2006 年 12 月 30 日  星期六  

有一天，天父跟玫瑰說：〔來跟從我！〕
　　　　　　　玫瑰說：〔天父．現在我忙透了！功課壓力加上考試，還要拍拖呢！讓我畢業了才事奉你好嗎？〕
天父默言。





又一天，天父跟玫瑰說：〔來跟從我！〕
　　　　　　　玫瑰說：〔天分，我累得要死了！現在工作壓力很大，而事業剛有點成績，還要儲點錢結婚呢，
　　　　　　　　　　　　那有空作別的東西？待我事業穩定後才事奉你好嗎？〕
天父默言。





又一天，天父跟玫瑰說：〔來跟從我！〕
　　　　　　　玫瑰說：〔天父，你都看見這一對子女教我筋疲力竭，下班後還要做家務和跟他們溫功課，可想而知，
　　　　　　　　　　　　那裡還有時間？待我子女畢業後再事奉你好嗎？〕
天父默言。





又一天，天父跟玫瑰說：〔來跟從我！〕
　　　　　　　玫瑰說：〔天父，我己經是個老婆婆，還可以為你作什麼？〕


然後，玫瑰驀然醒覺，痛哭起來！

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

我相信很多人都會好似主角般用很多藉口跟自己說很忙．沒有時間等說話，而不去跟從主。最後便知道後悔一生。


　　　　　

2006 年 12 月 28 日  星期四  

琴日成日去左呀sir(舊校鐘sir)既婚禮....我地約左1點半係沙田火車站等...
去到果度..見到呀朱名呀鐘先...嗯...佢地既樣都冇咩大改變...好開心見到大家齊晒人...
嗯...我地大家都有好耐冇見囉...同黃捷好似有幾年冇見囉....哈..佢都冇咩變....不過我見到佢既時侯...唔記得叫咩名姐..
年隔太耐了..人的記憶有限...何況我...成日唔記得d野...對不起唷...忘記了!!!

之後去到沙田婚姻"注刷"署...原來去到果度真係去簽紙...呀sir  d小學生好多...我地都迫唔到入個堂度..
只係係出面等...原來唔洗行禮嫁?!鐘sir呢個婚禮唔同楊sir果個...有基督教既婚禮好得多了...
有一天...真係好希望鐘sir同佢老婆可以相信神..."當我知道唔係一個基督教既婚禮時..我就咁諗"...

我發覺我地去到既作用就係影相...影到差唔多4點幾就走人囉..同呀sir傾計既時間都冇咩..佢真係好忙..
嗯..佢老婆好令女呀...**細細粒粒、賢良淑德**...嘻嘻!!!
之後同呀sir道別...佢話比我地聽..今晚飲既地點係銅鑼灣....嘩..一聽到...就知係貴野..叫"皇室堡"..
之後我地傾下送d咩比呀sir...有人話錢...人有話禮物...但係呀sir又叫我地唔好比...所以大家就係度嘈囉...
傾左好耐...大多數都係吹水..講下自己既學校...學習上既野...嗯....大家都好投契...我仲知道呀鐘係一個基督徒添...
果陣好感謝神...世上又多一個信神既人...呀朱都係半信半疑...希望佢可以快d信主啦!!最後傾掂左比錢啦!!
就由沙田去銅鑼灣...轉左好多次mtr先去到...仲要勁多人啵!!!

去到銅鑼灣..一搵就搵到間野..上左去...仲約埋陳招其同埋梁麗珊...佢地都冇咩變...可惜既係大家既話講唔夠3句...

去到上面...嘩...好令呀條走廊..係果度係咁影影影...我仲同志偉影左相呀...好令仔呀佢..嘻...
以前都唔係好覺...面家越大越令仔!!
影完相...入左去打麻雀...見到校長..貞姐..郭小姐..梁小姐...呢d全部都係小學既人...諗返起以前同佢地咁老友...
校長仲日日送我地返學...而家見返..校長仲記得我...真係好開心...話晒佢都睇左我4年啦!!
4年並唔係一個短時間...6年之後..大家又係度仔仔一堂...果刻真係感慨時間過得好快好快...
眼前既人雖然冇咩變...但係大家都有各自既方向同理想...想再有個時間再聚守一堂真係好難..
下一次見面又唔知係幾時嫁啦!!!諗到呢度...又想返而家既自己..到中5畢業之後...大家又會變成點...
我真係好唔想同d朋友分開...不過始終都會有呢日既來臨..係點都避唔開既...."原來要珍惜要是學習的..

