終於到左上機飛台北既日子啦，因為要搭九點鍾機，而本人又比較姿整既關係，我5點鍾就出左門口搭機場巴士去機場啦；

7點到就去到機場，攪好哂d登機手續後仲有一個鍾多d，可以去食埋個早餐先等上機。

兩小時機程再轉國光就去到台北車站了

西門町附近

黎到食個柯仔煎下肚先啦

食左小小野，又去左酒店放低行李之後，就開始行西門町啦；都幾多野睇，不過買野就唔會係度買啦，因為分分鍾貴過香港:(

到左夜晚，唔洗講第一站一定係士林夜市啦！！超多野食咯！！

因為太多相~食左太多野~所以post唔哂咁多~飲飽食醉後就返左酒店休息了。(服務員姐姐仲係美女呢xd)

第一日既行程完畢

今日我去左元朗市入面一間幾出名既小店享受我既午餐，呢間鋪頭仔雖然細細間但竟然可以用八達通付款。

出名既野食有咖哩、雞菜飯。

但由於小弟係極之唔食得辣既，所以呢度既咖哩我無福消受啦；但佢地既咸雞菜飯都真係冇令小弟失望。

就係呢個招牌啦！大家想去既要認住啦。

我呢味係佢地既＂咸雞菜飯＂，

雞味好重，肉好淋，令小弟本身都唔算大食既人真係想再食多碗；無得頂！

真係好食，排下隊都值；另外佢地仲有霸王雞同豉油雞都好出名，大家去到可以試下。

琴晚同左班朋友去飲酒傾計，其實我都算係樂天派，諗黎諗去都冇咩真正可以令我唔開心既事。但今日返到工我發覺原來我唯一令我有壓力既就係果班上黎人地鋪頭睇足成個鍾、唔講野、唔買野、但又唔肯走既＂哂文＂。

點解我會咁僧呢班咁既人呢？？冇錯，上得黎唔一定要買野。但人地問你野都答一句呀，十問九唔應；冇錯，你地睇野都唔一定要人介紹，但你地知唔知我地都唔想跟住你地，明知你地唔係買，唔跟又比上司問點解唔跟客，喂我地都累嫁；冇錯，你地行入黎唔一定話行一陣就要走，但你地下下唔講野唔買野行足一個鍾呢！你知唔知你地阻住人搵食呀？

唉~不過我都係想係屬於自己既地方呻下算，反正都唔會改變到呢班人。

----------------------------------------------------------------------------------------------------------------------------------------------------------------------------------------------------------------------------------------------

好啦，呻完哂，舒服返小小啦終於。

就黎出發去台灣啦，＂姣先粉啊＂

今次當比自己好好休息一下，返到香港我唔要再見到從前既自己。努力！！