今日係一年一度ge情人節...亦都係我同你過ge第一個情人節....

係之前...我都已經諗過...你會唔會送野比我呢？？

但係其實我都已經預左你唔會花心思去揀禮物...因為你實會話...

一定要送禮物ge咩....情人節咪情人節囉...冇咩特別姐...

就正如你一向都唔會重視「生日」呢一個日子...

就連我份生日禮物都係簡簡單單一份....更何況係情人節呢？？

唉...送完ge朱古力比你之後...我都有諗過...你會唔會臨時去惠康或OK買少少牛古力比我呢？？

但事實擺在眼前....我都只好對自己講返句...發夢啦你...

同關小熊一齊係未必會有驚喜架啦...=.="

所以...無謂諗咁多野....

不過...有哪一個女孩子第一次同男朋友過情人節會唔想收到禮物喎...我都唔例外的...

今日肥仔送左束紙花比clare....d花的確係好靚....

毛毛問我....羨慕嘛？？

我唔會羨慕喎....因為我知道你冇天分去做呢一樣野....我更加唔會要求你去做...

你認為你會花時間落去呢d野度嘛？？而且....咁大舊野都唔知擺去邊啦...係咪先？？

但係一粒朱古力都得掛...=.=....佢會比我食左落肚嘛....

就算之後ge1情人節你唔送....我都冇所謂....

但係今個情人節係例外！！我地點都冇可能會再有一個「第一次一齊過ge情人節」啦掛....

呢d野只會有增冇減...所以我地又點會再有多一個「第一次」呢？？

下晝果陣....irene同我講....佢唔送野比你....可能係以語言黎表達呢....

但事實再一次證明....今日同平時ge日子根本就冇分別....放左學之後咪又係你送我返屋企...

有咩唔同呢？？

雖然miss chan同電視裡面某個人都講過....情人節都唔一定要送野....

但凡事總有例外嘛...電視裡面果個人....第一年同佢ge另一半過情人節ge時候...佢真係唔希望會收到禮物嘛？？

miss就話有d野所以就咁....

唉...所以假如你宜家黎問我...我會唔會唔開心...如果我仲可以答唔會唔開心的話...就擺明係呃你啦...=.="

雖然又未去到非常之唔開心...但係唔多唔少都會有d架啦...

好彩一早預左你唔送姐...如果唔係就真係大煲飯啦....真係以淚洗面都得啦...

咪傻啦...我當然唔會咁做啦...

你呀....睇完之後咪諗住買返d野黎補償呀...因為咁就冇左個意義啦....

搞到好似我逼你咁...既然係咁ge話就不如唔好啦...

但係你都係要學下應該送咩禮物比女仔啦....唉唉唉....