得我一個人係度做嫁嗎...!?
所以我又吹埋一份....點都好...我都好想你28號之前搞好晒d功課...好似冇咩可能咁啵..>﹏<"
呢次實死冇生啦..唉.......諗..............都唔敢諗........
哈...佢地諗諗下..又玩化妝..呵~我做佢地既白老鼠呀.....比呀麗化...佢又真係好似好專業咁樣啵..
搞左我諗....9個字仲意搞完....哈~睇落去都幾好啵.....不過佢地又話我同咩咩啦.....衰到死>w<"
佬羅吹到3點走左...我地之後就係度上網睇d相....有令你令女既相....d女仔真係好令仔嫁..!好鬼q~
世界上真係有d咁得意既女仔.嫁...!!有d又鬼火咁令啵!!!!玩晒野咁囉....哈哈哈~
睇左好耐...麗佢爸媽返左黎....我同華就走...去左我家...。
跟住爸爸叫我落去收3...(真係勁唔想去)..不過冇辦法...我生長係強權之下...一定要去...唔去的話~後果自付。
華同我落去...落左去...有幾個人係果度踢波....嗚嗚~叫左呀妹落黎...."佢又唔夠高啵....又係要我去收3...
真係好樣衰呀...果個人仲要話:[人地都驚左你啦!!!]搞到我幾唔好意思呀./......唉!!!我就好快手咁收收晒d野~
希望唔好有下次咁樣衰既經濟經歷啦!!!!!!!!!!!!!!!!!!!!!!!!!!!!跟住上返屋企...同華6左一陣歌...佢就走囉..
跟住我就開始打我既日記....今日既日記...好早就打左囉...

希望聽日可以做完本數學"...唔好掛住玩啦...各位...要做功課啦!!!!!!!!!!!!!!!!!!