每年生日,都總結一下過去o既一年。今年係18歲生日,就總結下我過去咁多年o既人生。

      學業方面,由小學講起啦!我d學業一直都向下發展：

小學：1年級─頭10名

            2年級─頭5名

            3-4年級─第1名

            5年級─第2名

            6年級─第3名

上到初中就死啦：

中一：30幾名(有考嗰次)

中二：40幾至50幾

中三：40幾

ce就更加唔好提啦! al,唉~(p.s.完全體會到小學求滿分,初中求高分,高中求合格)

      講下「情」呢方面。親情發展得很好,無問題。友情都好好,都無乜同過朋友嘈架。知心朋友雖然得一個,但係都夠哂數啦!但係愛情就真係...唉...4次全無好結果,上世做得衰野多,今世

咁懲罰我,無計啦!繼續努力啦!但係最近發現自己已經心痛到無乜反應= =,習慣過份?定係其他原因呢?係好事?定壞事?無所謂啦,唔影響學業就得啦!

      身邊o既人,好多個都已經係一對對。而且今日同冼栢傾開,飲我奶大o既全部有拖拍= =,阿may啦,kaki啦,阿lo啦,唔通我嗰d係愛神奶?有冇人要飲黎試下呀?哈哈!講笑咋,因為喂唔到

俾咁多個!哈哈!睇返轉頭,當時ii係最無可能有拖拍嗰個,點知而家有嗰個係佢,認真吹漲= =不過佢為阿may守咗咁多年,抵佢有o既。睇住冼栢同我一位識咗好耐o既朋友開始,又睇住佢地

好莫名其妙咁分開,愛情真係好難經營得好架。而且,兩情相悅真係好難得,所見過o既例子唔算多,有d又夾唔準時間,唔小心咁錯過咗。但係有時錯過咗又未必係壞事,簡單d黎講,世事難

料,珍惜眼前人係最重要。睇過篇文章講過,愛情係要不要臉,而且仲要及早(雖然及早未必成功),否則一切都遲,蘇舟過後無艇搭架啦!

      2場手術,令我失去咗爭取愛情o既機會,但係我覺得得到o既野有更多,知道咩叫慘都未叫慘,大把人慘過你,走一躺根德公爵夫人兒童骨科醫院就會知咩叫慘,我隻腳咁樣,已經係碎料架

啦......另外,喺根德住嗰陣,聽到一個純情故事,年輕人的愛情先有o既純真感情,多麼令人羨慕,希望佢地能夠相守永遠。可惜,我可能得不到了...

      而家最想去呢,就係買返張六合彩,哈哈!

      唱k呀!好想去唱k呀!(要去貪生日唔洗錢o既優惠,哈哈)

      我o既人生,踏上咗另一階段,是一個終結,亦是一個開始。要走的路還有很遠,何時遇上真愛、意外、離別,我不懂鐵板神算,我唔知,但係存心養性即事天,繼續當個好人,努力讀書,無私

為愛o既人犧牲,相信最終我的願望都會一一達到......

      今日係咁多,88。

      啱啱過去個星期,剋都無人有= =。星期三lunch當值上樓梯嗰陣,唔小心左腳kick右腳,成個起跑姿勢壓落地。雖然全身無跌傷,但係隻腳趾公就咬咗柴= =,波子骨位勁痛。到咗星期

五pe堂,輕跳起黎接個手球,落地嗰下咬柴,今次到左腳,救命呀!!!仲要喺大家面前,瘀爆(特別仲要喺xxx面前,感覺更瘀,嗚~~~)。以後pe戴定護腳套先得= =。

      星期五放咗學去睇跌打。嘩原來隻腳趾公好傷,連關節都出事,好彩睇睇啫,如果唔係結果真係不堪設想。但係右腳full藥成日行到擠哂出黎,拆咗d藥之後,隻腳好似踩完屎黎咁= =。

      Still working hard for the present for her birthday. The time is running short, make faster!!!

