呢一日有兩個人生日架！！祝佢地生日快樂先~

其中一個我就一早知道佢係今日生日啦...至於另一個呢...我都係前幾日先知咋~~哈哈~

今朝都冇咩野特別想做...不過到十點幾度啦...忽然間想同佢講聲生日快樂喎...

不過我都冇親口同佢講...不過就send 左個message比佢啦...

等左一陣之後佢都冇回應喎...咁我咪去左訓覺囉...但係個電話就一直開住...擺左係枕頭隔離...

之後就訓...訓...訓...

到左十一點半左右啦...個電話忽然係度震喎！！

我ge反射動作就係拿拿聲熄左佢...因為我以為係鬧鐘...你知啦...鬧鐘有聲架嘛...

不過等我清醒少少之後呢...就發現左一個問題啦...就係點解「鬧鐘」冇聲ge呢？？

咁我就去「已接來電」度睇下啦...發現原來係佢打比我呀！！

之後我就係度諗...打唔打返比佢好呢...過左一陣...都係算啦...就去左廁所度打比佢啦...

不過佢cut左我線...之後我就冇打比佢啦...等我去完廁所洗手果陣...佢就打黎喎...

佢同我講ge第一句野就係...多謝你喎...佢問我點解訓緊覺都覆返佢...

咁我就話啦...唉...冇計啦...鬼叫今日有人生日咩...

之後佢就笑左幾聲啦...跟住就傾左幾句啦...不過由於我岩岩訓醒...

所以佢聽唔清楚我講咩啦...之後就收線...我就去左訓覺lu~

如果我冇記錯呢...係之前我發夢應該係見到佢架！！