今日一早起身去銅鑼灣~
因為今日要去考IELTS，所以請左假無返學~
早左大約半個鐘到果到~
9:00開始考，一考就係考3份卷中間無得休息直到12:15考完~
第一份卷係Listening，內容唔難~
但係有d字串錯左= =
之後，就係Reading，係咁係到抄~
可以唔駛點諗野~
最後就係考Writing，兩條題目唔係好難~
可惜唔夠時間作第二篇><
唔知點解我覺得d時間過得好快咁~
不知不覺就考完試，仲係早左考完...

今日仲有另一件事~
就係我約左怡出黎行街~
係我第一次約佢出黎~
原來佢好少去港島d地方~
我約左佢1230係銅鑼灣鐵路站等~
怡真係好叻一到左就認到我，但係我認唔到><
我認人始終都係差d...
之後，同佢去左一間上海菜館食lunch~
好多人係果到...
食完之後，同佢係銅鑼洌行左一陣~
仲去左幾間寵物店睇野~
然後就係灣仔搭船去尖沙咀~
去左海港城間冒險樂園玩左一陣~
仲去左玩具反斗城扭左係扭蛋~
最後，就帶佢去搭車返屋企~

第一次同佢見面ge感覺唔錯~
今日唔知有冇悶親佢~
始終唔多唔少我係一個悶蛋~
睇黎我要睇多d笑話~
講比佢聽，令到佢開心先得^^

終於約好左聽日去邊到食飯lu~
但係健庭突然話唔去= =
都唔知佢做乜野事......

唉~
但我都係擔心宜多d~
妳要快d好返！
唔好唔食野呀！

今日係大年初一~
6點幾就起左身=.=
即刻就去梳洗，之後就搭車去西環~
年年都係咁第一時間唔係去拜年先~
而係去西環拜左我阿媽先~

之後，就搭車去元朗~
搭車ge時候，坐係我後面個女仔係咁望我=.=
都唔知佢乜野事~
我知道係因為我細佬同阿爸都坐左係後面...
好彩車程唔係好耐，好快就到左元朗~
唔駛比人係咁望住...
但係仲未到伯父屋企，仲要搭多次車先去到~

去到伯父屋企，拜年逗利是~
之後，就坐定定等食飯xd~
差唔多成日都留左係伯父屋企~
只係出過去百佳買野飲同野食~
食完晚飯就返屋企~
果時都已經差唔多9點~

祝大家新年快樂！身體健康！心想事成！

希望今年事事順利！