今日下午我要出去旺角搞少少嘢，咁咪放低兩個女比亞媽睇，唔知係咪心理作用呢，今日下午覺得個人放鬆晒，好舒服。可能係因為一嚟我可以出去行下，二嚟我又唔使趕時間返嚟睇女，因為放得係亞媽度，一定唔會有事呀嘛，咁我可以專心搞自己啲嘢呀。

雖然只係短短兩三個鐘頭，但係我都覺得個人輕鬆咗，舒服咗，起碼個人冇咁燥先。

今日真係好多謝媽咪幫我手湊兩個女，等我行下，放鬆下，真係好多謝佢呀！