好耐冇寫日記啦，因為我呢排好忙，忙住湊女呀，哈哈，希望大家唔好嬲啦！

今日好唔開心呀！

因為我一直都好錫嘅妹竟然為咗一件小事，而且唔關我事嘅嘢嚟同我嘈，我真係好嬲呀！

件事係咁嘅，我同亞妹一齊係pccw到分別出咗兩個電話號碼，點知我個電話號碼嘅資料係pccw嘅電腦入面竟然全部變晒係亞妹啲資料，之因為係用咗亞妹啲資料，我咪要同亞妹講囉，但係我全日都只係打咗一次電話比佢，咁佢話唔得閒，我都再冇打比佢啦，其他人打比佢，我唔知架囉，係咪先，佢收工之後居然話我好打比佢喎，我真係好嬲囉。佢先前仲應承過我唔會比個電話號碼佢男朋友，但係到最後都係比咗，仲要連我個電話都比埋佢，真係比佢激死呀。呢件事到，我最嬲嘅係唔關我事，唔係我打得最多架，佢居然講到好似我打得最多咁，真係想死呀。

我真係好傷心呀，點解兩姐妹要為咗一個唔值得去理嘅人而嘈，唔通兩姐妹嘅感情都比唔起一個外人咩？