2006 年 12 月 23 日  星期六  

今日7點就起左身啦..起身之後梳洗..跟住自己煮野食...煮完先搭半..食呀食...著埋3...岩岩好8點..
去呀麗屋企..睇下佢搞邊科...嗯嗯...我地2個都著好晒3...嗯...試鞋勁麻煩..
好..8點半...約埋高佬一齊去婚禮果度...因為我地要做招待....嘩...我成7、8年都冇去過觀塘啦...

我地fly 的去觀塘沉信會...去到都係10點鬆d...嗯...開頭幫手掛bear..跟住冇咩野做...
到左11點...開始有d人黎...就要做返招待個位...同呀麗一齊比下pen人地簽同埋比場刊人...就係咁簡單既工作...
嘩..越來越多人啦..陸陸續續係咁有我地學校d人黎...見到好多我地識既人...好多好多...好多都係學生..
哈哈...有人讚我令呀..今日....卡卡卡..好開心添~...企左陣都覺得好累..

11點開始..冇咩人既時侯...我同呀麗就入場坐...坐左係執邊d位度...睇得麻麻清楚...
總係覺得婚禮係好神聖既一樣野...象徵住神對2個人同時愛神又愛對方既人...永永遠遠咁永不分開..
邊個都唔會放棄邊個...忠心專一咁去愛一個人...就好似神對我地每個人既愛咁..

當楊sir最尾分享果陣...講到喊左...佢好感謝佢既媽咪....嗚嗚,,,搞到我又喊埋一份...真係好感人呀!!!
嗯...好快好快地...個婚禮完左..我地係果度影相...
嘩..勁多人爭住要同呀敏影相呀...佢真係型爆呀...佢好襯套西裝...套西裝又好襯佢啵!!!}
我地都要排隊先可以同呀敏影相呀...成個明星咁樣...不過我影左2張我ok既...影埋相...聽日可以拎..>"<
之後又同盧校長..楊sir..miss lee .miss 楊影相...嘻嘻...在場既氣氛相當好...到左1點....oh~閃人囉..

我地行左出去地鐵站....之後搵shoes shop....跟住就去食野啦~嗯...係APM果層好多野食果層度食...
嗯...叫左個好似公仔面既面...都幾好味..之後靜返我..呀麗..貽3個行...呀琪佢地去換鞋...

行呀行...成個商場都冇咩行既...行到腳都冇呀我...到左3點幾...就同埋呀琪去APM地下果度影相...
哈哈...影D相真係幾KAI..像真度都幾高下..哈..我地扮D天使既姿態跟住影相...嗯嗯..幾好幾好..
之後去晒相..揀相....聽日就可以睇到囉...好想快D睇下D相添!!!..今日得來既只有一身疲勞...
仲有..好開心見證左楊SIR同佢另一半既既愛...佢地既婚禮...
係呢度衷心咁祝福佢地..."....****.......***...............*******.......*******............***....

嘻..原來今日冇cut到上網..,...嗯...可能聽日就會cut嫁啦...都唔知間公司搞咩既..
不過cut同唔cut都有佢地既好處既....凡事都有好與壞啦!!!

呢幾日每日都聽新買返黎既詩歌...真係越聽越有味道..越來越感到神既愛真係真真實實...
希望這不是一時的感覺...而是永永遠遠的....實實在在的。

2006 年 12 月 22 日  星期五  

呢篇maybe係最後一篇日記啦!!!因為我地中止左個合約...可能等考完試後先再"生"請返上網!!!。


今日係聖誕聯歡...開始係課室活動..
開頭玩果個GAME好好玩呀...哈哈...人人都好投入...咁先係真正既4望班呀嗎...
玩呀玩呀...真係好好玩..鐘玲好鬼KAI呀...嘩..D女仔駁大霧呀!!..一坐坐落D男仔度...哈哈哈!!
玩左陣就開餐食黎囉...開餐野黎左個pay..跟住就開餐囉..

