好開心呀！點解？你哋估下呀。好啦，我開估啦！就係搞咗我成年嘅兩件事終於搞掂咗啦！邊兩件事？

1)我係和記上網嘅欠費同壞賬都會係今日取消。

2)我嘅懷孕歧視投訴，公司終於認輸啦，平機會比咗個電郵我，話今曰收到公司開嘅支票同一封信，雖然係寫錯咗名，都總算係好事呀，因為我相信平機會會幫我同公司講佢哋寫錯人名，要佢哋寫個一張新。

今晚唔知點解我突然鬆口氣，可能係因為收到呢個咁開心嘅消息啦，所以我今晚嘅心情特別開心。

我相信大家同我一樣有啲嘢搞住你好耐，而係同一日入面搞掂晒，你哋都會好似我咁開心架。

但係仲有一樣嘢未搞掂，就係調遷嘅問題啦，如果房署話比我聽有屋可以比我即刻調遷就好啦。希望呢一日唔會離我好遠啦。