今日終於可以抖一抖啦！

今日我終於執完寫字樓啦，可以抖吓啦！雖然寫字樓執完，但係仲有舖面未執，老細今日叫如果得閒就幫手落舖面幫手，因為要執好個位嚟放新年啲貨，所以要幫手將舖面大執位喎。

我都好想幫手呀，但係寫字樓跟本仲有好多手尾未跟，好似要找貨款啦，因為宜家先只找緊10月份嘅數，幾時先找到12月呢，啲貨主就日日係咁打嚟問幾時找，我聽都聽到頭痛呀，開咗票老細又唔簽，咁叫我可以點。除咗找數問題之外，另一個問題就係入電腦啦，因為有好多單未入電腦，我要係今個禮拜入晒佢先得，如果唔係越積越多嘅時候就做唔掂架啦。

總之就跟人手尾係一樣好辛苦嘅事嚟架，上一手做得好嘅就執少啲，做得唔好就...，唉！當然我上一手就梗係做得唔好啦，如果唔係我都唔洗用成個禮拜先執完個寫字樓啦。唉！今次真係比上一手玩死呀！