班友呀...好似幾百年未食過野咁...係咁搶野食...嘩...一陣間..我同呀麗整d丸都食晒..有d人仲未食過添!!
跟住d西餅又靜返好多下...哈哈...文仔拎左d2大盆紅豆糕過黎比我地班呀....^^...多謝晒呀!!!
聖和拎左d沙拉比我食...多謝咁多位!!!..食呀食呀..d野食越來越少...差唔多食完...就抽下禮物...
嗚嗚...d大獎比人抽晒...唉>"<...我果份禮物先經典..仲要係我自己包嫁添...估下係咩?
係暖蛋呀...哈哈品..估唔到自己抽返自己包同揀既禮物....雖然冇大獎...但係果個氣氛好好...

我當時又諗...假如我抽到大獎...咁我原本抽到個暖蛋都係有其他人抽中...佢地見到呢份禮物都未必開心...
邊個抽中呢個暖蛋都會唔開心...咁我抽中..我又可以換另一個角度去睇...哈...我係度造就既一個開心既機會比人地!!
唔知大家明唔明我呢段野想表達d咩呢???
即係凡事可以換另一個角度去睇...咁自己咪可以開心之如..其他人都可以一齊分享呢份開心...嘻...係咪好岩先?

抽完落大禮堂崇拜..嘩...超正個氣氛..未試過有個聯歡可以咁開心...果4個女仔唱歌好好聽...果個份呀爸(車仔)...都好聽..
佢地d詩歌唔單止好聽...仲好touch到我既心...我聽聽下都好想喊....曾經我都係歌詞中講既野一樣...
但係果刻好似有個暖流係心中..好暖好暖....係開心之如...仲可以感到神既恩典降臨係每個人身上...
原來曾幾何時...我真係一個罪人....犯好多好多既錯...但我感到神一次又一次既原諒...
以前我唔會覺得講粗口...發亂皮氣係一個問題..但而家...我覺得呢d野係一個好大既問題..我不斷提醒唔可以咁做..唔可以犯罪。

嗯...真係要讚下呢次崇拜..真係搞得好好好好好呀!!!希望大家享受睇女仔之如..亦享受神對我地每個人既愛....
哈...個話劇都好鬼正呀...最緊要係大家都明白呢個聖誕既意義......

我仲好開心咁買左隻簽左同既cd呀...好開心呀...一返到家就立即聽...嗯嗯...正正正正正正呀!!!
今晚過冬..食左湯圓啦~哈...我又大一歲..又係時侯訂下一個新既目標啦...

聽日仲要去婚禮...嗯..都係早d訓...有熊貓眼就嚇親人嫁啦!!嘻~
最後希望大家可以係有困難..有唔開心既時侯...試下諗下你背後有個人一直支持你..
有個人會係你背後默默付出...你就可能會有返信心同埋繼續堅持每樣野............
.衪就是神。.......*今日有首詩歌真係好好好好聽...

你不是天使 作曲、填詞：趙芬妮 編曲：金培達 你以為愛　永無變更　將一切犧牲 到最後發現　對方早不再關心 信靠朋友　以為最真　同尋找開心 到挫敗發生　同甘　不分擔苦困 你不接納你　認為你最蠢　不可愛 覺不配被愛　如今孤單都應該 世態常變　有如氣溫　那個沒傷心 那個沒悔恨　逆境中　不要灰心 永無完美　永無滿分　你我都只是人 要靠著信心 憑祂可走出黑暗 你早已被愛　是神以愛改寫未來 你可接受愛　如今將心鎖打開 ( 副歌 ) 迷惘及軟弱　你不懂展翅 純潔或美麗　你不比天使 神卻為了　尋找你　派遣祂兒子 來接近祂　莫問可不可以 神眼內價值　你超出天使 神接納你　陪伴你　新一頁可開始 ( 最後一次副歌 ) 神已為你　全奉獻　祂愛你 (過門) 為著明白你　尋你　贖你 背負多少痛悲全為你

