2006 年 4 月 14 日  星期五  

今朝要返工...所以8點就去左身囉!!!食下野...執下返工d野..咁就出門囉~出門前接到李生電話..
我覺得佢勁kai囉~~佢：[你唔係返8點半咩？〕．佢又問多次∼我話佢冇通知我．．佢又話；〔真係冇？〕
冇就冇啦！好似講到有咁樣＝．＝”跟住我同呀肥就趕住返工∼

搭車車．去到消防局．好快有車黎！...我地去m字樓報到..跟住換3..有人帶我地落去!!!
林生帶我地落去..勁kai..行完一度又一度...係咁跟住佢行..佢又行到鬼死咁快!!!頂你咩~我同呀肥又拎住d硬幣~鬼咁重~
佢自己就行到咁q快...真係呀!!唔洗理人嫁>"<..哼哼_*

去到一蹶店..呀肥就係果度做野啦!而林生就帶我去我個地方..仲以為同呀肥一齊做添!!!
去到果度....真係勁無奈呀!!都冇咩野做...d人又唔識呢??!!不過唔夠美心恐怖,...

做左一陣野...又呆左陣...就食飯囉!d飯好似學校果d....真慘呀~食飯都冇台同埋chair既...坐係d架度食=.="
咩公司黎嫁!>"<...跟住d呀姨問我要唔要野飲...我又怕醜..咁咪話唔要...佢地又拎比我...
哈~食完飯...去洗手間..跟住就出來做野....果陣先開始同d呀姨熟熟地...d呀姨好好人嫁!!!好睇我既...
不過果度冇咩年輕人....傾唔到幾句...下5果陣...開始好多人黎食野..我負責做出面既執台....完全唔難做"*
好過美心好多好多...等d人散左...又冇野做啦!!我會成日因為冇野做而覺得好無聊..我寧願有d野做下..咁樣仲好...

d時間真係好難過..一分一秒都好似停係度...唔識旭咁樣>"<幾辛苦先等到6點收工./..企到隻腳累死啦!!
"收工果陣幫手洗野...洗地...umum..都幾吃力/...6點放工...真係好開心..終於可以返家囉!!

呀肥`佢5點半就放啦!而我就6點..佢等埋我..嘻嘻^^"...收工..林生叫我搵佢...妖...有比d蘇周屎我做...自己又唔搵人/..\
麻鬼煩煩咁樣=.="原來放6點...都變左成6點半囉...最衰都係林生...真係死衰人黎嫁!!仲要留人地幾個字,...明知人地累到死咁啦!!
仲係度講講講...訓話咩而家...KAI佬...唉..聽完佢廢講之後...就搭車回家...去到地鐵站...再行路回家..

回到家...有飯食...好開心..因為我好餓...食完就玩陣電腦..跟住讀下英文...晏D就要訓覺..
聽日返8點半....要成6點半就起身....真係好累..隻腳好痛>"<嗚嗚嗚_________________________*快死啦!!!)))))

2006 年 4 月 13 日  星期四  

嘻~今朝好早起身呀..成9點幾...咁早起身都唔知有咩野做好..!冇所事事..諗住睇下英文書...點知..真係冇咩心機..
可能同個天氣有關...成日烏云密佈...又落雨...又凍啵!!我寧願天氣好似前幾日考試咁仲好呀!!起碼心情都好d呀!!!
之後開左電腦玩左陣...個鍵盤又壞左(不過晚上又好返)..玩唔到...真係氣死人呀!!!跟住就食下早餐...又玩多陣....
mantro add我...哈~我又玩唔到...只好用螢幕小鍵盤囉!!勁q慢呀!!!嘻~~佢要返大陸成個假期..唔係返非洲呀>w<"
哈~真係天真...人講乜我信乜...!!!*哼..不過小次我會醒d..唔好再比人昆..比人昆既感覺一d都唔好受。

傾左陣...同媽落左去...跟住又上返來...叫孖仔同華華黎我家打機..哈~大約2點佢地就來左囉!!
哈哈哈~我地係咁玩玩玩...打打打...勁kai呀!!!我同華華又唔識打..成日輸...我輸得最多...我真係打機白痴黎嫁!!!
打埋d低b機..不過低b機都要有技巧先可以打得嬴嫁~~哈~講樣野大家知啦!!今日呀朗佢...咦!!醜死人呀...white既xx!!
果陣真係笑到我眼淚水出呀!!!唉...死人張逸朗..你唔好有咁多好笑野引我笑好唔好呀....我d牙就快要掉晒啦!!哈哈哈嘻嘻嘻~
玩呀玩....玩到4點左右..就煮返熱d粥同埋面比佢地食...嘻~係咪好好味呢???

