好累呀！返咗兩日工啦，可能係耐冇做嘢啦，覺得好唔慣呀，不過，我相信我可以捱得過嘅，大家要支持我呀！

今日啲小朋友見到我都用一種好奇怪嘅眼光望我，可能係因為佢哋未見過我呢老師啦，所以個個樣都好得意，其中有幾個仲主動叫我”老師，你好！”我聽到呢句說話嘅時間，即刻好開心咁答佢哋“好”，佢哋即刻對我笑，我當時啲“累”嘅感覺突然之間覺得輕鬆晒，真係好開心呀，由其係聽到啲小朋友叫“老師”，我當時諗，我諗我搵工做啦，因為可以見到啲小朋友，個個都天真無邪，見到你就會笑，真係好開心。

雖然，只係返咗兩日工，但係我己經掌握都大約嘅運作，只係仲要少部份要改同學，連校長都話，如果照宜家呢個進度，應該可以係聖誕假後簽正式合約，做一個正正式式嘅老師啦！

哈哈！所以，我希望大家比啲支持我，等我可以捱過呢一個月，係2008年1月正正式式做一個老師，我等住大家嘅祝福架！