終於生日lu,17歲,下年可以買六合彩/馬仔/賭波lu,今年唔洗考試,仲無學返,good。

      3點鐘到同betty到冼栢堅home,其他人買緊蛋糕,所以未到,但係等咗好耐,話喺OK行緊過黎,但係半個鐘都未到,冼栢都問佢地到底係邊間OK,我就認為喺非洲啦,哈!4個人終於到,kaki,

民康,阿may,ii,即刻開枱= =。但係開枱之前同冼栢鋤dee已經輸咗$7.5俾佢,呢排都係唔好賭錢為妙,好黑,d牌,唉...打咁耐最好都係嗰鋪自摸4番= =。3點左右,betty就走,要同apple一齊

去考oral。打完個南圈就切蛋糕,麻x煩咁求其喺個邊到切一刀,再俾冼栢搞掂埋佢。食完再打,最後好似輸咗$20左右。喺冼栢做嗰間食埋個tea就再去新都會打機,真係好玩,打到level-7

的歌了,happy!打完就食晚飯,喺屋企樓下度食。

      今年呢個生日應該係我最開心的一年,雖然人數不多,連家姐都掛住去溝仔,有人買生日蛋糕俾我,已經超出我期望了。而且,我也把我的心頭大石放下來,感覺很輕鬆......

      今日收到的祝福,最驚喜是米高給我的一個,我想講,其實唔係我唔想,我最想做到就是一切也平衡,但係自那次睇戲事件後,令我要重新評估他,基本他在我心中已經是信用破產,但係我

真心仲當佢係fd,很少人會同我玩埋同一種online game,難得一個志趣相投的朋友,我唔願意因為愛情而失去,但係始終真係要雙方都願意先得囉!(果然米高真係走唔甩巨蟹座的)

      betty,選擇權最終也是在你手上,我絕對無權阻止你做任何決定,但一定要記得,千萬不要做令自己後悔的決定,而且記得要及時,一切也像我給你的生日禮物一樣,有賞味期限的......不要

因太遲而讓它流走......

      米奇老鼠同唐老鴨雖然不是情侶,但至少他們是要好的朋友......

      高越,下次我地見面我一定會斬死你!!!不快樂呀啦!

      民康你成功地成為我今年最後一個人同我講生日快樂o既人,你好勁呀!到你生日我記得的話都會做最後一個架啦!

      阿丁,對你好失望,居然on咗都唔同我講返句生日快樂= =

      生日願望?早就把它送走了......

      諗返起黎,好似咁耐都冇乜邊個願望係實現咗囉= =

      剩下的日子,一定要玩得最開心!!!

      6月24日去睇矮仔多情,睇就搵我啦!

      今日係咁多,88。

同我講生日心樂的人：

第1名：冼栢堅

第2名：noddy (仲叫我大個仔要"生性")

第3名：kenny

第4名：kaki

第5名：金金

第6名：kawaii

第7名：基基

第8名：5+bee

第9名：雲尼

第10名：may may

第11名：ii

第12名：betty

第13名：家姐(下年唔好再掛住溫仔啦下!!!)

第14名：提子

第15名：Hazel Chan(口試班同學)

第16名：佳哥

第17名：nok恆(小學同學)

第18名：米高

第19名,即係最後一個：民康

死高越,生日不快樂呀啦@@

      今日下午上大陸,先去飲茶,真係好大囉!但係d冷氣唔係好得。之後行咗陣就去我老豆個上司間屋到參觀,真係好大好靚,有兩層+天台,d房最少有200呎,個天台仲有個浴缸,露天浸浴,一

定好爽@@。一去到就係咁請我地食野,我一口氣食咗一杯雪糕,一支雪條同一樽橙汁。走嗰陣仲俾咗一大包鴨腎,旺旺仙貝同薩琪瑪。之後一齊去食飯,個豬骨煲好正!d豬骨又好食喎!

good!老豆個上司送我地到地鐵站。坐深圳地鐵去羅湖,就快落車嗰陣,阿媽問我：「嗰個女仔咁熟面口o既?」睇真d,原來係徐瀟然...咁到可以撞到佢,真係...返到屋企已經11點幾lu...

      明天生日啦!

      今日係咁多,88。

      今日返學校攞mock成績表,平均分幾乎無變過,但係得第4。媽媽同hulle.傾完就返小學探下d老師,今年係黃筱煒last一年,但係撞正豬流感,可能會搞唔作畢業禮,很可惜啊!睇過哂個校

舍就過返去屯市同民康一等人會合。唉...打漏咗少少字,就請大家玩冒記啦!無所謂啦!大家開心咪得囉!去之前撞到余銘熙同佢女友,原來佢條女咁靚架喎!真係羨殺旁人。玩完之後大家散

band,我就過咗去新都會玩咗兩鋪jubeat,有個女仔超勁,level-10都有A,有d超難歌佢都有SS級(佢係online play,有張卡黎記錄,一張$30)。返到屋企都成7:45pm。見攰落床,但係訓唔着,

於是落返床。睇千奇百趣,個阿伯真係收得貴,$600-800。之後睇錄低咗o既衝鋒21,終於贏咗啦!之後再睇最後一集的涼宮,講到尾,又係愛情引起一切。

      今日係咁多,88。

      今日都唔知做咩,好似做咗d咩都唔知,條友嗌我出去我又聽唔到,唉。咁啱得咁q,同個小學同學一齊考,考完出咗課室門口,佢就叫我個名,我又叫返佢個名,哈,原來真係佢。考完買咗支

蘋果綠茶就搭車返屋企。今日成4點半先出門口,先坐58M去到屯市落車,再即刻打的過去百周年。入到去個預備室已經開始驚,入到考室見到個外籍老師就更加驚,1分鐘仲要係佢問我,但

係兩個老師都好nice,相對叫好d,答唔到都叫做提下你。考完之後我都被人話我驚到手都震埋。總之,衰哂。出門口都已經覺得一定考得差,差唔多出得門口嗰陣,有野入眼,又痛又開唔到

眼,好彩好快冇咩事,再用d洗眼水洗一洗。唉...

      聽日要返去攞成績表啦!仲有,聽日係hulle.生日,記得同佢講返句生日快樂。

      今日係咁多,88。