2006 年 12 月 15 日  星期五  

呢2日幾6運會真係激到爆呀....我都好開心...雖然我地班係冇咩人比賽..又冇咩獎...
我可愛既4望班...佢地個個都好可愛...我會以你地為傲...

琴日中4既女子4乘400接力...我一個係中3區當值...我見到第2棒既呀寶追到隔雜班...我果刻真係估唔到呀寶咁勁...
我真係太激動喊左出來...中3果d人見到我咁...都拎紙巾比我...嗚嗚嗚...我實在太開心啦~
雖然係第2...但係我知400米真係唔容易..仲要呀寶同呀珍跑到唔舒服...靜係呢個精神已經好值得加許啦!!!
我返到4望班...見返頭先比賽d人....果4個女仔...又喊多次...我覺得佢地真係好盡力..好為班....我喊係因為我好開心..

果陣鐘玲望住我...仲有好多同班既人望住我...叫我唔好喊...但係佢地越叫..我越想喊...
佢地個個都好關心我.呢一刻我係深深咁感受到...加上我覺得我地要跑果幾個女仔佢地真係拚了老命...
雖然我冇跑...但係我都開心到好似我地拎第一咁....

之後鐘玲問我...我地班係咪一個第一都冇...我話係..又問我係咪好想拎個第一...我話係...跟住佢話幫我地...
我真係估唔到呢句話從佢口中講出....佢之前死都唔參加...連嘉娜都話唔參加...但係佢地2個一見到我喊...
佢地就跑....而我喊既原因...唔係想嘉娜同鐘玲跑...係真係替4乘400果幾個女仔嬴左第2而開心...
但係我諗鐘玲知道我真係好重視4望班...而佢都想為4望出一分力...所以佢跑...
佢話我知佢跑果刻我更加想喊...之後我將呢個好消息話比後面排既同學聽...我一路喊一路笑住咁講...
果陣既已經分唔清笑緊定喊緊...劉展佢地仲笑我.....哈....原來我既淚係可以打動呢d人既...那我的淚不是白費了!!!



哈..第2日6運會又開始啦!!!我等左成晚..就係等今日既4乘100...真係超開心...我知我地班一定嬴...所以我真係好係好開心...
第一面4望既金牌終於面世啦...我真係好驚我會連累左成隊...我好驚我跑得好差...
不過點都好...為左4望班..我點都要跑得好d...我見到嘉娜第一棒真係好快..第2棒已經拋離左好多...
到我第3棒...見到娥姐比棒我....我咩都唔諗...靜係專心跑...我知我要交棒比我前面既鐘玲...而鍾玲就係我既希望...
我唔可以令到4望班輸...哈!!我要勇往直前咁跑..終於我地都嬴左...返到去4望個位...d人都歡呼...佢地都話我跑得快...
我諗都係嘉娜同娥姐跑得咁快我先可以跑得到姐....其實我真係唔係好勁....如果勁的話我就參加跑步啦....
點知有人話我知..我地比人"浮"左..果陣我真係超興..我好驚我地真係輸..不過好似係流料姐...真係客鬼死我呀..好采...果個人真係shortshort地..話我地跑出接棒區..哼哼!!!

我知係呢一刻...我地4望既同學真係好開心...佢地既歡笑真係令到我感到佢地係好愛呢班既...
我過左個難忘既6運會呀!!!!!!!!!!!多謝嘉娜...娥姐...呀麗...鐘玲...呀寶....呀珍...仲有其他4望既同學!!!。
不過我就失了聲...年年都係咁....講野勁辛苦...嘻..少d講野先~哎呀...好累呀...今晚要訓一覺好的。


我愛4望班的每一個人。

2006 年 12 月 13 日  星期三  

琴晚整6運會d佈置整到12點..之後睇左一次政公書..(一路睇一路黑眼訓)!!!
到今朝拎住d板唔比上車...搞到要行路返學(果陣已經7點50分)..我地為左唔想放3呢個牌就拎住佢...
孖仔..麗.殷佢地都好好..好幫得手..我地5個一齊拎板返學...勁趕...行到背隻濕晒...
之後拿拿琳琳去返G02室集隊...領袖生既就職典禮。勁累...企係台前...又多人望住晒>"<

