講新一年o既野,先講返上年先。

      琴日中午已經入咗黎屯門唱k,唱到5點就走。但係要hea到10點,所以去咗洗栢home,鋤dee。搞咁耐,先贏到佢一支維他奶,唉!7點左右喺屯市吉島美食廣場食晚飯。hea到9點幾喺m記食薯條等佢地成班人。包括：民康,kaki,腸,ii,丁,腸個妹+佢個fd,高丸,明何,飯。好無聊喺屯市個中央廣場倒數,真係夠無聊。仲要冇電視同空調。之後大家送咗阿飯去卓爾居再搭車走,喺蔡意橋輕鐵站食咗半個鐘風先知冇751,唯有坐507再轉615P。之後坐西鐵回家。

      一到12點就係咁打電話講早

      過去一年,應該係我校園生活最精彩的一年。依然係班長,日日都要抬42份報上課室。依然被一班同學推出黎做擋箭牌。但係,好開心。冇後悔到讀商科。呢班,令我有一班好同學,一
班好朋友。仲有個好搞笑o既中文老師= =。

      過去一年,終於嘗試擺脫過去,尋找我的春天。可是,還是活於這漆黑的寒冬。追求,她不給我機會。忘記,現在我做不到。可以做的,考好個會考先......「只有付出,沒有回報,值得嗎?」沒有甚麼值不值得,只有後不後悔。我,一點也不後悔。

      過去一年,是我在世期間,最多采多姿的一年。

      今日,同老豆shopping(其實係對我o既最後通碟：好溫書啦!),買咗頂帽同一件裇衫,承惠$800幾。條褲要自己出錢買啦!我諗最快都要農曆新年先著得架啦!頂帽應該都戴得o既......

      最後祝大家

新年進步!!!

學業進步!!!!!!

身體健康!!!!!!!!!

      今日係咁多,88。

12月24日

      平安夜,諗返起上年先忘記了過去,現在還是差不多,哈!

      今年同民康,kaki,洗栢,叉,米高,丁丁,提子,乳牛過。喺時m代記等,之後上咗叉叉屋企打機。大約7點出旺角,乳牛就回家。食kfc,一人夾$30。去咗朗豪坊不斷影相,仲去咗無印買零

食。之後周圍行,行到11點米高就走。未夠12點,大家都冇乜心機行過去尖咀,所以喺佐X上車回家。到咗12點,打咗俾敏同瀟然講......早晨= =。

12月25日

      終於的起心肝去油麻地個百老匯電影中心睇死亡預告,實在太正了!最少有1/3睇到我喊。到底故事中的的法律係咪正確呢?無可否認可以令國民珍惜生命,但對於那些年青有為的青

人,這是否做得對嗎?同時,故事中的思想頹廢罪是用黎懲罰那些反對的人,一但有反對的念頭,都會將你折磨。故事中,其實好多人都唔認同政府的政策,包括主角同佢上司。但係佢地無權

無勢。只可靜待時機(最尾主角個上司咁同佢講,似乎埋下伏線出下集)。

      收到一個令我意外的短訊,你真的還當我朋友,感謝orz。

12月26日

      今日要補習,出去屯門食早餐再補習。補完跟民康kaki上kaki屋企,我很後悔跟咗上去。之後去咗洗栢屋企鋤dee,輸撚咗$20= =。之後再補PA。補完kaki黎咗屯市,同埋民康,ii,洗栢行

到7點鐘先坐車回家。

      「似咩?」有人問過我。真係太似囉!

      今日係咁多,88。

      一日比一日近了,所以大家都搏命練習,而我就不斷練舞同歌,希望比賽嗰陣唔好走音!!!

      原本冇諗著打blog,但係見kaki咁想睇,咁唯有打啦!

      econ做快咗,但係都係慢過民康。錯咗4條。波波sir其實係咪喺度唱緊催眠曲呢?上親佢堂眼簾總係好重咁。lunch出去食,成兩個禮拜冇出去食啦!食咗碟蝦醬蒸腩仔,唔錯!但係d蝦

醬直到我補完PA去小便嗰陣都聞到= =。

      放咗學要交哂d班相錢,之後上到課室O哂咀,最後都係要quiz,以神級的速度ko份卷,之後趕去栢麗補PA。

      搞掂咗3分之1啦!!!

      今日係咁多,88。

      今日又係好忙,3點鐘econ需供,4點3中文,6點中文口試練習。今日上econ,本notes啱啱今日教完= =。中文好輕鬆上完。食完野再上埋個口試練習,今次真係超勁,朗讀有5(中),口語溝

通有5*,YEAH!!!

      朝早去咗個有點心食的茶餐廳,4個人食咗2舊幾@@,我大佬請的。下午嗰餐去咗KFC。

      很可惜,去唔到JA~.~

      就快到聖誕啦!但係有野未準備好啵!

      雲尼生日快樂!!!

      今日係咁多,88。

      今日電腦堂,未做過的ws= =,都要對。再次被kevin Ng昆了。econ係咁做題目。PA聽到訓著咁濟,我左邊嗰個訓足堂半。下午3堂英文,因為琴日做咗個mock sba,hea咗好耐。放學

補econ,又做題目。補完練舞。練到5點半就走了。

      啱啱聽到阿媽今日喺m記遇到的事：有個女人喺m記買野食,到佢叫飲品嗰陣,佢居然問：「有冇華田?」個經理無奈地回答冇啦。個女人諗下再問：「有冇菜蜜?」個經理極度無奈

答冇=o=。仲勁過喺m記叫乾炒牛河囉!

      期待We're all in this together的舞步。

      今日係咁多,88。