玩到4點半佢地就走囉~而我就訓覺...冇幾耐又聽到呀陳佢電話...佢地見緊工呀!!不過唔知佢地點呀!!
我訓左冇幾耐...又打來...佢地等左成個鐘...果個死人經理都唔出黎見佢地..我打去問經理...佢話佢好忙..
大佬呀...!!人地係大埔過來嫁...要人地等成個鐘...仲要天都黑埋啦!!真係好過分下啵~
不過最尾都有見到...佢琴日又話請佢地...等佢地今日黎見左之後...又唔知點啵!!叫佢地返家等電話...嘩..乜而家d人咁嫁!!
唉..最後我個fd只好好無奈咁搭車返返大埔囉!!

跟住我又再訓過...7點又起身食飯..喝跟住洗碗到而家...陣間會學陣英文..!!努力努力~＊聽日第一日返工啦！好緊張添！
不過神會看顧我同肥肥．．．叫我地得到平安”感謝神。__________________________*


到現在，是誰掉進誰的陷阱我也不知道，我只想沒煩惱的過每天的生活！不，相信沒有這回事的！
好像到現在，也沒有想過要戀愛的事情，總覺得這是一件不開心的事情，人常說，當２個真心相愛的人一起時，
會感到很快樂，但我一想到，如果到分手那天，你還會覺得快樂嗎？在你腦海中，只會記得當初為何傻傻地走在一起，
心裡只會有後悔的魔影在略動，之後慢慢的淡忘這件曾經在心中一件痛苦的事情！！
所以要拿得起．放得低。

哈∼再也不敢想像以後會變成怎樣！．..我常常弄不清自己的感覺..."所以經常性把自己弄入一個煩惱的困局裡...
總是找不著答案，希望下次，我會懂得去分析自己的感覺！不要造成不必要的誤會。

2006 年 4 月 12 日  星期三  

今日返去報道會...一返到學校就去禮堂..見到miss lee..成班老師係度準備緊!!~
哈~唱歌啦唱歌啦...有mantro同劉文2個學生...好好聽呀..d詩歌....
哈~我地幾個係度笑仁班miss唱歌果陣時個樣...真係好攞命嫁!!嗯嗯....d人都唱得幾好..
跟住有個人上來分享...um...我覺得佢講得幾好呀!!!!好有吸引力...

跟住佢講左好多故仔...um..最記得佢講果個伯伯...um...當時我又再諗左好多好多野...關於神既!!
之後佢就叫人決志果d野啦!!我冇諗過就立即舉手..我願意讓神佢進入我既生命...但係我又唔仲意睇聖經..又成日違反神既旨意!!
我又唔知我有冇將神放係第一位,....總之有好多好多既問題啦!!!!!

跟住我見到MISS LEE喊啵!!唔知點解自己又喊啵!真KAI...早話左..每次報道會都喊既!!果個人叫我地留意復活節既意義...
但係我好似覺得自己做唔到咁囉!!..希望再遲D..我真係會明白呢個意義!!!!!

報道會完左上課室..係度吹水..過埋今日..有排都唔洗返學囉..不過都係要返..係返工...!!
我好開心呀...!我D舊FD話過來做..可以有多D時間相聚囉!!感謝神....亦都希望神會保守佢地既腳步!!叫佢地平安..
佢地都住係好遠...一個元朗,,,一個大埔!!!嘻~可以一齊做野....係件幸福既事...!!嘻>"<..聽日就要帶佢地去見工囉!

