琴日係中五生涯的最後一天,眨下眼就5年,諗返以前d野,就好似琴日發生咁。返到學校,影下個大門口,影下呢一年日日行o既中梯,影下4樓中梯門口,影埋課室日門口塊班牌。之後係咁影,影到早會。早會個個都好大聲咁唱國歌,氣氛好好。上完電腦堂即刻拉住李sir影相。之後對econ,得71分咋。小息嗰陣係咁狂影相,影相小息完哂都未捨得返課室。過咗陣仆返去課室,點知波波sir都賴得落黎= =。lunch全班去飲茶,隔離兩枱都好似野獸咁搶野食,我地嗰枱全部都係斯文人,d野又遲上,食又食得慢。食完已經係1:10,拿拿聲跑返去,好彩無遲到。之後就係散學聚會。播片大家都睇得好開心,但係miss張嗰段真係好短,林sir講野一舊舊,李sir都ok。之後5位代表上堂講野,區健明講到喊,我地班第一個人喊的也同時出現─巫麟= =。之後唱友共情,我也忍不住喊了,但係冇人發現囉= =。

      放學影多陣相去屯市冒記玩咗陣,然後再換衫。補完習又去冒記玩,影籃球記錄暫時係318。kaki真係慘,玩咗成80幾先玩贏到海盜機。用咗1700換咗5包數碼暴龍卡+1張特別卡,有2張閃卡,好開心呀!之後去咗食飯,$23有煲仔飯有菜有豆漿。食完就去蝴蝶灣同5C班會合。跑到腳痛,被謝釋賢拉住黎跑,每步都大大力咁踩落地,好痛。但係個game真係幾好玩。玩到12:45am就同kaki,腸,乳牛走。自己一個人走返出去美樂咪話唔驚。坐N260返屋企,1:15pm上車,2點到咗,快得嚇人。食完宵夜,3點半就落床訓了。

      中四、五,係我人生中最開心o既學年,從未有過這麼多好友能這麼團結,那麼多好友一齊玩。Unity is power,5C,我會永遠記住的。