2006 年 8 月 31 日  星期四  

哈哈...大家覺唔覺得"離別的一刻"呢個題目好熟呢?!!我記得我地中文作文作過呢個題目...
不過今日呢個題目都好岩我地~因為今日呀坦上機囉~
琴日玩左一日....仲好夜訓...今朝就6點10分..就起身...呀坦就打來啦!!
好似驚死我唔起身咁...哈...我唔會嫁!!就算病..就算唔舒服..點都好...我一定會來嫁!!


今朝洗完面..刷完牙~就一直係咁打電話...打左比好多人,...叫佢地起身。
我換好3...食完野..就落街...死火...叫佢地唔好遲...我自己竟然係最遲果個落樓..要佢地等左我..樣衰囉>"<
去到車站..見到d人到齊上車...7點上車....去到...我地唔知邊度等...跟住又見到班機去上海既..取消左啵!!仲要係9點半..
原來唔係呀坦班機...睇錯左上機時間...哈!!我地仲早過佢到..等左陣...坦成家就到左..同埋呀邦!!!
係我眼中...呀坦既一家人係好幸福...仲要個個都信主既~咁樣既家庭真係難得...我相信佢爸媽一定好愛佢..好錫佢..
我好羨慕呀!!!無論返教會...咩時間..我都見到呀坦成日同佢家人一齊...難得真難得...!!!

之後見到呀坦...就不停咁講野..d人...又吹水..講笑...之後影左好多相...有d仲kaikai地...
個個人拎我件3著...好好著咩..死野...個個貪玩...哈哈...我地仲扮果個牌中既姐姐扮poss添!!真係kai爆囉~
好快好快...就過左一個鐘....都影左好多好多相仔....嘉勝係果度比左幾題數學題比坦做...好低b呀    !!
嗯嗯..時間過得真快....又係時侯講拜拜....佢真係上機啦..係閂口...個個都好似好唔捨得咁...
不過今次佢都係笑住走...我地都係笑住送機....我都冇喊到.."估唔到......我今日冇樣衰到呀!!!~
佢走果陣...我仲送左樣野比佢...同埋比左張走左味既"沒里花香"既紙巾比佢....
真係要走啦!!慢慢咁見佢背影消失係我地眼前....喫..人影唔見左啦!!!同佢爸媽say 8後..我地就走囉!!
d男仔去富東食野...逸東果d女仔就返左家....一返到家..我就訓覺...真係超好訓.....1點幾我就起左身啦!!
起身果陣仲周身痛...嘩..真拎命呀~...之後食野...媽煮左粥....我叫華華來我家做功課...
幸好今日既x痛...唔係痛左好耐.....又唔屬於超痛....如果唔係真係...會瓜人啦!!!做女仔就辛苦。

起左身...等華華來...一齊做...佢來左...我地就開始做..我地係度講點學英文...我就拎我d生字簿比佢睇...
叫佢可以學下d有特別意思..又容易記既英文字...例如:workmanship、eggplant、simple-minded...呢d生字..咁啦!!
布希望我講呢d生字..同埋解釋下點學生字...呢d野..對佢有幫助啦!!

做左陣...我地吹水多過做...所以到左5點半就冇做啦!!!落左文具店買野...跟住上返樓..一齊睇" my girls"正呀...
好好睇呀...睇到我喊咁口呀...真係好睇呀!!!好正呀..睇完落佬如度..拎野...吹左陣水/
之後返家食飯...就係咁啦!!!今晚要努力咁做英文啦!!卡卡~

我記得呀坦琴日唱左首歌比我聽...叫做"愛得太遲"...佢仲要好深情..個樣衰衰咁係我面前唱...望住我>"<
死野呀...想暗示d咩姐...或者呢首歌對我黎講...真係冇咩意思呢?!.....不過從琴日開始..我就好仲意呢隻歌仔啦!!
仲有我地一齊去bbq果日...唔知佢同我講d咩野...我之後回應左佢一句...就係...如果你係好的話...自然有人會識得欣賞你..
自然會有人仲意你....我地冇必要要咁急搵人生既另一半....呢d野係要慢慢咁等待....先會係最好既!!!
唔係話一步就開始...你睇下而家有咩人..唔係多幾個月就散呀.....我一d都唔在乎呢d野!!
我只抱住一個信念.......你是好的話...自然會有人懂得欣賞。


今日送隻歌比大家......超好聽呀!!