上到課室..做左D好無聊既野...D人玩GASME..出晒CAT咁既.,..9到死呀!!咦!!樣衰爆啦>"<
哈~我知我數學幾分啦!!都對得起自己啦!!呀麗呀朗同我..3個同分!!話唔係抄都唔信呀!!哈哈~

放學同貽去搞銀行..搞完去"E悲事"買褲..唉>"<..買唔成呀!!跟住諗住同貽去買野食..點知又見到佬如佢地!!
跟住我地就一齊去交埋我張水廢單囉!!跟住回家囉>"<...訓覺...諗下諗下..原來我冇帶中文功課...
跟住叫MANTRO幫我拎...佢話好!!頂佢呀!又昆我...佢拎上來我家比我..!!雖然我好感激佢咁做..
但係我唔仲意佢咁既做法!!囉~~佢拎完..我就訓覺囉..一訓訓到6點幾..真係正啦!!

起身之後就去圖書館借有關英文既書...我講過..一定要做到...我成日不斷咁提醒自己。
借完回家食飯....到而家....今日打左2篇日記...!!*我也要為自己不斷努力！！！


今日先比完人話我天真>"<...我都係因為相信你地先變得天真姐..(我寧願可以天真咁過我既人生)
唉...有D野..大個仔嫁啦~自己識諗啦!!唔洗我成日講既!!!
而家仲好..有咁多日時間唔係HK....有咁多日時間可以慢慢諗。!!!不過係假期...都要爭取進步..睇多D英文呀!!

原來有種感覺..我很喜歡!!!但往往當這種事來到自己的身旁時，我往往都不懂得如何處理，很煩惱似的，
會細想很多東西，但要經過長時間，才可想到答案出來！我也沒有別的辦法，就順其自然吧！！
一切一切相信有人會幫我安排！有煩惱的時侯，把所有東西交上給衪，就自然會給你一個很好的答覆！

2006 年 4 月 12 日  星期三  

唉..幾個星期冇上過線啦!!!就係為左個考試囉!!!
但係咁多日既辛苦日子終於過左去囉!!!...跟全落黎就係要工作既生涯啦~

曾經say過...話要努力學英文(主要)...要過好既日子...但係都唔知可以堅持有幾耐!!!
希望可以繼續咁堅持落去啦!!哈哈!!! _____________(多 謝 我 果 2 個 study 伙 伴...*)
假如果晚我say過既野..對你有幫助的話...我覺得果晚捱眼訓同你傾係值得既!!嘻>o<"
請你要記住我講過既野...我既說話就係咁多..做唔做到就要睇你自己造化啦!!始終可以救到你既人係你自己.....
我只不過係從旁幫你...哈~唔洗感激我嫁!!!話晒我都唔想見到你咁既樣*~

呢次除左數學鬼特別驚之外...其他都唔係話好怕既..數學真係,,.唉!!!我諗緊下次大考黠死比佢睇>"<
中文呢次都係凶多吉少嫁啦!!...出得好...咩...冇得背書既.q!!要用書d野..應用返出來..真係有點難度!
um...其他就唔係太難既!!!ok咁啦....就係前果排溫書溫得太夜.....搞到有d反效果(成日唔想食野..又想嘔!)。

哈~我琴日好開心呀...一考完數學就立刻可以出街仔啦(同舊同學食晚飯)!!
出去買黑色褲返工...我同呀皮去葵芳先...佬如同呀肥就去青衣銀行整野!!
嘩..同呀皮去新都會...嗯嗯...有d名牌野真係好令嫁...不過好貴>"<..我當時諗...um..我一定要比心機d讀書..
將來係呢度想買咩就買咩...唔洗得果睇字...!*

佬如佢地整完野後就黎葵芳搵我同皮...跟住就大家一齊行囉!!行左好耐下...都唔係好見有黑色褲..同埋都唔令..!>"<
最後都係冇人買到..但呀皮就買左對拖鞋...um..好令嫁都!...行到累..去左大家樂坐左陣..果陣時成2點幾...
係呢度買唔到褲...我就去mk啦~佬如佢地冇去...得我一個人去!!仲有呀寶佢地去左果度唱k..
咁我就自己一個人行啦!!行行下比人拍背隻...同我講咩影相...我想走...但係又見佢苦苦哀求..所以冇走到...
係咁熱既天氣下..竟然拉我係馬路邊傾計...!唉..算..毫比佢..同佢傾左陣..比埋電話就閃走mk行街囉!!

