救命呀!!!頂唔順喇....

我覺得你好自私..又黑人憎...個個人都忙架啦...點解你可以任個電話勁響都唔聽....點解自己d野又唔做...成日叫人地做....你知唔知咁樣好衰格呀??

做就我做...彩就你拎....咁仲公平0既????好過份呀~~

點解你成日都咁麻煩0既0者???自己唔識check咩???成日都搵我!!!好煩呀你....你又唔係咩都唔知...id...pw你都知架??點解成日都要搵我0者???

嘩嘩嘩!!!今日勁勁勁凍....真係極之唔願起身....返到去差唔多到門口仲落埋雨....更加凍!!!

今日都係整下d進度表啦....食完飯返黎冇耐...3點幾煩人就走左...我就繼續整咭...整到放工終於貼好晒d野....可以寫野lu!!!!

返到屋企0拿0拿聲沖完涼...就一路睇電視一路整黏土...一開始整到好樣衰....細佬教我應該點整...哈...又得喎!!勁呀~~~

7點9阿豪打俾我話佢二哥返左黎...之後就問我食咩???最後我地決定左0係我屋企附近打邊爐...食食下佢打俾佢二哥....佢二哥話同佢四哥篤完波!!!睇完戲先至再打俾阿豪....食完就返去喇...點知就落勁大雨...又冇帶遮...阿豪拖住我勁跑....但係我怕我會PK...所以就都係唔跑喇...哈哈!!!

返到去勁凍....食左藥就好眼訓咁去左訓lu!!!

今日都係冇咩特別野....1點幾煩人出左去買年花...真係好...食完飯返黎我就有時間整我0既咭咭!!!哈哈....整到4點幾佢地就返左黎...都好啦!!!5點就放工....

放工去左柏麗睇黏土0既野....買左d工具同材料啦!!!想買d膠0既工具∼∼點知冇....個老闆娘叫我去《大眾書局》到睇!!!嘩.....好平...咁就買左...仲買埋d模添....哈哈!!可惜冇顏料!!

之後阿豪打俾我叫我幫佢去圖書館借書....咁我借完書就去左文具舖買顏料....去日本城買埋個秘實盒就返屋企....

沖完涼好累呀!!!坐左陣就出門口同阿豪去食飯...食完就返去lu!!!食左藥就好眼訓咁去左訓覺喇...

又到星期二...又到我最唔想0既一日!!因為lunch得我自己一個對住大嬸...一定俾佢煩死....好在Ivy姐姐救左我....因為Wendy姐姐晏d覆診唔會上去食飯....所以就變左我可以同Ivy姐姐一個時間食喇...哈哈哈!!!

我地叫左仙桃園....一路食一路傾計...都幾好架...哈哈!!!夠鐘就返落去lu!!!!我又繼續整我0既情人節咭咭!!原本已經整起左一張...但係唔靚....所以整過另一款....哈哈!!!

5點鐘放工....之後去左圖書館...借左d關係樹脂黏土同埋用d好特別0既野整成0既咭咭....因為我諗住放埋d樹脂黏土製作品上去賣...唔知會唔會好d呢???hee!!!

返到屋企整好晒d野睇左陣電視就出去買煮...返去煮好晒阿豪就0岩0岩好返到黎...食飽飽洗完碗就睇下電視...跟住就訓lu!!!!!