2006 年 8 月 31 日  星期四  

今日係最後一日同呀坦去街啦!!再下一次..就要等到下年暑假啦!!


今日同佬如返左學校check野...明明我係check頭髮...又同我全身check...真係煩...最過分既係....
連最內件底3都要check....頂...有白色背心咪得囉...仲要check埋入面...係咪傻嫁!!
我真係覺得咁樣過份左d囉...9月1日又比佢check..仲有...學校既新制度裡面...我覺得...果個8點前要打回校..
如果唔係當逃學...都有d過分..仲要係樓梯同班房都唔食得野..都過分下>"<...雖然我係好agree間學校改制...
不過有d真係過分左d囉~我覺得!!已經有好多人不滿!!!其他制度都ok...以上果幾條真係過分左d啦!!

之後check完...同佬如一齊去全灣買書~都係買左2本炸...頂!!!之後去整鞋...同埋幫妹睇鞋...
1點左右..我送佬如去搭車...跟住自己一個人就去荃灣愉景新城幫寶買鞋呀!!!
9個字之後...我就係地鐵站等呀坦同呀貽...等左陣..佢地來左!!!我地3個就去左飲tea啦!!((貽出得來..真係好!!))
我地都係岩岩先決定去飲tea...之前冇約定~呀琪仲買緊書..唔得閒來住!!*

我地去到茶樓~叫野食...3個係度吹水...真係好好笑...!!死呀坦囉!!!
果刻..我覺得大家既感情真係好似好好咁..3個fd出來飲tea~真係好享受果刻...
之後mantro黎左....等左成半個鐘...d野都凍凍地啦!!好kai呀...電視又點岩播"愛得太遲"....
死人坦~分明有心唱嫁啦!!仲要當住我面前唱...!你唔好以為咁樣可以打動到我...哈哈!
之後見到力so...殷...同揮揮~佢地黎茶樓搵我地啵!!不過之後佢地話食飽走左...有咩事再電話傾~

哈~好平姐!!!果陣都唔餓...食左少少啦!!自在去坐下!!!之後就去打保齡球啦!!要等啵~
呀皮來左..我同貽去接佢/..哈~一路上貽講d好搞笑既野比我聽...真係kai呀!!!
見到皮..就帶佢去~去到...岩岩好開始打...穿好晒鞋....準備好~開波...嗯..開頭麻麻~
貽細力都可以look到啦!!我有2球全中呀...野野~好野呀!!!我地隔離果d全部都係高手~
真係慚愧呀~又唔識打!!不過我算係咁嫁啦!!冇跌倒..同受傷。哈~打左一局...之後去美國x險樂園玩...
買左100蚊..有100個銀仔~好kai呀...有d小型保齡球仔...我..mantro..琪..坦4個一人一部機..係度玩~
真係好kai呀..d保齡球~!!之後玩左好多好多野..玩打蟹仔..跑馬仔..同埋投籃~好多好多...
不過時間好似好快就過左~玩左陣就玩晒啦~之後回家囉~...

真係.勁趕勁趕勁趕勁趕勁趕勁趕勁趕勁趕勁趕...佢地3個返東涌...我去mk~
呀琪同呀坦搭e31...我同mantro搭地鐵!!真係慘...仲要跑添~我隻腳好痛囉~不過mantro趕時間..冇計啦!!
之後入左車相裡面...我坐..佢站...之後好多人~都見唔到佢既背影囉~~之後到左荔景...就say聲8走人囉..
我仲要繼續一個人行mk..買禮物同買書~真係好白痴呀...一個人行。我著呀琪對鞋...好多人望住我>"<
好似仲有3條友講我添..(好似姐)...咦..樣衰爆啦!!我仲要穿住校服著高同鞋.....咦!>"<冇眼see~

