今日我去左元朗市入面一間幾出名既小店享受我既午餐，呢間鋪頭仔雖然細細間但竟然可以用八達通付款。

出名既野食有咖哩、雞菜飯。

但由於小弟係極之唔食得辣既，所以呢度既咖哩我無福消受啦；但佢地既咸雞菜飯都真係冇令小弟失望。

就係呢個招牌啦！大家想去既要認住啦。

我呢味係佢地既＂咸雞菜飯＂，

雞味好重，肉好淋，令小弟本身都唔算大食既人真係想再食多碗；無得頂！

真係好食，排下隊都值；另外佢地仲有霸王雞同豉油雞都好出名，大家去到可以試下。