2006 年 12 月 21 日  星期四  

玩埋聽日電腦...就冇得玩囉...我地同果間公司中止左合約...呀爸要揀now寬頻..到而家都未搵到有關資料...
所以可能到考完試後自有得玩....嗯嗯...咁都好既...可以專心d溫書..不過又冇得打日記囉..
日記真係一樣好好既野...可以記低你既過去...你的感覺..同埋所有所生過既事物...
仲意打咩就打咩..."無駒無畜"咁樣...哈哈!!嗯...最重要係..你可以徙一個日記去認識果個人係點樣..佢既性格等等...
所以睇左我日記好耐既朋友...都應該知我係一個點樣既人..你話我好又得...衰又得....我無價自評啦~

嗯...今日我見到d好衰既事情發生呀..我真係睇唔過眼嫁...不過都係算啦!!!興左一陣...都冇咩事囉...
Ｔｈｉｓ　ｉｓ　ｎｏｔ　ｍｙ    business   ｌａ∼　
我都唔明點解果２個人要咁樣笑．而家好好笑咩？他倆既表情真的令人覺得厭惡呢！算吧！

放學又去左買禮物同埋野飲．．．唉...呢d野又係我地做囉...好似班上面每一件事都係由我地去做咁...
做唔係問題...要有冇價值先係一個重點.....為4望班我地可以做好多野...但係問題係我地個個都應該出一分力..
而唔係靜係得我地幾個係度努力....你有冇當過4望班係一個家...當你真正去投入呢班...你會為4望去付出...

買完野又返到學校包禮物..果陣都成6點...跟住去訂西餅...之後回家食飯..洗白白...
之報再去呀麗度包埋果40份禮物..包呀包...包到11點先走...

哈...好期待聽日既聯歡呀...仲有d禮物..有幾份真係幾好...仲有miss張果份大獎呢...真係好想抽中..
哈哈..我地同左300幾蚊買左40份禮物..有d好好...有d好cheap...嗯...大家遷就下啦..錢有限呀!!
聽日一定要玩得開心d..抽返份大獎過返個肥聖誕節呀...

不過...過埋聽日又要成個星期先再見大家囉...又要溫書溫書..成個腦都靜係溫書.....
嗯...大定係玩之如...都要記得溫書呀!!!^^"好啦...聽日一齊過個開心既聯歡啦!!!!

今晚同文仔傾左好多計呀...真係好欣賞佢果種對一個人唔放棄既精神...我從來冇遇過一個咁樣既人...
可能就係呢點...令到我好想同佢做朋友...文仔雖然有佢既缺點...但係佢唯一有既優點..就係無人能及.......!!!
佢為佢付出好多好多...但係就只有單方面既付出..而佢從來唔求回報...為求令到佢仲意既人開心..
佢見到佢笑既時侯..佢個心就會好笑..佢開心亦都樂意咁做..唉...佢.真係令我好廢解呀...點解要咁做...可能佢愛得太深啦!!!
請係仲意一個人之前..先問下你自己...果個人值唔值得你咁為佢先?..文仔對感情真係好認真..好想一直到老果隻..
如果有一個人能夠咁樣對我...我已經真覺得好幸福...好enjoy....好開心...!!!可惜一直未遇到....^^"


佢最後話...

只要你一直想好個方面想

咁勇氣就唔會離開你

信不信由你...............

2006 年 12 月 20 日  星期三  

今日係一個好特別既日子...心情好好...真係好少機會試過...嘻!!!