行左2個鐘...終於買完晒我要買d野啦!!!係book shop果陣先樣衷...又唔知買paper幾..又冇書單,.,.
唉..電話又冇電..真係好無奈...好無助!!!係呢一刻...我先知道..如果身邊有個人的話..你話係一件幾好既事呢?!
我又驚啵!!!唉>"<最衰死人電話啦!激死我...不過好采最後...,電話用左佢最後一口氣..打到個電話比佬如..
叫佢幫我睇下有咩書未買~唉~~~搵到~~買左!!買完..立即搭車回家~

勁無聊..一個人...一 路上冇講過野..除左同人話要買野果陣....唉~一個人既感覺真係好難受呀。!!!!!
返到東涌..好開心~我又趕返家...雖然我家人一句都冇話我..媽仲問我食唔食菜..整比我食!!我媽真捧呀。
成個晚上都好忙...打電話呀!!煩下呢樣果樣咁...仲有功課未做..就係英文..做左一半啦!!仲有一半聽日再做...

聽日7點就出門送機啦!!~唉!!!我可唔可以唔好咁樣衰呀..聽日>o<"
我真係幾重視呀坦呢個fd嫁..其實好多人都重視。!!不過佢只可以一年見個令月咁...真係好少呀~
所以真係有d可惜嫁...不過係呢個暑假,.,.,.我地都一齊過左好多好開心既日子...成日出來玩~
yeah~可以隨時隨刻都係咁樣就好啦!!!係嗎???唉!!!都唔知可以講d乜好囉!!!只可以講..大家都好珍惜大家之間既感惰吧!!

走也要走得開心...願你帶著回億去!

2006 年 8 月 29 日  星期二  

今日9點幾起身...呢排成日早起...夜晚又訓唔著..(我中5冇訓都訓唔著)呀!!!究竟個腦諗緊d咩野呀?!
或者有時我真係諗多左啦!!!唉..總之煩啦!!!做左陣功課...就做"my girl至愛大話精"啦..好好睇嫁!!
所以日日追嫁....唉...果對男女主角...明明仲意對方..又唔認..."唔通真係痛都忍住話唔痛"?!!
仲意都忍住話唔仲意?!!哈哈~或者有d人就係仲意咁既呢?!!!!哈..唔知呢?!



睇完...執下野..12點半就有班女仔係下樓等啦...我地一齊去買野..首先去左wellcom.跟住咁岩...見到東東呀媽..
佢帶我地去街市買d肉.....買野好鬼平..真係平到你唔信呀!!哈哈~250蚊炸..有好多丸..5種肉...3包炭..3支蜜糖..
哈哈..真開心呀....跟住買番薯..買完就去會合人....哈!!齊晒...好野.."向長沙出發....不過有d唔順利..
貽.坦..佢地上左車...架車滿人..我地等下班.....等左差唔多一個鐘...可以等埋呀邦...嘩...真係勁q耐呀!!
其他人上左車...靜係得我..琪..朗3個等邦...

哈~見到邦同架車來啦!!又係滿...又要企...勁累啵!!唉>"<失敗...去到...換褲...洗野!!開爐..yeah!~
有d燒啦...好快就!!哈哈...次次bbq都唔肚餓嫁!!真係有....不過燒左陣...d人落去玩囉!!!
哈...而家d侯生仔真係呀...我仲係度燒....哈!!死呀坦..掛住係度睇女...仲要睇比堅尼果條女..>m<"
次次同佢出街都係咁..今次佢一定唔會放過同樣既機會啦!!睇多幾日//日後睇果d就係鬼女啦!!哈~咪比佢睇多幾眼囉!!