去左mk...呢次都係第一次自己一個人行街嫁炸!!去左聯合...冇咩人..因為果度細..所以行左陣就行完囉!!
再去旺中....好鬼多人=.="d野好似唔洗錢咁...我都冇咩買到野...靜係買左件3炸~有好多野我都想買,.,
但係又驚買左唔仲意...所以睇 中左d野最中都冇買到嫁...行完旺中..就冇所事事咁行果條唔知咩街..
打左好多次電話比呀寶...佢又未唱完k....再自己一個人行多陣....呀寶就唱完..跟住我就會合佢....

跟住又未夠7點..所以又同寶行多陣3..個舊fd又打來...話佢而家係新之城..跟住我同寶..就會合佢!!
我見累..呀偉就帶我地落機鋪(係第一次)..寶同偉係度玩"炸"車...我係汁邊睇...玩完一鋪..就夠鐘去太子等人囉!!

去到太子..見到好多舊同學..個樣同上次好似冇咩變...等齊人...就閃人去食自助餐,..入到間店,,,
見到貞姐同梁小姐同陳生..不過冇咩野講..可能都太生疏啦.都成2年幾冇見啦!!!坐低左..班死人舊同學係咁係度講笑....又玩野啵!!
真係頂佢地唔順...跟住叫野食....係度爭野食...班友呀..係度玩野...
成班人有講有笑咁....好開心!不過大家既感情都好似冇咩變到咁...仲係好好玩..志偉黎到..嘩!令仔左好多..
8點幾.鐘sir黎到啦~佢係我係舊校最仲意既佬師..佢黎到..話差d唔認得我同寶....嘻~咁多年冇見,,當然係咁...

食呀食...玩呀玩...咁就9點幾啦!比錢散會....跟住貞姐佢地走先..,我地同鐘sir行下咁..去左朗豪坊...真係靜係係度行..
條電梯鬼咁長..真係嚇都嚇死人啦!!腳仔軟呀...去到覺得太無聊...就搵地方飲野...(同呀sir傾左好多計呀)

搵到間糖水店~坐低叫野食...岩岩食完又食...哈..又再一次吹起水上來啦~果陣成11點囉...食食下~
又講下下次去邊度玩...呀sir考完試就出黎唱夜k...好呀好呀!!嘻!佢地又講去camp...(冇我女仔份!!)

坐坐下...夜啦!!以為mtr12點關..原來唔係....係12點9個字關..等我同呀寶咁趕....呀sir靜係請我同呀寶野食糖水.
我地閃人....搭mtr去東涌...由於我想嘔既關係...我叫呀寶唔好坐38回家..行路回家...
嘩..返到家真係累到死咁樣呀!!!嗚嗚嗚>"<冇洗白白就去左訓~果陣成12點半啦!!

哈~見返一班舊同學..個感覺有d正....最衰要咁早回家呀..如果唔係玩夜d仲開心呀...
下次真係要多d出來相聚呀!!!多d聯絡..不過個個都好似好忙咁...唔知點解...雖然好似冇聯絡好耐,...
但係仲可以咁好傾...覺得真係有點....um..唔知點形容好囉~總之覺得琴日真係好開心好開心啦!!!

2006 年 3 月 20 日  星期一  

呢排懶左好多...冇寫好多日既日記....我都唔想嫁...因為咁多功課要做..又要溫書!!!
真係忙到爆啦!!!日日放學返屋企都覺得好累好累...又走去訓覺...點解會咁累嫁呢??!!我都唔知呀!!!

由於本人要溫書既關係..可能遲d都會好少寫日記同上線""*(直到考完試為止)

呢排...哈~又同佢既關係好左好多囉!!!上星期5同佬如傾電話..由11點幾傾到2點半...真係好多野傾..
係跨越時空咁傾...講下小學/中學咁啦!!嘩嘩..真係好開心...雖然果陣時真係look大隻眼黎傾(眼訓)...
不過果次都係近排傾得最耐果次...我成日都唔得閒>"<..所以好少時間搵人傾電話...哈~考完試再傾過啦!

