呵呵呵~終於都考完mock啦....考完就當然去玩下啦.....

朝早考a.maths....好多野都唔記得晒....睇黎都係要做多d先得啦.....

考完返到屋企上下網....食左少少野啦....覩跟住就同佢地三個傾下唱K點啦....

唉....原本搞到好亂呀.....又煩喎.....但好彩都搞得成....係少左d人囉....

跟住我啦、淘淘啦、波波啦、derek啦就去左九龍城唱啦...

我地首先就去左百佳買野啦....derek買左個飯上去偷偷地食....

哈哈....見到佢食飯個樣就想笑啦....

我地2:30開始唱....係咁唱呀唱...唱呀唱...唱到5點左右irene就黎左啦....

係呢個時候...唱到我喉嚨有少少痛痛地...=.="...但係唔緊要啦...開心就得啦....

derek就真係勁啦...成日係度尖叫...又要唱高音....咁佢聽日出唔出到聲架....=.="

淘淘就一直都好努力咁唱歌....尤其係S.H.E果d....但可惜我地識ge唔多...唔可以陪佢唱....

時間永遠都係人地最開心ge時候溜走架.....當我地係度唱到傻下傻下ge時候....

原來已經到左八點鐘啦....哈哈~唱左勁耐呢~

下次都要再唱過~而且下次會比今次更多人去架~~~^^~~

跟住小毛毛就黎左啦....我地係九龍城廣場傾下計....傾到咁上下就去新蒲崗啦....

上到去富臨岩岩好九點....

係鍾小姐ge帶領之下....我地六個人就入座先啦....冇幾耐之後肥鑫就黎搵我地啦...

呵呵....勁開心呀....七個人係度一路打邊爐一路傾下d八掛野啦....

但係最搞笑ge都低肥鑫ge生日之謎....佢有三個生日日期囉....kaka~

哈哈~我同波波仲有肥鑫係最「單純」架....我地淨係係度飲竹庶茅根.....

佢地四個係度飲酒呀！！！！！小毛毛飲得最多....三罐耶....=.="

淘淘勁搞笑囉....佢飲左一罐左右塊面就開始紅啦....但係淨係上半塊面紅....下半塊面唔紅架！！！

當佢飲左兩罐啦....佢就連條頸都開始紅....仲係咁話自己無醉呀！！（但其實佢真係無醉....）

到左十一點...又係時候要走人啦...

雖然仲係好想玩落去....但係點都要返去架啦....如果唔係會比人鬧呢....

係走ge時候小毛毛話佢自己腳浮浮喎~~呵呵~佢飲醉左就大件事啦~冇人會送佢返去架~

而淘淘塊面都已經冇咁紅啦~呵呵~~

今日真係玩左好耐...洗左百幾蚊....但就玩得好開心呢~~

如果佢啦~clare啦~肥仔啦~阿 kai 啦~同埋burno都有黎就真係更加開心啦~~

不過唔緊要啦~~我地下次又要再癲多一次~要再開心d~再癲d~^^~