燒燒下..係度玩面粉..不過玩左幾個之後..d人失控啦!!全部亂黎...亂灑d面粉..死呀坦..我都冇嬴...整到我周身係..仲要入眼添!!
真係呀...跟住d人就互相殘殺啦!..激呀...!坦好似係傷得最重果個....跟住坦仲勁...拎cake黎玩...諗到整我地..
佢追住我好耐...幸好..我都冇比佢整到....哈!!!呢part好好玩呀!!!之後...d人就話落去玩水..打波..我都係打左陣..
(果陣時...鋒同..孖仔就走左囉!!咦...咁早就走>"<)
我就上返上面bbq啦!!!跟住其他d人就係沙灘上訓係度吹水...睇星星啦!!!我都係後期先去...嘩...原來咁樣訓係沙灘度係好正呀~
d星星好多...好令呀...好閃呀!!哈哈...當我望住個天既時侯...我諗左好多好多野....我望見飛機..
我話..我日後要坐住d飛機周圍去...我要享受...只要而家辛苦d..付出多d...唔玩咁多電腦!!咁就得嫁啦!!
新開期...會有個新既陳桂芝!!!我唔可以再咁懶..要再勤力d..相信好多人都會好似我咁諗...

見佢地咁耐冇上黎..寶同琪去搵佢地.....過左陣..貽同佢細佬又走左囉!!(貽sor呀!!冇同你一齊走!)
跟住d人上晒黎..係度吹水...睇呀坦講鬼故...嚇親呀寶...哈~又係度吹左陣水...同燒包...因為d野食燒晒..岩岩好夠食...
哈哈...咁先好,...唔洗浪費d野食....哈~我好開心下....跟住坐左一個鐘左右就去沖身囉!!(果陣9點幾差唔多10點啦)
寶同華佢地洗身好耐....我..呀琪..邦..坦..坐係樓梯睇住d浪...傾計...傾我地中5之後去邊度玩...去旅行..
我地話去台灣..哈~又plan定去幾日...一係5至7日囉!!好開心呀...一傾到呢個問題...我真係好奇待中5後既旅行呀!!
我點都一定要去一次...我要搭一次飛機呀!!!仲要同成班fd去...有男有女咁...一定好好玩姐!!!
大家要比心機考好d..一齊去台灣..(唔係靜係得我地4個既..我地傾姐..可以有好多人加入既)!!
yeah~我要朝住呢個方向去..做好d先對得住自己啦!!

等佢地2個洗完身出黎...我地就走囉!!之後見到a35車...呀坦問去邊..佢話消防局..我話唔好上..
之後比人罵呀...原來我地可以係逸東落...只係東提d人消防局落....(我以為我地都係消防局呀)...
比人係咁罵罵罵....之後...冇幾耐...真係冇幾耐嫁!!10-15分鐘左右...就有架11號囉!!
平左4蚊嫁..佢地好應該多謝我啦!!仲話我..嗚嗚嗚~平4蚊...8個就有32蚊啦!!真係呀..唔識計數嫁..班友~
哈~不過有車搭就最好....呀琪同呀肥係車上打架呀..哈哈...呀琪幾好力...差D整到肥掉落黎...

哈哈..時間過得真快..好快就到逸東...落車果陣..呀坦GIVE ME FIVE...哈...呀坦咩意思呢Z?!!
返到家就11點啦!!!今日我玩得好開心呀!!!最後一次同呀坦BBQ啦!!嗚嗚!!
其實今日亦都係補祝貽生日嫁!!..生日過左都要快樂呀..貽!!

貽!補祝生日快樂!

2006 年 8 月 28 日  星期一  

今日早上去補習..係暑假最後一次補習啦!!下次就係...開學第3日啦!!即係下個星期2啦!!!
今日呀sir都好搞野....哈!!講到數量詞果陣先好笑....呀sir鞋係咩?!我話係一雙鞋...
跟住又問...玻璃窗窗係咩?我又話..係一扇......仲有一台電腦....哈!!d 人係度笑笑笑...呀sir仲話我文采好添呀!!
你話勁唔勁先??!!卡卡!(我大笑)!!!補完呢堂...遲左成20分鐘。

