*好感
任何一個人都可以，這只是發展感情的首要因素。你對他不需要十分認識，他只是一個你不會討厭的人，可以成為朋友的人。沒事的時候可能不會想起他，亦不會想到將來和他發展成怎樣的事情，失去了也不會有甚麼特別的感覺。

*鍾意
可以好多個人，你會被他們某一部份吸引，可以發展成知己或是情人。你會欣賞他某方面的才華或優點，就如鐘意任何一樣物品，如洋娃娃，小飾物, 衣服等。你不會太常想起他，亦沒有一定想擁有他的念頭，但會是個你鐘意和他傾談的人。假如失去了他，會有點可惜的感覺。

*喜歡
只會得三數個，他們都能牽動你的情緒，不過卻不會對你造成太大的傷害。你會十分欣賞這個人，會留意他的一舉一動，在乎他對你的感覺。很多時候都會想起他，會想到他能否成為你的情人。若失去他，會感到幻得幻失，有隱隱作痛的感覺。

*愛
只會得一個，他能使你全心奉獻。而且，他的地位是任何人都不能取替的!你的思想、行為、喜好都會受到他的影響，他的喜怒哀樂也等於你的喜怒哀樂。每一分每一刻你都想與他一起，日思夜想的主角都是他，失去了他，會傷心得肝腸寸斷，痛徹心脾，整個人就像只剩下一個軀殼。

如果唔係天河tag我做100問，我都唔知自己原來已經好耐冇打blog~
AL同CE都已經考完啦~
真係太好，可以鬆一鬆~
但依家只係一個開始~

早前做果份pert time要再遲d先可以出糧~
出左糧就要請食飯~
當然唔係一個問題，最緊要係大家開心姐~

有件事我的確係有d唔開心ge~
就係同阿怡分左手......
果時好唔開心><
好彩有巧玲係身邊幫我^^
多謝佢個時開解左我~
仲有阿嫻~
多謝妳地！！！

我開始習慣聽到巧玲把聲^^
同佢傾計都幾開心~
識得呢個好朋友真係好~
同佢傾計唔駛顧慮太多野，可以同佢暢所欲言^^

識到阿嫻同巧玲呢兩位好朋友真係好~
我一定要好好珍惜呢~

好耐冇打blog啦~
我都就快考完AL同CE啦~
要開始搵part time做~
依家咁ge經濟環境都唔知搵唔搵到...

琴日去左阿毛屋企補LS~
我都係第一次係公眾假期都要補課...
Anyway 反正我都會係屋企唔會出去~
無人約就會自然係屋企~
阿怡依家考緊CE，暫時都唔會出街~

今日一早就已經起左身~
每個月總係有一日都會係去西環拜祭我阿媽~
1145就已經完左~
咁我就打比面青同佢講我依家去筲箕灣~
我到左上環就打比巧玲睇下佢地依家去到邊到~
諗住同埋佢地一齊入去石澳，但佢地已經岩岩好買齊野搭車入去lu~

到左筲箕灣之後，仲要等埋面青...
我仲見到我細佬果班d同學= =
等到1245左右面青先到....
之後，同佢去食左d野先~
等埋金鋒就一齊搭車~
結果1400先入到去...

入到去第一時間搵到其他人先~
之後，就去更衣室換衫先xd
今日好大浪，見到咁樣唔係太想落水...
唔知邊個人同我講有30幾人封BBQ= =
但係我睇黎睇去20人都唔知有冇~
有人係到飲啤酒，but我冇飲~
我先冇咁快玩到咁high~
成個下午都好熱~.~
好彩都有d地方有樹蔭，咁先冇咁熱~
之後，就打左一陣排球~
我都好耐冇打，我都唔係好記得應該點打...

之後見肚餓，過去食野~
點知佢地係到準備緊整估洪瑋= =
巧玲以為佢地想整埋佢...
我諗佢地應該唔會咁做ge~
如果佢地咁做，我可能會幫巧玲~(原因不明)
5點幾ge時候，同埋巧玲、啟明同錦麗一齊落水玩~
d水好涼，可惜太大浪...
唔可以游水...
巧玲仲想推我落水....
可惜我對腳比d沙埋住左....
如果佢推到我落水都冇所謂ge~
反正我都預左濕身~

阿毛1900左右先到~
同佢say個hi，就行返去海邊玩~
今次仲同格格姐一齊去~
今次玩左好耐，浪都大左好多~
我行出左好多，我都差d企唔穩...
巧玲仲未放棄推我落水，可惜都係唔成功...
玩完就啦啦淋去沖身免得冷親~
之後，巧玲佢地走先，只淨返阿橙、阿橙個fd、福新、阿航、洪瑋、洪瑋個fd、阿毛同我~
仲有唔少野食同野飲淨係到~
一邊食野一邊飲啤酒一邊傾計~
傾到好開心~
無幾耐阿橙同佢個fd都走埋~
阿毛佢地就開始講埋d...
傾到11點幾先走~

巧玲仲留左d野係到~
好彩我遲走，暫時幫佢保管住~
返到屋企都12點lu~

今日玩得好開心^^
好耐都冇試過玩得咁開心啦~

生日快樂洪瑋!