琴日係米高生日。上午11點喺新墟m記集合,之後去睇街頭超人。套戲好正,但係翻譯得好有問題,ass hole明明係第3隻眼,但

係唔知點解譯成狗屎,有一幕hancock坐監,有2個犯叫佢ass hole,佢就將其中一個人個頭塞入去另一個o既ass hole到,嗰一幕好

正,其他o既犯都各有表情,同埋嗰兩條人咁樣令人諗起人馬=.=。hancock剃鬚用手指甲已經得,條友同佢講話自己一放手,d人質身

上d炸彈就爆炸,hancock就索性斬咗佢隻手落黎,最勁係個警長,不慌不忙咁拎著隻手......

      睇完戲去米高屋企,3年冇去,改變咗好多,以前去係行條碎石路,而且一條直路去,而家條路九曲十三彎,隨時盪失路。去到打機,打

5點到食蛋糕,之後去到6:45pm去bbq,喺樓下等佢地行,我一去toilet又唔q等我。個場好好,環境比小欖嗰個寧靜,又唔會好多人,而

且d食物好多選擇,d菜類又唔洗另外俾錢,d蒜油好正,又有帶子送,連乾魷魚都有先令我出奇。燒到咁上下就開始打牌,之後喺度玩其

他低低地o既遊戲,11點到就走,跟樹熊阿bee父母架車走,最初話送我去新屯門中心,點知行路,唯有送我去屯門市中心,啱啱趕得切最

後一班o既66巴士。我喺架巴士打緊太鼓(水之卷),無拿拿落雨,搞到我濕哂,唔通玩水之卷可以呼風喚雨=.=?

      返到屋企睇埋火影就訓。

      今日起身食完早餐再訓,起身食完lunch又訓,起身街食下午茶,好似唔夠訓咁。

      今日係咁多,88。

      今日聽嗰個講座,純粹去歎冷氣,冇乜心機聽,喺度同gary吹水,無聊到sd sms(係我同gary),最後吳sir過埋黎,先收機,最後梁太

企埋附近,唯有聚精匯神聽下個講座。最後仲被梁太留咗陣。之後去咗洗栢屋企食飯,打ndsl。等到2:30pm出發去龍門匡智,3點幾

咗,等埋tato先入去,今日有迪士尼基金會d人黎訪問,所以親切都有人黎。5點鍾搭車回家,成身都濕哂,唔係落雨o既關係,而係出汗太

誇張。

      今日買咗本《港男筆記》睇咗頭幾頁,承惠$52。使用守則：把港男的名字寫在筆記上,該人會：死亡,在一百年內；同名的港男,

就算未見過面,都會死,但係唔知幾時...我相信我睇埋落去會喪笑。

      今日係咁多,88。

      今日同翠,冼栢一齊睇功夫熊貓,約好咗2點,但係1:45pm就到咗,所以喺許留山食龜苓膏等,無耐冼栢到咗,排隊買飛。冼栢話做

咩唔買定,我話買完個位唔鍾意,又或者一句冇心情唔睇我咪要蝕成$70。逛咗陣再入場,包食同飲,total $68。勁狗囉!明明買飛嗰陣

有套餐架麻!買嗰陣居然話冇套餐。

      套野有3個精彩橋段,第一個係大豹逃獄,單豹匹馬打低咗過千隻犀牛,成功逃獄。第二個係蓋世五俠(毒蛇,猛螳螂,靈猴,飛虎女,仙

鶴)同大豹打,一隻螳螂拉著成條木橋,超勁,最後5個都不敵一隻豹。最後係熊貓阿寶對大豹,超正,因為阿寶太肥,點錯哂穴,點中佢笑

穴,點極都唔中大豹想要d位,最後用個阿寶用佢個肥肚腩頂大豹上天,再跌返落黎,重傷。呢套戲最大疑團係,點解一隻熊貓o既老豆會

係隻鴨o既呢?故事又無交代。整體黎講,都值得睇,因為d動畫做得好好,做得好生動同細緻。

      睇完戲就去逛街,行到6點到就走。

      今日係咁多,88。

      低能架!邊q個改compo.架,d點大點得濟都圈住,用個conducive又圈住,乜q都圈,搞到得33分,低能架,但係令我最驚呀o既

係,rainnie比我更低分=.=,完全冇可能,都唔知邊q估改架!!!好彩reading有成48分,oral有32分,list.有73,加加埋都係186分,跌咗

19分,鳴......rainnie真係勁,oral 40分,但係有人仲變態,42分,唔記得邊個(好似係菇菇掛)。

      到目前為止,未派中文oral,總分711分,平均分有59.25,跌咗4-5分,鳴......

      聽日睇功夫熊貓,唉,做人地電燈膽=.=

      今日係咁多,88。

      我終於16歲啦!今日都ok啦!成個上午冇野做,喺屋企hea=,食完lunch就溫書。下午5點幾出門口,同屋企人食飯,食完飯老豆要

整電話plan,但係最後出咗部免費手機,媽媽都轉埋用3,再有部手機送,咁就換咗部新機,舊嗰部可以賣咗佢,哈哈!之後買咗個cheese

cake做生日蛋糕,好味!!!

      聽日maths要考到最好!!!

      今日係咁多,88。