好驚呀！
今日我食完晏番到公司嘅時候，老闆娘突然之間同我“亞甜，我一陣有嘢搵你傾”，我當時聽到好驚呀，唔知咩事呢？老闆娘講嘢嘅態度好嚴肅，我好驚佢會話炒我呀，點算呀，佢都宜家都未搵我呀，我真係好驚呀。天呀！我救吓你呀，陣間老闆唔係話要炒我啦，我真係好驚呀，啱啱先搵到嘢做，個咗一個月咋，我唔想咁快又冇咗份工呀，我老公已經冇嘢做，如果連我都冇嘢做，咁就大件事架啦，所以我真係唔可以冇嘢做架。老闆娘，你千其唔好話炒我呀，我會好比心機做嘢架。
好采，到咗我收工嘅時候，老闆娘同我講，叫我唔好同啲同事玩得咁熟，因為我係做會計，主要係負責寫字樓嘅嘢，其他嘢我可以唔駛嘅，所以叫我唔好理咁多舖面嘅嘢喎。我聽到之後，真係鬆咗一口氣呀，原來只係講呢少少嘢，咁我都唔駛咁驚，真係比老闆娘嚇死呀。