之後上課室...又比MISS鄧...其實我真係好唔LIKE佢對我咁講野..又係度話我地D野整得咁趕...
搞到唔多時間..佢就咩都唔理唔搞....咩都係D學生做晒..諗晒!!!呢D就係所謂既班主任?愛學生?我呸...!!
諗返起上年MISS LEE對我地幾好...又上黎睇我地做壁報..又請我地食野...起碼我地做既過程當中....老師可以陪住D學生一齊做..
呢D就叫"關心"。咁先得嫁嗎?!!而家果個MISS 鄧..真係.....唉>"<...差到呀..
唔單止係6運會報置..連上次壁報佢又發老皮...搞晒架子咁...佢個樣真係黑過非洲黑人呀...

MISS鄧上次話我...同呀琪...都唔似一個基督徒...我明我地做錯既係咩...但係我地嘗試有改過..
而你有冇諗下你自己...你點解可以咁樣對學生發脾氣嫁?你咪一樣係令神蒙羞...我講得有錯嗎?
你唔係3歲細路仔呀...有咩可以發脾氣呀..你係大人黎嫁...我真係唔明呀...點解MISS會咁?!!!

英文堂MISS 冇返....有好多人幫手整果2塊板呀...還好..呢班都好團結..佢地個個都好幫得手呀..
每次係整壁報..整BANNER都會同呀朗嘈...可能我係比較認真...有時佢地又玩玩下...
我地時間真係唔係好夠...所以一定要快快快...或者你地好唔仲意我咁話你地/罵你地
但係希望你地識諗....點都好..希望我地每次係設計當中係學習...而唔係要吵架...亦都唔希望咁樣會損害到大家既友誼..

放學我地又整野...不過好都執下手尾咁...同埋封箱。..YEAH,,忙左咁多日...今日終於搞完晒;..比D掌聲大家先!!!
我希望大家既付出係冇白費既!!!不過我地幾個運動員隻腳傷左...唉...都唔知點算...我隻腳都而家都係痛..
我好怕我地出唔到賽...假如有個人肯出賽...我地就唔明咁擔心...一個人要令到咁多人去擔心...呢個人其實係咪有D過分呢?
我今日專登係果個人面前講...我地有3個都傷左..但係佢都係無動於衷...真係好失望失望...人地傷左..而家叫你上..
一個咁簡單既要求就成全大家...唔洗傷既人跑得咁辛苦....我真係好唔奮氣呀....點解點解????

聽日天氣又凍啦!!聽日都好凍下...記得帶多幾件3去...加油呀各位...盡力啦!!!我地4望班自己盡全力就是對班的貢獻...
今晚要早點訓...我真係好累...今日上堂真係眼訓到呢....!!不得了...打完呢篇日記...執埋聽日要用D野..就訓啦!!
加油!盡力!可愛的4望班!!!

2006 年 12 月 13 日  星期三  

由星期6開始就一直搞6運會d佈置...搞到今日12月12日都未搞完...
我地今日放學整..整到7點幾先走人...我大脾又鬼死咁痛...點出賽呀?!!?
係星期5之前都唔知會唔會好返?我地每一個...呀麗...孖仔..殷..真係付出左好多好多時間去整佈置...
好似今日咁...我地冇左溫書時間..放學回家食完飯,,,又繼續再整...整到12點...係呀麗home回到家..
都己經好累...好辛苦...仲未溫習添..幾日都係咁..我就快頂唔順...

我諗深一層..究竟我地為左d咩呢?為班付出..為拎獎?...為自己?..
既然我地幾個都唔計較咁為班付出...我真係好唔明一樣野...點解有d人唔肯跑一轉呢?
天父賜一對咁快既雙腿..點解你唔珍惜..?你覺唔覺得你咁樣好自私呀?為班跑十幾秒都唔得?
只係短短十秒鐘炸啵...相比起我地既佈置...你跑果幾秒鐘算得係d咩?..我地用時間..用心機..用精神咁去佈置..
而你...你話你自己做緊d咩??..我真係好激氣嫁...明明女子接力一定win梗...點解我地唔去爭取呢?

我真係好唔明...亦都好激氣...我唔知我嬲果個同學好定係當冇事好?
我唔想對呢個人產生厭惡感...神...我點樣先可以打動佢..叫到佢參加呢?