我同呀麗係咁趕mtr...果陣已經1點啦...勁趕....返到東涌..仲要去m記買野食...跟住發生左d唔開心既野..
跟住又趕返學校...一路食...一路返學校...不過仲未食完....呢到盧miss...佢比我地入教員室食野..
不過食左5分鐘....又要入禮堂...我個包同暑條都未食呀>"<頂....好采果陣食左好多暑條...如果唔係肚餓死..
係度聽聽聽...而家d校規好似真係好嚴下....我越坐越辛苦...好累!!!好想快d閃人~
呀蔡sir講到琴日果集"女王的教室"咁好睇...我都冇睇..真係一個遺憾...嗚嗚...
我靜係睇左"小龍女炸....不過我都睇到冇頭冇尾...大結局先黎睇.....
聽左佢地係禮堂講野...2個鐘...真係想立刻閃人.....跟全仲要落去check...話我頭髮金..30號又返黎...
不過學校改左咁多....相信對我地都好大幫助既!!!既然學校都咁努力...我都要為學校..為自己...為家人..而奮鬥呀!!
仲有...我地今日坐前排...果個校長既眼神好兇...搞到我有d驚...唔敢正視住佢..一望住佢雙咁有神既眼睛..
就有一樣好想幹掉我既感覺...真係有點兒怕佢...

check完...閃人!!拎埋d野食...跟住比校長見到我同呀麗係樓梯度食野...佢又話...下年唔可以咁...今日就算數!!
我都差d唔記得我地唔可以係樓梯食野添!!!

唉...真係麻煩死呀~又要返黎啵!!...所以以後...大家都再見唔到我把金色既頭髮啦!!真係可惜...
上左中4..個人都kai嫁啦...把頭髮都要kai埋...真係....唉..

真係要珍惜埋剩下來呢幾日...玩埋呢幾日...日後就唔會好似而家咁得閒嫁啦!!日日就要拎住本書!!真係唔敢想像...
佢話我地仲有一年半..一年半真係可以追到咁多科咩?!!到而家..都仲係一個迷?!我要努力..就係我而家成日提醒自己既野!!



仲有...聽日我地去bbq..有14個人呀...哈....一定好好玩姐...希望聽日唔好落雨啦!!!
同埋..."最緊要主角玩得開心"!!!....因為23號過得唔開心...聽日一定要玩得開心d呀...主角!!知嗎!!!



呀新:生日大快樂!

2006 年 8 月 27 日  星期日  

今日早上返左教會...真係好累...條頸好痛.....個shouder好痛..好眼訓...不過都返左!!
今日有...我...麗...華..寶4個返....返大禮堂...嘻..今日穿左dress...卡卡~(不過出現左樣好樣衰既野)
嘻嘻...自己知自己事就算啦!!!返到教會...去左mirebell..大約咁串...果度see鞋.....睇完就行左返逸東...
回到家...又訓左陣..不過唔係好眼得著囉!!跟住呀寶就就叫我起身食野啦!!
正呀...知唔知食咩呢?!!食雞翼同炸著仔...卡卡!!食完...又想訓...但係訓唔到....
所以又係度學下生字...學左d好特別既生字呀...卡卡..好有滿足咁....

嗯...今日就係做左呢d野啦!!!想做功課...不過我都盡晒力去做我識做果d囉!!
晚上就好無聊咁睇左神雕結局囉....因為冇野做...就睇下...都幾好睇....
我後悔之前冇睇到呢個電視....因為真係幾好睇,..好似播左咁耐...我先睇過2集...

唔知點解好期待聽日返學添...心情好似有d緊張...好似好kai咁...
不過講真...真係有d嫁...哈哈!!!^o^"...

~*~*~*~*~*~*~*~**~*~*~*介紹首歌比大家聽下啦!~*~*~*~*~*~*~*~*~*~

歌手：S.H.E | 作曲：呂怡青/Tank 填詞：呂怡青/施人誠 | 編曲：洪敬堯 落淚以前　再看一眼　你模糊側臉 這會不會是最後紀念 我凝視你　而你凝視　窗外的陰天 一句抱歉都僵在嘴邊 ＊我搞不懂　我們到底怎麼了 　誠實的背後　是否住著傷口 　我想不透　我們的愛怎麼了 　雨下過以後　是否能讓什麼復活＊ 你的項鍊　還在胸前　晃動著昨天 為何回憶會讓人暈眩 如果我們　繼續向前　走進雨裡面 會不會有溶解的危險 REPEAT＊ 明明從前　連爭執都很甜美 現在怎會　說句話　就弄痛一遍 REPEAT＊