今日去咗睇20世紀少年。出發前先去個葵芳買野,居然撞到阿筠同saku,阿筠仲話要攬攬,no way!!!兩條友問我有咩好食,點叫佢地去葵涌商場囉!但係唔記得講最少去到2樓先有好野

食= =。入到屯門hea咗好耐。得阿叉同我睇,不過都好。今次坐喺「M78」星雲,即係M7同M8。套戲真係好好睇,我完全目不轉睛咁睇,實在太好睇了。打字打唔到點講,聽日問我啦!返到

屋企沖涼食飯,有洋蔥豬扒食,正!頭先啱啱同老豆老母打麻雀,居然無贏無輸,勁!有鋪一起手4隻花,之後仲補多隻返黎,但係冇一台花= =。

      今日係另一個黃立康生日。生日快樂呀!黃立康!!!

      今日係咁多,88。

      民康又老咗一歲了,適逢今日又係公益服飾日,有得著便服。今日著返綜藝晚會嗰套戲服,唔錯呀!幾好呀!hulle.講書好咗,我明佢

講咩囉!lunch諗著去寶島架麻,點知佢忽然休息囉!民康生日都咁唔俾面,唯有去美味屋食啦!放學仆返屋企沖涼再出返黎同民康等人

睇戲。嘩!條友真係好乜大囉!最尾先正,唱爆個女人對假野,超好笑!但係入面都幾多變態野,點解條友一日可以同咁多個阿婆咩咩咩

架?有冇咁強呀?睇完去咗吉之島食野。食完就回家了。

      3條友真係就咁去睇20世紀的少年,唉......

      今日係咁多,88。

      今日揀咗搭港鐵回家,但係要先陪kaki去遵理問PA補習d野先,有埋叉叉同阿筠一齊,問完之後差d唔記得去toilet= =。一齊行咗

去西鐵站,kaki同我一齊搭西鐵,而叉同筠就走咗。喺架車同kaki講星座。kaki話：「巨蟹座o既專一係呃人架!」我答返佢：「你嗰

個咁啱唔係啫...(p.s.我是巨蟹座的,但我唔係特別case)」坐到美孚轉地鐵回家去。

      今日被民康強暴,但係痛係米高批我嗰一野,條腰痺咗陣= =。

      我真的有啲頂唔到被人用自己鍾意o既人黎串我囉!連saku都串埋一份先氣頂呀!!!

      明明咁熱,唔明點解仲可以著住見冷背心,唔熱架咩?

      今日係咁多,88。

      今日一班去完澳洲的同學做sharing,man lo居然叫Many。好難聽的名字啊!hulleman都話難聽,做咩要改個咁o既名呢?man

lo咪好好地囉!今日好悶下囉!冇乜野特別,係睇班友仔做討論,幾好笑,阿腸d聲量真係太細,冇一句我係聽到佢講緊咩囉!仲有個低能的

高越,真係好低能囉!被隻牛屈佢出去。今日PP下E落雨,入返去玩提腿,個肚超痛。今日係跑得最快的一次,5分27秒,少咗一段路真係

差好遠囉!下次再盡量跑快d先^^

      放咗學又要去補PA,derek講得太快了,要俾足精神聽。返到home成7點幾了。]

      今日終於知道佢大約幾點返到學校了,用咗好耐時間先check到......

      搵人於國慶嗰日去睇20世紀的少年,去的話call我,睇下夠唔夠人成團。

      今日係咁多,88。

      都唔知邊個死pk入侵qooza,搞到我又要局我用xanga。所以決定qooza同xanga都用,方便大家。但係一切都喺qooza做

先。

      今日話就話打風,但係今朝一滴雨都冇,搞到要落去早會,頂!隻攝青鬼依然好攝青,hulleman都依然淆佢,次次問我齊人未就閃人,

真係無義氣。上堂無咩特別,係江sir d gag同陸sir又用作文成績做野啫。原來唔係我做架麻,個阿mo又話唔做,累我排得第7都要

做。又唔俾時間準備,話頭先吹水已經係準備,點做呀?最後好hea咁做完講88。下午林sir開始了男性更年期,越黎越燥。

      放學交完簿俾ms張就仆去搭車,怕冇車返屋企。

      發現我不是害怕面對她,而是她身邊的朋友......

      今日係咁多,88。