我地將我地既6運會交係主你既手上...希望你會有合適既安排。

2006 年 12 月 9 日  星期六  

今日我地10點就開始去呀麗度...早上我地東東..媽去左m記食早餐...
係係...係我錯..點錯左你地去麗瑤呢間餐廳...我向"殷.孖仔" say sor。
哈...今日佢地連埋我同麗...諗住整班旗...點知就整唔成...整左baner...

雖然10點幾去到...不過買埋野..上到麗home都成2點囉..嘩...之前去D後"冷"執紙皮..仲有木板添!!
嘩...拎左咁多呢D野...真係好樣衰呀>"<....我地5個整整整...整到7點都未做....再整....整到8點幾..
孖仔要回定..;所以殷就同埋佢地一齊回家啦..靜低我同麗2個人整...整到10點呀寶就來幫手..仲帶埋飯比我...
到10點半我地先得閒食....呢板咁既Baner真係整死人呀...超慘呀>"<...


我想講樣野...大家都知我重視我d成績..好早就會溫定書...我真係好怕唔多time...
我都肯犧牲我既時間..難得某d人就唔可以犧牲某d野...令到大家開心嗎....
我做完野返黎..真係成身散晒..腰、頸勁痛....又眼訓又累...d功課仲一大堆..下星期仲有4個小測...真係唔知點算呀>"<
我知道大家今日都辛苦啦!!!你地肯犧牲你地既時間去為班上做野...神必蒙福....

今天我又生氣...同埋爆左句粗...當我出左口....我個心真係難過..我又再一次令到神蒙羞啦>"<
我知自己做錯d咩...我難過就係因為我既過犯...明明講左唔可以爆粗...同埋唔可以輕易發脾氣..但係今天..我又做唔到啦!!

在未來...我要承諾我要做得更好。我相信給予我們的時間是足夠的。

2006 年 12 月 9 日  星期六  

而家有左數碼相機....當然係有返個屬於自己既相簿好D啦..

其實一直都好想擁有屬於自己既相簿..只不過真係唔得閒去搞...有時忙都打日記時間都冇...遲d會少d打日記..
又邊會有時間搞相簿D野呀...不過相簿D野都係暫時整住先...遲D先整返令個板佢啦...
而家呢個頂住當先啦!!!考完試後我會再執一執佢...

今日返完工..好鬼累...返埋今日..到考完試先再返....我真係返一個月(4-5日)抖一個月...
唉...星期6又做班旗同場地設計等等....仲有一大炸功課同小測..你話點搞好.,,
遲d仲要考試添"...

哈~一諗到6運會就開心..2日放左學之後又可以同寶寶2個人行街(好耐冇試過)...我地一早約定啦!!要買定3準備2個婚禮。
同d同學仔又可以一齊打氣...相信果日氣氛相當好。
 
成個聖誕節冇得玩囉...成日要牛係屋企溫書...悶都悶死啦!!!不過冇計...算啦!!我忍。

我又輕易咁發怒啦...我試過按住自己..但係都係唔得...因為某人講d野/行為實在令人太激氣啦!!
我除左冇爆粗之外....靜係係度罵佢>"<..已經算好好....而家我已經控制得好好...唔比自己爆粗。
算c文左好多嫁啦....叫我好似kelly...yoyo..寶儀...翠霞果d咁斯文就真係冇咩可能...叫我唔爆粗都仲可以...
那那那...以後唔好話我粗魯..只可以話我冇佢地咁斯文姐...知無?!!???

我對某些人好...希望佢地感受得到..而唔好覺得我煩...我惡...我一切既出發點都係為你地好。
我唔單止對自己有要求....對我細細妹(我要佢地每日學3個生字...然後向我匯報)..之後仲限制佢地玩電腦。
逢星期2.4全人類唔準玩(功課除外)...要做完晒所有功課先可以玩電腦。
然而...有d人會覺得我咁限制我細妹好衰...但係我唔想佢好似我而家咁..學英文學得咁辛苦....我想佢地英文好d...可以考好d會考。

真係好累好眼訓....今日我都講既野係咁多...多謝各位收看...下次係同樣時間再見...晚安啦!!!