8點半...等到9點幾先開餐..第一道菜係燒豬...我地成班話咁快食晒...哈.猜輸左既呀朱同黃捷要kiss個豬頭..真係好笑啦!!
d菜上得好慢呀..等一道菜等成15分鐘都有啦!!>"<之後呀珊同志偉係度傾計..我聽到唔知邊個話:"你唔係真係諗住同佢成世下嗎?"
志偉話："我係嫁！”聽到呢句．．我都覺得好開心..雖然對像唔係我...但係佢可以對佢女友許下咁既承諾...
我替個女仔高興...悔上仲有呢d咁既年輕人...而家既年輕人個個都追究"只在乎曾經擁有"!!而佢係第2個比我知道佢唔係既人...
又令仔..又專一...又上進...呢d先"得"嫁嗎...之後我心裡微笑....之後志偉好早走..好似話返去見女友...
我都食到11點幾...佢地果幾個飲左酒..好采冇發顛姐...之後各自回家囉!!!

呢班fd真係同而家果d好唔同...我覺得有2個真係幾難相處既...佢地係果d又煙又粗口既人...有時真係唔知佢地想點..
佢地想型..但係我地呢班人又唔係佢玩開果d人...所以有d格格不入..佢地又唔讀書..又要成日咁樣..同非仔冇咩分別...
我好想幫佢地..但係又唔知點樣幫..唉...真係好無奈下囉!!!完左之後..各行向路..不過同黃捷算係同路啦...佢住長衣。

今日可以算係話同班fd係度聚舊啦!!!可見既係...大家真係變左..不過6年後既大家有時都會聚下..
一齊去玩...唱k...慶祝生日咁...已經係好好嫁啦!!各有各忙...真係好難有時間大家一齊聚下...
今日難得有呢個機會....時間雖短...但係義意就很大呢?!!!神又再次聽祈禱。

2006 年 12 月 26 日  星期二  

今日專登叫呀媽早點叫我起身做家課...嗯...都算早嫁啦...9點幾起左身...
之後食埋早餐...10點...諗住睇下有咩功課要做啦!!點知..一睇...唉...唔識做呀...真係好鬼煩呀..
要面對考試已經係煩嫁啦..仲有一大堆功課...唉........>"<
功課唔識做..咪溫下書囉....溫溫下同呀媽落街晒3同被....之後返黎食左醋酸蛋...嘩..我一話想食..呀媽立即煮比我食啦!!
真係開心呀...幾時都話...媽媽是最好的..嘻!!

之後呀麗起左...最尾黎左我家一齊做家課...開頭吹左吹吹水...呀麗講左佢24號果晚既經歷比我聽...
仲有果本書既內容...好似好正咁呀...講基督教嫁...最後一本都可以比佢拎到..呢d唔係神既安排..會係d咩野呢?

之後冇傾....就係咁做...面對前面既世史...真係一頭霧水...我地係咁打電話問人...一係未做..一係出左街..
唉..分明玩野..我咁有心做既時侯...竟然個個不在...幸好..最後搵到小易..佢教左我地做...
做做下..又傾去外國d野...我地2個都好想去外國...諗住讀唔到中5就出黎做下野..跟住草返幾年錢..
等有錢啦..就一齊去外國進修...又好似幾好咁啵...不過始終都未可以實行到...點都等左個會考成績出左再決定啦!!

做做下..又發覺好多問題出現...又搞到我地2個陷於困境...但係我話比自己聽..我今日一定要做晒世史功課...
由今朝3點開始做到6點幾...嘩...終於可以做完...都唔知呢份咩功課黎既...竟然晒左我咁多時間去做..
今晚又要做努力過...嗯......係時侯要做 下art d功課先啦!!!做有好多好多既功課未搞掂呀>"<...神呀!!!
我將重擔交給你..好叫你所有安排...!!!

