今日係我上myob嘅第四日啦。係學業務管理，係個新課程，主要係用嚟做公司嘅業積分析，點知，當我上完之後先發覺我間公司唔啱用，所以我只係學識佢，而唔可運用，真係失望，唉！不過諗深一層，學咗都冇壞呀，因為始終都會有用嘅。

今晚，我好嬲呀，原本諗住同亞妹講，問佢星期五上唔上師傅度，因為我見到佢背脊好黑，啲陰氣都重，點知佢帶埋佢條仔上嚟，搞到我咩都講唔到，唉！佢呢個人真係冇得救架啦，都係算數呀，唔好理佢呀，費事激死自己呀。

宜家只係顧住自己頭家同亞爸亞媽就算啦，佢哋兩個唔理啦。因為亞爸亞媽越嚟越多病痛，我真係担心佢哋呀，我以前唔識孝順佢哋，宜家知錯啦，要孝順番佢哋多啲，等佢哋可以享吓福啦，但係話可以大富大貴嗰隻呢，就真係冇可能啦，起碼唔洗佢哋再担心我哋，咁都做到嘅。總之，我想亞爸亞媽長命啲，生活開心啲，病痛少啲，都就好啦。