睇咗契妹嘅日記，知道佢要做手術，我睇完之後，既傷心又擔心，總之就唔開心啦！
我有時係度諗，點解個天要咁樣玩人呢，比樣開心嘢人之後又要比多樣傷心嘅嘢人，不過我呢個契妹都算堅強，由知道自己有事到宜家都過咗好多關，比我，我一定一早就放棄啦！但係佢就一直同病魔作戰，仲要用平常心去面對佢呢個病，我真係“服”，真係好開心呀！不過我相信呢關契妹佢一定可以過到架。
早幾日同兩隻恐龍去咗中央公園度玩，當然有影相啦！有一張好靚女架，我好鍾意呀！
睇到呢張相嘅開心又擔心，開心嘅就係多謝上天比呢兩個咁可愛嘅女我，擔心嘅就係驚養唔大佢哋，因為大恐龍宜家先得4歲半(到4月就5歲)，而細恐龍就啱啱4個月咋，見到佢哋真係唔知幾時先可以出嚟選港姐呀，哈哈！
不過宜家都冇咩嘢諗啦，只係望佢哋健健康康，快過長大，我就心滿意足啦！其他我都唔介意啦！