不過係小息果陣發生左件好唔開心既事...我開始覺得D人唔尊重領袖生...
由其是係F.4果D人..同佢熟..又唔好意思話佢...我叫東東涉3..佢又推我(係好大力)..又大我啵..
我忍唔住又還手..我真係唔仲意人地話我"領袖生大晒"呀..."打我呀笨"...我真係好唔仲意...
之後我咪同佢發生口角...跟住打佢囉...明明係佢唔岩先...仲要咁唔尊重領袖生...而家叫你涉3姐..又唔係叫你去死..
洗唔洗咁....跟住我太激動...我除低領袖生牌...咪名正言順咁同佢打過...不過楊耀忠話我除低就唔可以拎返...
果陣我已經好興..你身為副隊唔過黎幫手..仲係度大我....我真係唔鬼驚你呀...唉..果刻好唔開心...
之後呀麗同我講...你遇到少少挫折就放棄...唔可以咁嫁啵...當時我又諗..咁又係啵...算吧啦!!!

MISS張呢排遇到好大既困擾啦!!希望佢可以快D解開呢個心結啦..我會幫你祈禱..."
真係估唔到而家D年輕人咁容易就咩..............!!!唉>"<....算..佢地仲係細過...仲係唔懂事。

MISS LEE又冇返學囉....唉...我地又學少左堂數學啦..真可惜...MISS LEE你要TAKE CARE你身體呀...
咁先可以返黎教我地嫁嗎....你知我數學差既...你唔返..教少左...我仲差....所以要快D好返...返來教我地呀...

放學果陣..遇到D好開心既野....有個設計既講座係ART ROOM舉行..講左好多設計既野...
呢間野就算會考唔合格...都可以讀...仲有好多出路(如果有人BUY 你D  設計...咁你就大把工可以做..仲會有好好既發展)...
價錢都唔太貴...2100元一個月...讀22個月就可以畢業..同埋可以開始搵工....
嗯..我.貽.琪..諗過....就算會考唔合格...我都可以讀下呢課程..學下野...搵份真係我自己有興趣既工作黎做...
嗯...不過如果你仲想讀落去..去升學..就可以揀城大同理工...不過會考中英數一定要OK先得囉...我要好好讀書啦~
...呢個暫時就成為我既目標啦...如果會考唔OK..真係可以諗諗....

哈....今日屈左2個MISS每人送2打西餅比我地...仲出左每人一百蚊比我地買禮物添!!!呢次都算豪嫁啦!!!
放學之後去左買禮物...買左D好  KAI既禮物"某D"啦...跟住其他果D都OK...
我地都達到4望班每個人都有禮物...

希望人人都可以過一個開心既聖誕
[["  呢句野好似有D KAI..不過本人真係希望大家可以開心同快樂。

2006 年 12 月 18 日  星期一  

6運會過去囉...班房又好似平時一樣...熱鬧同埋嘈雜...
呀琪返來囉..失蹤左幾日...不過有D野唔洗咁激動既...D人都係講下姐....唔會放係心度!!!
咁激動又要搞到自己唔開心...又何苦呢?!

今日天氣寒冷呀...幸好今日著PE3..冇咁凍姐..不過一諗到每日要著裙..仲要受寒風吹襲...諗起都心涼...
假如我地可以穿褲就好了...

我想講...今日有種好強烈既感覺比到我...我同某人之間既隔膜已經冇左..我可以好似以前咁同佢講野..
真係太好啦..之前我真係做唔到....原來時間真係可以沖淡一切事物...或者我地有時諗野真係諗晒負面..
不時諗下正面..事情未必係你想像中咁差嫁姐...?!對嗎?!!


今日放學後有英文補習班...真係勁無奈囉...第3.4課我都冇做...唔鬼識做..
連課文都睇唔明又點做D問題呢?唉....我又要再一次認我英文差啦!!!差都連睇篇文都睇唔明...
我真係冇晒心機去做呢D咁既練習..我覺得我係有心...但係冇力果下先衰呢?!
係差就係差...一個測試就可以分到高低.."所以有D野唔到你唔認....
果刻又覺得...呀朗呀揚佢地明明係有能力做到呢個練習..點解佢唔試下做呢?
我就話真係唔識做先唔做姐...你點會唔識做呢?上天賜比你既才能你唔好好運用..
有D人想好好利用都唔得啦..我真係替呢D人覺得好可惜......假如佢地可以醒悟過來就好啦!!!