今日1am就醒咗啦!起身先睇新一集魔女18號,之後喪hea到老豆起身去食早餐。之後返屋企再hea,hea到11點出門口去西九,11點幾已經到咗,但係等民康一等人到12點幾先到。對

上一次玩滾軸溜冰都已經係5-7年前,所以下落場玩真雪冰平衡唔到,前後仲p咗兩次k,整損咗手踭同兩隻手掌下半位置。溜咗3個鐘不夠,實在太攰,還返對鞋,坐喺度休息。坐到咁上

下,betty同牛都到,民康,kaki,丁丁,apple,米高,叉,阿紫,提子,高越佢地足足玩咗成4個鐘,真係佩服!溜完去食野,個咖哩飯都算ok啦!之後上9樓打機,叉叉無介紹錯,嗰部機真係超正,level-9的

天堂與地獄真係好high,要3個人打先掂= =(仲未必pass到)。最好o既係新都會有,yeah!!!喺我入院前同我一齊去,我請!!!之後。因為民康要買衫,所以過去旺角,睇完去咗間大家樂,我,

叉,betty,牛都冇買野食,於是我提意去光輝圍食,食完又有67M坐。9點半起身走,10點先到光輝圍,去咗翠苑食粉麵。食到10點半左右,帶埋佢地去車站我就回家。

      今日瑋無拿拿打黎問我打唔打牌,仲要喺尖咀,點黎呢?

      終於將那兩件東東送咗俾betty啦,但係睇見佢手上梳蕉,心中有無明的痛楚浮現......

      餘下12日,還有兩件事要做,一是把一個承諾實現,二是......

      今晚睇埋魔女先訓......

      今日係咁多,88。

      今日成日都喺屋企hea,完全唔知有咩做,又唔想溫oral(星期四考啦!仲唔溫書@@)。醒睇埋b碟的死亡預告。之後好悶好悶咁hea咗成日。睇大學生了沒,教你點睇一個人的情緒,原來

上半身比下半身更易講大話,呢樣我明白,55。而全身最誠實的居然係雙手,但係當佢解釋嗰陣你又會覺得真係咁。頭先6點幾左右,真係太悶啦!所以睇多次魔女18號的第6集,飛哂唔啱

feel嗰d。之後食晚飯,今日有泡菜年糕,好味!好懷念那次南韓之旅啊!食完繼續喺電腦面前hea。

      計計下,得返13日就要入院了...到而家都仲未有做到要做到的事......

      今日係咁多,88。

      今朝好早起咗身,9點鬆d就醒咗。起身睇埋第5集魔女18號,睇完差唔多11點(一集成1個半鐘,喺台灣仲要星期一至五晚播)。喺屋企喪hea,hea到2點幾,就同媽媽,toby去葵芳。死亡預

告終於出碟啦!$45,半夜先睇,因為我會睇到喊...(之前喺戲院睇,真係喊得好勁~.~)。仲扭咗隻旦,因為睇書見到幪面超人decade(目前日本最新的一輯的)出咗新系列的扭旦先去的。一扭,

就中咗decade o既最終形態,yeah!但係我都係仲要普通形態o既decade同diend= =。行行下TATO打黎問我去唔去YMT練雜耍,見冇乜野好做就去,順便過信和幫媽媽睇D野。5點左右返

到屋企,換見衫,用用部腦就閃。 我出門口嗰陣,都諗諗帶唔帶遮,但係見全日都冇乜野,所以貪方便唔帶,連風褸都放低喺屋企。去到地鐵站,老豆打黎問我tea唔tea,但係唔知係佢部手機定

我手機定佢隻耳問題,我大嗌都聽唔到我講野,最後sd sms俾佢算數= =。過去信和行到6點3左右,頂囉!落雨,於是再行多咗先過去梁顯利中心,過到去已經變咗做隻雞──落湯雞= =。好

彩stalla喺度,如果唔係冇得入。練到9點半就走,返到屋企大約10點3。沖埋涼啱啱好做謎,龍婆= =。

      琴晚連續有兩個人問我溜唔溜冰(仲要真係接著問囉= =),真係好野!

      今日係咁多,88。