今日上早班主任時間果陣...好樣衰呀>"<...死人mantro佢同我賭comfortable既讀音點讀..點知佢輸左...
我要佢係全班面前同我認錯..佢真係有咁做....d人又起哄囉!~mantro;[對唔住..陳桂芝。]...d 人就痴晒線咁樣=.="

搞完一堂上音樂...我地唔洗6囉(上次6完)..睇人6影...呀mark真係笑死人呀!!好鬼kai又唔識打鼓啵~
呀朗又係..又唔識打...蠢呀>"<...跟住上數學...唉..一提數學..真係好想死...次次都係數學累事..
搞到我d成績拉低晒...勁慘..今次教果d野..真係難到乜咁呀,.,.之前都未試過咁得難既...你叫我點算好呀???
就算我日日溫...我怕我考試果陣都未必考得好呀!!因為真係好難...我真係好怕唔合格..我真係會好大聲咁喊嫁!!到時就樣衰囉!!

小息果陣...同鄧喬殷嘈...真係太過分啦!!竟然罵我..本來我地個音樂劇夠人...加唔到殷入來..我都煩緊點算..
跟住呀邦話佢走..換殷入來...跟住我同殷講..你來我地組..咩都話扮嫁..就算扮女人都要嫁....!!跟住佢就話on9...
哎呀...你而家係咩意思呀..(我心諗)..跟住佢話:[我地冇諗住入呀!]又係呀邦話佢同佢換既....我就大發雷霆..
同佢嘈起上來...跟住嘈得太激...我就冇啦啦喊啦>"<(都冇乜流到淚水)...我都唔知點解我咁大反應嫁...
一諗起今朝就覺得kai啦..佬羅講得岩..我真係好kai 呀>"<!!!

嘈完上科學...繼續教書...um...今堂尚好!!!落堂食飯....去完廁所..跟住有人打架..哎呀!!真奇怪..係f3地球打人..過唔過分d呀?
呀死人呀皮整爛左我個飯袋...又屈人地呀肥整啵...不過見呀肥咁單純既樣..就知唔係佢整嫁啦!!
食完返去做中文家課..打鐘上英文....即堂要我地作文作開頭...`搵幾個人出黎寫...好采冇份姐...
mantro又話我抄佢啵!!我鬼有抄佢...佢抄我就差唔多...係我講先嫁嗎!!!你...都幾無賴下嫁啵!!
最後幾分鐘又抽人出黎讀ers..真係驚死我啦..雖然我有準備..但係都係準備不足..加上真係好驚好驚...
讀完次後...真係比miss楊話到一面屁呀!!!...都話左...朗讀..我唔掂嫁啦!!!!唉,.,.......一場空呀!!!
佢又話要高低音...咩要有停頓..大佬呀...我都想讀得好d嫁...不過真係好驚..腦裡一片空白ooO0

中文堂...關SIR都幾"分LEE"下..嘻~人地做左功課佢又唔收啵,...真係好鬼多此一舉嫁!!!上完呢堂...乜精神都冇晒,,人又累..
放學仲要去補數...不過為左考好D數學..辛苦D都唔怕啦!!只要我識,...我真係會好開心...成功感好大...我唔求高分..|
但求今次60分以上,,因為我覺得真係會好難..(哈..記得同MISS LEE既承諾呀)!!!
做做下數..死人呀朗同寶係度玩野...講D喊濕野....真係唔要得呀~死人張逸朗...太離譜啦,...叫你學數..你又玩>"<
跟住呀朗仲KAI ..MISS拎左個小白板過來...佢又係塊白板上書個公事包..搞到個白板好鬼似公事包...真係頂你唔順。
溫到5點左右..就走人...我地"後MOON"回家..行行下見到隻9...好Q..係咁同佢玩....哈~玩完就上路...
一路行就覺得好唔掂..周身好似冇晒力咁..好累..又眼花咁....都唔知點解咁既...之前都未試過咁...急急腳回家..寶請我食雞脾!
返到家...即刻訓覺...跟住起身食飯~呢排個脾氣比較暴躁d..可能考試近..d數又唔識.......搞成咁~..~

um..係時侯要好好休息下..跟住又再溫過書啦..我而家最怕既係數學..跟住就係科學...唉>m<真係煩死人啦!!嗚嗚嗚~