2006 年 12 月 25 日  星期一  

時間好像有點不足夠...計劃了許多的工作...也做不了很多...是自己的懶惰還是時間真的不足呢?
唉...希望在星期2之前完成所有功課...我想還是沒有這個機會了...功課多得很..又不太懂如何做..>m<"我擔心極了!!
加上又快到考試了...不知如何去面對那一大堆的功課以及如何分配時間去溫書呢?唉...聖誕節3個妹妹都有活動..我卻在家做功課。
雖然今天是聖誕節..但是我還是這樣的過..像平時日子一樣..沒什麼大分別..
一清早..就聽到樓下的詩歌...相信他們是神派下來的天使...正在履行他們的使命...
我也想有一天能像仔們一樣..在眾人面對讚美主..細說主恩。

今個聖誕沒有這個機會...真是有點可惜...本以為今年平安夜有報佳音活動..但是不知為什麼教會不舉行這個活動..
聖誕節就是頌揚神的一個好時刻...算吧!!!我在心中仍記得主恩的存在便足夠了!!

原來grammer是花那麼多時間去做的..我做了3小時也未完成所有unit呀?!!!一天只做了一樣功課...
你叫我如何去做才好...都是明天早點起床..完成起碼2樣功課才可了!!!
晚上我還是不願意地做著功課...一路做..一路幻想我心中的理想聖誕節....不過這似乎跟我想像的差很遠..嘻!!!
講了一整天...嗨...還是去做功課了!!!!!!!!


聖和有福了..在12月25號生日....順便在此祝他生日快樂....主恩常在。

2006 年 12 月 24 日  星期日  

今日除左返教會之外...邊度都冇去囉..!!!平安夜都係咁樣過..好似平時咁...冇乜特別...
今日返去聽道...好留心咁聽林傳道講野...講題係..."如果有人願意"...
我諗...如果有人真係肯願意打開心門...讓神可以進入佢既心裡面...我相信果個人一定會有所改變...*
當我每次要做決定同埋有難題既時侯...我會交比神去處理...好似每次都會得到一個好既答案..
有時得唔到一個好既答案..我會相信呢個係神既安排..佢要比我經起考驗..比我從考驗中學習..變得成熟。

返完教會..跟住拎埋D相...嘩...係我中4既第一本相簿呀...哈哈..真係好開心...
相片係一個好好既回憶寶庫..每次望返D相既時侯..我都會微微笑...一切都是由心發出..
D相影得好令呀...每個人面上既笑容都好燦爛..好甜美...就是這樣的樣子...令我百看不厭...
果刻...好感謝神比我有呢班朋友...無論男女...都起經過神既挑選..個個都係精兵..
係我既精神支柱...所以我好重視佢地每一個人。

數數下..原來神既恩典真係好多...好多...我不時都會好擔心自既既前途...不過我一直憑住一個信念。
我相信神佢一定會把最好的給我....只要我堅定對神的信心..最好的必定降臨到我身上。




剛剛看完"一公升的眼淚"..就快到結局了...每次追看這套劇...總有一個很大的推動力..
每次看...在其中我會不斷思考許多許多東西...既然我們還是健康的...很多東西只要我們盡力做...
我們必定可以做到..雖然現在的呀也什麼都不能做到...連說話..上廁所...行動也有困難...
她唯一可以做的就是用說話去勉勵別人..叫人面對困難時..也要堅強地面對...
我不知道假如自己患了這個病...或是什麼絕症...我還可以做點什麼呢?
很感謝神就是我現在還可以健康地生長.....但一想到身邊的麥碧艷老師患了血癌...
自己卻不能幫到點什麼...連去探望她的機會也沒有..真是有點無奈...曾經這位老師也是和我們一起成長的人..
如今卻患了這種病...究竟為什麼上帝要挑選這位盡心去教導學生的老帥患上血癌?我真的不知道..不明白
我只能做到的只有祈禱..求神賜她有力量去面對..亦讓她知道有一個一直守候著..這是神。
好叫她在孤單的時侯...有人可以一直作依靠...我不是病患者..他們的心情我不能一一了解到..但是我知道..
他們的生命有限..他們每天承受很大的痛苦、恐懼和壓力..
他們每天都要擔心著前路如何去走...原來未來給予他們的東西..只有虛構的夢想。
|
願主祝福這些患病的人...讓他們平安地..快樂地過06年的平安夜  以及   以後的平安夜。




這一個平安夜真的很平安...這是神的祝福。我平靜地過了這個2006年的平安夜。