      今日係咁多,88。

      等我打下D近況先：

      上學期考試,真係略嫌差咗d,考22名,商科考第10名,下學期要努力追返。繼續努力做prefect,大佬源有意搞聯校領袖生活動,係都唔錯啵!等南官的prefect試下喺我地交流下意見都好

(雖則南官的prefect係hea做得好緊要= =),下個星期日日當值,要加倍努力。之後就係師生同樂日,又有得玩lu...

      我總是凝住好似有人誤會我啵~why? tell me why...

      我決定了,要喺年初一表明心意了,希望唔會好似之前咁啦~至少我唔想好似以前咁,搞到面阻阻。

      今日係咁多,88。

      先講下我今日做過d咩啦!一朝早起身就打太鼓wii, 打到10點半邊睇超人,邊hea做ue,仲差summary cloze同份中化就搞掂了!最好係考完試,唔洗溫書住lu,哈哈!下午就同朋友玩卡,玩

到11點幾,再過葵芳同屋企人食糖水。實現咗放返個宅男假期。原本我地打算打到1點幾,但係攰得濟兼覺得悶,所以同屋企人食下野好過。

      咁快又一年。今年係我人生最大轉變o既一年,去咗一間新學校,認識咗一班新同學,有d新老師教我,我覺得真係好過留喺南官。雖然少咗江sir o既有力econ教學,但係我至少唔洗喺一

個悶到傻o既環境下讀書,南官6A班d三姑六婆,的確唔野少,兼且同佢地一向都唔係太熟,真係走咗仲好。仲有樣好正,就係做咗兩個月prefect仔,就升職成為vice-head prefect,可藝o既

prefect同南官實是天壤之別,以前南官真係未打鐘都費事出去當值,就算轉咗做留堂班嗰邊,同樣咁hea。可藝就差得遠,大家都要好認真,令我不敢怠慢,不竟南官d學生衰極有個譜。

      講下愛情方面,終於挨過咗第17年沒有女朋友的日子,習慣了,沒甚麼大不了,只是有點耿耿於懷。今年又學到新事,世上真係有人會為咗愛情,蠢到捨棄哂一班同你挨過ce的朋友,既然

你想咁,我成全你,唔再同你玩了!希望你真係會俾到幸福佢。今年學到了,喜歡一個人,真的要在對方愛上他人前講,呢次我一直收埋咗自己o既心意,我只係想等考完ce再同佢表白,但係一

切太遲,沒法再挽回一切。到而家我仲好記得當晚喺醫院,我喊咗好耐,喊得仲好勁,我永遠難忘的一晚。這都一切過去了,我也找到一個使我心對她產生共鳴的人,真的想告訴她我的心意,

但係我怕歷史重演,我唔想咁......羨慕在我心不斷出現,不知來年我會否有機會,當她的「男傭」呢?

      有樣野依然不變,我仲係咁肥@_@,唉~~~

      最後祝大家心想事成,情侶們甜甜蜜蜜,單身者可收成正果。

      今年係咁多,88。

      好耐無打BLOG lu, 突然間好有興趣打返篇, 咁就打下啦~

      明明下個星期就考試, 點解成個人都未入狀態, 極度hea。 今日有3個quiz, 寫字寫到手痛(特別係隻無名指), 最激氣係econ嗰條明明見過幅圖點畫,但係記錯咗,將4條budget line同喺

同一個出發點畫,頂!差埋門一腳就得架啦!!!激氣呀!!!聽日仲有個writing quiz,救命呀!!!

      最近發夢的頻率比以往高,一星期大約3晚也發夢。夢中總是不缺她的存在,似乎她的出現,讓我的心防再次崩潰了。自心傷過後,覺得只要每天見到喜歡的人,就會感到開心。現在也是

這樣,不管課堂有多沉悶,只要看她一眼,都不再覺得悶了,有一種開心的感覺湧現。我不敢過於表現,我怕過往的情況再次重演,我很害怕再受到傷害,我不想......每當看到街上、班上的一對

對,是多麼使我羨慕啊!每一句「串嘴」的話,都只是表現我對愛情的渴求,對一次相戀機會的渴求......天總是公平對待每一個人,我深信著,並且等著......

      今日係咁多,88。