嗯....係我開始寫呢一篇日記之前....我諗我要同clare講聲sorry先....

岩岩你打黎ge時候....我本來都冇咩野架.....

但係之後....諗住想同你講咩事啦....

不過我就有少少想喊啦....到最後就連聲都出唔到....唉....我都唔想架....

好啦....我開始講啦！！留心睇住啦....因為如果你唔留心....

到我講ge時候就可能會唔清唔楚架啦！！！><"

尋日我阿媽返上晝啦....收左工之後就又去左打牌啦....

本來我老豆都冇咩野架...話佢幾句就算....

但係點不知....夜晚我地就叫外賣啦.....

果個人居然漏單囉！！搞到我地成八點先有飯食......

好啦....一路食飯....老豆就一路係咁鬧佢....又話要一邊食飯一邊咒佢....

跟住我就好晦氣咁講左句....要鬧都食完飯先鬧啦.....

咁佢就停左....冇鬧到啦喎....但係餐飯都食得唔係咁開心......

好啦...直到我去訓覺為止....我都唔知道老豆鎖左度門....

尋晚阿媽返到黎....我都以為係佢自己開門入黎啦....

點解我知佢返黎呢？？咪就係因為老豆係咁鬧佢囉.....

雖然當時我都訓到迷迷糊糊....

但係我最記得ge一句係....

既然你咁唔鍾意返黎ge？？咁咪自己鍾意住邊度就住邊度囉！！

之後我就繼續訓啦....

到左頭先......老豆又唔知發咩脾氣....

係咁鬧個細佬淨係識得玩....書又唔去讀....

連「手查」毛筆都唔識.....佢係咁鬧係咁鬧.....

細佬就好正常咁啜泣啦.....但係佢咁都要鬧囉....

大佬呀.....正常ge小朋友比你咁大聲鬧....邊個會唔喊呀？？

之後又話佢.....如果宜家唔讀好d書....第二時就去食C啦....

如果我冇聽錯....佢鬧ge言語裡面....有好多次都包含個「死」字囉....

又係咁話咩唔死都冇用......又話咩全部死晒好？？

我心諗....既然係咁點解你唔一把火燒死晒我地呢？？

咁咪仲好！！大家一齊死囉！！

由頭到尾我都冇出過一粒聲.....我唔想同佢嘈.....

因為我知道...如果要同佢嘈ge....蝕底ge只會係自己.....

之後佢返房啦.....

到阿媽放工返到黎....我叫左佢一聲....佢冇應.....

咁我都算啦....

跟住唔知個妹同佢講左咩啦....可能叫佢簽名....

佢就話....乜我係你阿媽咩？？如果我係你阿媽....尋晚我嗌得咁大聲又唔應我！？

個妹就話....我都唔知....

佢又話....尋晚我嗌得幾悽涼呀？？成棟樓d人都以為發生咩事呀！！但係都係冇人理我呀！！

我到左呢個時候先知道....原來老豆尋晚鎖左度門囉....

跟住clare就打黎啦....

真係好心淡囉....佢地上個月先搞單咁ge野出黎.....宜家又黎多次囉....

唔通呢d野都有週期架？？如果係有ge話....我遲早都會癡線囉.....

我唔知仲有咩要講呀.....有咩就聽日返學先問啦...ok？？