嗯嗯...今朝九點幾比人嘈醒...叫我擦牙洗面喎...

因為遲少少會停水呀...所以就要咁囉...其實...之後都冇停水...=.=.

到十一點半...佢打黎問我係咪打過比佢喎....我邊會咁早打比佢呀...

佢話去註冊著左對波鞋啦...之後果個人叫佢返去換過對鞋先返黎註冊喎...

不過個奸仔係門口搵人借對鞋黎著之後就返返去註冊...唉唉...咁都得...

之後佢話約左個阿sir去褔苑食飯喎...咁我就叫佢食完之後去霸位啦...

點不知...我仲早過佢去到...打左三個電話比佢...佢都冇聽到...=.="...

今日溫phy...溫到死下死下囉...仲好眼訓呀...都話最痛苦就係溫phy啦...

溫到四點幾...因為好眼訓...所以呢就去左圖書館度逛返個圈啦...

之後我地去到某個書架...見到有兩本都幾搞野ge書啦...咁就拎黎睇下d圖啦...

睇完之後就返返去溫會令人好痛苦ge phy啦...唉唉...見到佢都想死...

不過今次都算好少少架啦...波動比較易少少...假若係力學的話...會死人的！！

溫到五點八...老豆打電話黎...叫我返去食飯lu...咁咪執野返去囉...

係返去之前...去左七仔食雪糕...係菠蘿味...幾好幾好...唔錯唔錯...

食飽飯之後...細佬發現佢有一百蚊唔見左喎...咁佢就喊啦...佢都冇用過佢自己d錢...

咁老豆就問邊個拎左啦...個衰女就自爆之前問細佬借左一百...到宜家都未還...

咁我老豆就發嬲啦...係度鬧佢啦...之後又搵條手巾黎打佢啦喎...

個衰女好唔順氣咁喊啦...之後ge對答又心不甘、情不願啦...唉唉...

我都想打佢好耐架啦...亦都忍到冇野好講啦...

今日我老豆終於都頂佢唔順啦...結果就咁囉..

我心諗...我都忍左好耐啦...一早就話佢上網上得太瘋狂啦...唉...

到今日先比人鬧...遲左些少呢....不過都算...鬧左好過冇鬧...

但係個問題係唔知佢自己會唔會改過呢...唉唉...希望會啦...

之後...我地就成家係度玩「潛」烏龜啦...又玩鋤大地啦喎...

我老豆就做左新一代烏龜王啦...佢幾乎輸晒...

不過鋤大地呢...就輪到我慘敗啦...唉...無奈囉...都唔知這個派ge...

樣衰都爆...都唔知點出...比人連炒兩次...=.=...唉唉...算把啦...

聽日要去註冊啦....><"