沒有永恆

   溫尼溫去都入唔到腦  ... 算啦  唔溫 !  成日都唔知唸緊咩 ...  最後聽到一個電話更加唔想溫

   好懷疑之前既一切是咪真是真架呢 ?  一齊出去玩  去跑步  傾心事既人是咪真是你 ?  寫聖誕卡時的開心  到俾既時候點解要加果句  ...  友誼永固是邊個既願望   又是邊個向後退...  真是可以用朋友尼代表我地既關係咩 ?  果條日日行既路  果個一齊行既人  點解變得咁佰生  ...  

    人一路希望自己得到更多    求天的幫助  用時間氣力想擁有  更想擁有神一樣的能力  做一個天使或惡魔   但得到一切之後  只覺得身心好累  好累   到最後就想做返一個無擁有任何野既平凡人 ...  擁有是咪真是一件好事   得唔到  日日都努力去追   得到之後  就好驚失去  用好多方法去保護   用眼睛去觀察你的一舉一動   到死的時候  用最後的力氣都要捉緊  ...  但帶得走咩 ...  就算知又點  就是放唔底   人或者就是咁固執既動物 

    對人失去信心  對任何事失去信心   對時間失去信心 ...  安全感慢慢被破碎  一秒鍾就可以改變一切  永恆的情到底存唔存在   永恆對人尼講是咪真是咁遠  時間可令情減退  消失   更加可以令情變恨  包容既心都消失  恨一個人既理由數之不盡   就算點  令你心動既人都會改變    我只想係過去入面生活  唔想再醒   好累呀  唔想再改變   唔想再唸未來   只想好似以前咁  咩都唔需要唸  享受白色世界既日子  彩虹雖然靚  太陽雖然溫暖   但海豚已經唔想再跳上水面去睇 

黑色聖誕

  今年聖誕節感覺有d 奇怪 ...   雖然是去到沙灘  但無得燒野食 ...  無所謂啦  我最主要都是想玩姐  ...  但都無野玩   太夜啦   咩都睇唔到 ~    一路聽住海聲  唔知唸緊點咩  感覺到有d 野  但 ...  好怪  

   好黑呀  天同海都連係一齊  但真實到底有幾遠 ...  海上面有好多船   聽講 7 月出海可以睇海豚  唔知係咪真架呢  好想去睇...   風可以一路係你身邊  為你帶尼涼爽既享受  都可以帶冰冷既孤獨  佢既擁抱似真實  又似虛幻   感覺到卻留唔住  ...    總是覺得有野做錯左  但又唔知是咩   好辛苦 !~  心有野壓住  解唔開既鎖   到底密碼是咩 ...  打開是咪好事  另一個世界是開心  定是悲痛 ... 眼淚會因真相而流嗎 ? 一個決定   一個後果  條鎖匙變得好沈重 ... 

    就算發生咩事 ~ 都唔好唔記得我地既承諾  , 酒唔可以解決問題架 !  唔俾再飲呀 !  守護身邊所有人  自己都唔可以傷害自己架 ! 唔洗扮堅強  , 有咩講出尼   永遠都會支持你  幫你架 ! 永遠都唔會孤獨一個  我要你真正既開心 !

永恆到底有無存在

   明明就只有一步的距離  但心靈到底有幾遠 ...  就算每天既相見  但都好難明白佢既內心世界....  每日既結束  都會唸起果段日子既終結   可唔可以將果段變成永恆的回憶   唔好忘記果時既感覺  果時既傻 .... 只要留一個少少既位置就已經足夠 

   一日既過去  你改變左你既性格   一月既過去  你放底左好多回憶  一年既結束   你已經改變左你既感覺    永恆到底有幾遠   人點解次次都咪走到永恆  就已經可以忘記一切 ?   兩個人既相遇  感覺既相遇  是好難得  但點解總是行唔到幾遠 ...  明明就只差一步   但就好似有遠視一樣  睇唔到  當愈走近  感覺就愈會離開  好快會見唔到你  最後就會將視線都改變  是咪只有得唔到   先會永恆呢 ?  或者就只有遠處先是最美好 .... 

   今年聖誕節唔知點過呢 ?  希望有一個難忘既日子啦  ~  唔知點解  一唸到聖誕節  就好想睇雪team ~  最衰香港無得睇啦 ~  但最衰最衰既是 ....   咁開心既聖誕節之後就是考試啦 ~  好激氣呀 ~